المراقبة امينة ضيفة كرسي الاعتراف..

[center]


مرحبا فيكم
اعضاء منتدانا الغالي مازالت رحلتنا مستمره في كرسي الاعتراف
وها هو اللقاء يتجدد مع ضيف جديد
ضيف يحمل الكثير من معاني التميز والابداع
ضيفتنا هي المراقبة ( أمـــــونــــــهـ )

أهلاً وسهلاً بـك في " كرسي الإعتراف "

غمرتينا بلطفك وتلبيتكِ الدعوه بكل رحابة صدر فسلمتِ على تجاوبك

نتمنى ان يكون اللقاء ممتعاً ومميزاُ ..

في انتظار اسئلتكم واستجوابتكم



واقدم لها باقة ورد اتمني ان تعجبها ...



و اتفضلي..على بالي السخانة بزاااف





نترككم أعزائي لترحبوا بالضيفه ..

كما يرجى العلم ان للضيفه حرية عدم الإجابة عن أي سؤال يعتبر شخصي ...

مدة الإستضافة هي اسبوعين...


ولي عودة مع باقة من الأسئلة ..


بداية بطافتك الشخصيه ...


تحياتي للضيفه وللجميع ...

السلام عليكم

قبل كل شيء شكرااااااااا جزيلا رنوش على الإستضافة الرائعة

ولكل الأعضاء اللي اختاروني


نبداو على بركة الله

- الأسم : أمينة

- الجنسيه: جزائرية

-البلد المقيمة فيه:الجزائر - بالتحديد :باتنة

- المهنه: طالبة متحصلة على شهادة ليسانس في الهندسة الكهربائية ، وفي الطريق للحصول على شهادة الماستر بإذن الله.

- الهوايه: المطالعة ، قراءة الشعر والخواطر ، والنت في أوقات الفراغ


هذي بصفة عامة

طبعا ننتظر الأسئلة تاعكم

اهلا وسهلا امونة منورة الكرسي بتواجدك فيه

نتمنى نكونوا خفاف عليك

وانتظري الاسئلة

الدفعة رقم 1

1- صفي لنا شخصية امينة؟

2- الاشياء اللي تحبيها واللي تكرهيها؟

3- اللون المفضل عندك؟

4-الاكلة المفضلة؟

5- واش تحب امينة تتفرج في التبفاز؟

6-بصراحة شديدة الاعضاء لما تغيبي عن المنتدى تبقاي روحك تتفكريهم؟

7- العضو لي تحسي شخصيتك تنطبق مع شخصيتو؟

8- امينة في اغلب الاحيان قبل ما تنام واش تخمم؟

9-رايك في بعض الاعضاء اللي عندك معرفة مسبقة معهم كل واحد اعطينا رايك فيه؟


10 - ايييياييييياياوووووووووو هيدي البداية ومزال مزال
ههه هدي اسئلة ترحيبية خفاف

وهدي هدية من عندي

وجدي روحك واحذري جيدا!!!!!!!!!!!!!!








أولا تفضل على كرسي الاعتراف من فضلك.










ثانيا إليك الآتي :
(جاء دور الأسئلة)

1-جاوبيني وبكل صراحة ماريأيك في الكذب؟؟؟ وهل كذبت من قبل؟؟؟؟؟وماهي ردت فعلك أذا كذب عليك أحد أحبابك (مع العلم أنك تكنين له مشاعر طيبة)؟؟؟؟

2-ادا جاك واحد من أقربائك أو معارفك وقالك اعطيني الحاجة اللي عندك (مع العلم أن هذي الحاجة غالية عليك - حاجة مادية-)هل ؟ أو هل ؟؟؟؟؟

3-اذا صادفك يوم من الأيام وسمعت أن احد اقرباء صديق ليك توفى -لا قدر الله- (ومع العلم أنو جرى شجار بينك وبين اللي كان صديقك وتأذيت بسببه نفسيا) هل ستذهبين لتعزيه أم لا ؟؟؟؟؟(ومع العلم كذلك أنه صديق طفولة).

4-في حال أنه في المستقبل إنكتب وصار لك شريك الحياة وأتاك احد زملائك في الدراسة اوالعمل وكلمك في الشارع وشريكك يراقبك من بعيد وأنت لا تدرين بامر شريكك (مع العلم أن شريكك أنسان محافظ حتى لا اقول معقد) ماهي النتائج المسفرة غن هذا الحادث في رأيك ؟؟؟؟؟؟ وماذا ستكون ردة فعل بصراحة؟؟؟؟؟؟؟؟؟؟
5- هل المجنون في رأيك ذكي أم غبي (أنت حرة في طريقة الإجابة -مع التعليل- )


ثالثا وأخير :
الرجاء ترك ملاحظتك بعد الإجابة (ليس إجباري)



وشكراااااااااااااااااااااااااااا

يا تيتوز هادا sujet نتاع الباكالوريا ماشي أسئلة كرسي اعتراف لاء وتعليلات وتفسيرات وماعلاباليش ههههه الله يعطيك الخير
لي رجعة للموضوع إن شاء الله

صباح الخير ،

انصاف الدفعة تاعك واش نقلك "من كثرة ماراهي خفيفة" البارح فالليل juste كملت الإجابة tcoupa الضوء ههه ، قريب بكيت

المهم مرسي بزاف على jus راكم قمتو بيا bien



1- صفي لنا شخصية امينة؟ انسانة بسيطة جدا ، تحب كل ما هو بسيط ، شخصية مرحة ، مزاجية ،

2- الاشياء اللي تحبيها واللي تكرهيها؟ نحب الإبتسامة حتى فالأوقات الحزينة متفارقنيش ، نحب الصدق ....نكره الحسد خاصة النفاق والغيرة.

3- اللون المفضل عندك؟ نحب نوع فالألوان ، واللي يجذبني بزاف الأزرق الفاتح

4-الاكلة المفضلة؟ بيتزا، نموووت عليها

5- واش تحب امينة تتفرج في التلفاز؟ Zee aflam ، وندى العمر نشعل tv على جالهم

6-بصراحة شديدة الاعضاء لما تغيبي عن المنتدى تبقاي روحك تتفكريهم؟ ديما تصرالي والاعضاء هذو : بصراحة نهاد ، ديدي،رانيا، نونوسة ، سليمة، ويوسف 02 و يوسف 25 ، فؤاد وثاني آلاءوبيبا يعجبوني بزاف

7- العضو لي تحسي شخصيتك تنطبق مع شخصيتو؟ مزال محسيتش بلي كاين عضو معناشخصيتو تنطبق على تاعي ، بصح أكيد كاين تشابه فحوايج

8- امينة في اغلب الاحيان قبل ما تنام واش تخمم؟
واش نقولك يا ديدي مخي يبات يخدم قبل رقاد ، كاين أمور تشغلني وأغلبها أمور دنيوية يعني نفكر فمستقبلي "حياتي الشخصية".

9-رايك في بعض الاعضاء اللي عندك معرفة مسبقة معهم كل واحد اعطينا رايك فيه؟

نبدا بيك

ديدي : والله نحبك بزاف كل ما نحكي معاك يطلعلي المورال.

رانيا :biensur رانيا ديما star تحب البريستيج mais يخرج عليها كل شيء مكانش اللي يحكي معاها وميحبهاش

نهاد: اول وحدة عرفتها فالنت ، بمنضاري الخاص نشوف فيها اختي

نونوسة : معنى كلمة البراءة فيها ، راهي غايبة علينا ان شاء الله ترجعلنا بخير

يوسف 02 :شرطي المنتدى هه... أكيد هو امير الرومانسية

يوسف 25: خويا الصغير نعزو بزاف . هو ومهدي ربي يحفظهم للناس اللي يحبوهم.

فؤاد: أروع وأعز صديق شفتو فحياتي.

سليمة: كيما كنا نسميوها شمعة المنتدى malgré راهي غايبة تبقى ضاوية علينا

بيبا : نحب نعرفها اكثر ..وساعات نشبهها ف رانيا

آلاء : قمة في الأخلاق ، ورزينة بزاف


كاين بزاف أعضاء نحبهم وديما فقلبي مننساهمش ،كل واحد خلى صورة مليحة نبقى نتفكرها

امنية من أمنياتي إنو ربي يقدرني و نكونو من أعز اصدقاء انشاء الله نعتازو بعضانا وانشاء الله اللي جاي خير

titouz حرام عليك ، هذا الكرسي وغبنتني فيه يا خويا عجبني تاع رانيا فيه اللصقة مقدرتش نوض هههه... وزيد راك تبان هاز مدفع وقابلتهولي فوجهي




1-جاوبيني وبكل صراحة مارأيك في الكذب؟؟؟ نكره الكذب

وهل كذبت من قبل؟؟؟؟؟ كذبت ، بصح الكذب تاعي يكون على حوايج ماش كبيرة مثلا نكذب على اما كي تتكسر حاجة شيء من هذا القبيل ، ماش كذب اللي عواقبو وخيمة والحمد لله

وماهي ردت فعلك أذا كذب عليك أحد أحبابك (مع العلم أنك تكنين له مشاعر طيبة)؟؟؟؟ تتغير نظرتي ليه و حتى مشاعري .

2-ادا جاك واحد من أقربائك أو معارفك وقالك اعطيني الحاجة اللي عندك (مع العلم أن هذي الحاجة غالية عليك - حاجة مادية-) : حسب الإنسان إذا كنت نحبو حاجة متغلى عليه "خاصة المادة تروح وترجع"

3-اذا صادفك يوم من الأيام وسمعت أن احد اقرباء صديق ليك توفى -لا قدر الله- (ومع العلم أنو جرى شجار بينك وبين اللي كان صديقك وتأذيت بسببه نفسيا) هل ستذهبين لتعزيه أم لا ؟؟؟؟؟(ومع العلم كذلك أنه صديق طفولة). أكيد نروح نعزي ،هذا واجب واي صورة مكانتش مليحة نمحيها من راسي ، ونتفكر اللحظات الرائعة اللي فوتناها مع بعض

4-في حال أنه في المستقبل إنكتب وصار لك شريك الحياة وأتاك احد زملائك في الدراسة اوالعمل وكلمك في الشارع وشريكك يراقبك من بعيد وأنت لا تدرين بامر شريكك (مع العلم أن شريكك أنسان محافظ حتى لا اقول معقد) ماهي النتائج المسفرة غن هذا الحادث في رأيك ؟؟؟؟؟؟ وماذا ستكون ردة فعل بصراحة؟؟؟؟؟؟؟؟؟؟ موقف لا يحسد عليه ، نقولك بصراحة انا منحبش نوقف مع أي زميل برا ونحكيو خاطيني ،وإذا كان عندي شريك حياة، أكيد ننسى الأمة كامل هههه

5- هل المجنون في رأيك ذكي أم غبي (أنت حرة في طريقة الإجابة -مع التعليل- ) هههههههههه المجنون مسكين فاقد عقلو ومرفوع عليه القلم ، ماش ذنبو يكون غبي

ثالثا وأخير :
الرجاء ترك ملاحظتك بعد الإجابة (ليس إجباري)

المرة الجاية جيبلي كرسي مليح وارواح بلا اسلحة الدمار تاعك

امين يا titouz ، وربي يحفظك ويخليك بيناتنا

شكرا امينة امتعتيني بالاجوبة لي رجوع

مشكووورة امونة على اجاباتك الرائعة و تيتوز راه معول عليك ههههههه ربي يكون معاك..

اني اخترتلك باقة من الاسئلة اتفضلي:

ماهو رأيك بالحب ؟

صــف نفســـك بكلمتيـــن فقـــط..!

-مــاهــو الشــئ الذي ندمــت علــي عمـلــــه؟!؟

-كـلمـــة تمنيـــــت ان تسـتطيـــع سحـبهــــا؟!؟

-آخـــر شخـــص تتـــذكــــره قبـــل أن تنـــــام؟!؟


-حمـامة زاجـــل حاملـــة رســالة لـك,,,من من تتمنـى ان تكــون؟!؟

شخـــص لطــالما حـــلمـــت بــــه؟!؟

-دمـعـــه انـذرفــــت رغـمــاً عنـــك؟!؟

-مـوقـــف صــدمــك ولــن تنســــاه؟!؟

-شـخــص تتمنــي الإنتقــام منـــه؟!؟

-شــئ او عمــل لا تستطيــع مســامحته؟!؟

-شــئ او شخــص غيــّر مجــري حياتـــك؟!؟

-حلم لا تستطيـــع تحقيقه؟!؟

-كلمة تود سماعها كل يوم؟!؟

-طالع رحله بريه من تاخذ معك ؟؟

اه مرحبا بيك امونة راكي منورة كرسي الاعتراف

اه بزاف اللي سبقوني ههه....في الاول نقدملك شوية تحلية






ايا نظن هادو بزاف
اه السخانة راهي بزاف ايا تفضلي هادي



هههههه بصح متخمميش مرايحاش تعيي يديك نجيبلك اللي تريش عليك هههه


دروك اعزائي المشاهدين ...عزيزتي امونة

مع الاسئلة /

1- واش هي امنية في المستقبل يعني تحبي تكملي قرايتك وتخدمي ولا...؟

2-هل يهزمكى حزنك احيانا؟

3- ماهو تقييمكى للمنتدى بصراحة؟

4-((مستحيل انساك)) لمن تقولها ؟

5-اي الدول تتمنى ان تزورها ؟
6-هل انت راضية عن نفسك ؟
7-هل تعترف بشيء اسمه الصداقه بين الرجل والمرأة ؟

8-اذا تم تعيينك ملكا لجميع البلاد العربيه فما اول قرار ستتخذه ؟
9-ماالذي يلفت انتباهك بسرعه في الشخص لكي تعجب به ؟
10-ماهو اجمل اسم لولد واجمل اسم لبنت من وجهة نظرك؟

يلا هادي دفعة الاولى...انتظري دفعات اخرى ههههه
يلا بالتوفيق و ان شاء الله الاسئلة متكونش مملة

تيتوز ظاهرة مقنعتكش بصح المرة الجاية أكيد نخليك تقتنع وتعطيني 10/10


نرجعو لرنوش اللي عطرت الصفحة ، psq كانت ريحة الرصاص والبارود هههه




ماهو رأيك بالحب ؟ أروع شيء فالحياة، الحب يخليك سعيدة

صــف نفســـك بكلمتيـــن فقـــط..! انسانة وفية "والله بدون فخر او تكبر"

-مــاهــو الشــئ الذي ندمــت على عمـلـه؟!؟ كي رجعنا نقراو كنا حنا غير ف 3 بنات ، مقدرتش نتأقلم حتى صاحبتهم ، ومن بعدت شفت الويل من وحدة وندمت علاه حكيت معها من الأول.

-كـلمـة تمنيـت ان تسـتطيع سحـبهـا؟!؟ الموت.

-آخـر شخـص تتـذكـره قبـل أن تنام؟!؟ كاين شخص نتذكرو ، بصح متعرفوهش انتوما ههه


-حمـامة زاجـــل حاملـــة رســالة لـك,,,من من تتمنـى ان تكــون؟!؟ من هذاك الشخص (اللي نتذكرو قبل ما نرقد).

شخــص لطــالما حـلمـــت بـه؟!؟ عادة اللي نحلم بيه يتحقق ، بصح الشخص اللي نحلم بيه مازال مكانش.

-دمـعـه انـذرفـت رغـمــاً عنـك؟!؟ آخر مرة فالعرس اللي رحتلو ، كي خرجو لعروسة .

-مـوقـف صـدمـك ولـن تنسـاه؟!؟ كاين 2 مواقف مستحيل ننساهم، نحكيلكم الأقرب: مرة نضت الصباح كي العادة رحت للجامعة نقرا ومعولة 12 نرجع للدار كي وصلت للجامعة لقيت افيشاج بلي نقرا فيزياء لعشية ، كملت قرايتي الصباح وعيطت لama قلتلها بلي منروحش حتى لعشية ، خرجت من الجامعة على 12.30 باه نروح نتغدى وانا ماشية فالطريق وف centre ville مكانش الناس دخت واش كاين psq موالفين الغاشي ونتقابضو على les bus ، كملت مشيت ونلقى الكارثة دراهم ورق ،كامل "100 ألف" ميتحسبوش ومفرزعين فالأرض ممكن يفوتو ل 10 ملاين كي شفتهم حكمني chok خزرت معاهم مصدقتش عاودت مسحت عينيا لقيتهم هما وفاتو ناس خرين بصح مشافُهُمش، وانا واقفة يفوت عليا شايب شكلو شوي خوفني نشوف فيه يلم فيهم ، بقيت جامدة في بلاصتي هو هز الدراهم هذوك ومشى وكيعاد خفت منو مدرتش ورايا رحت نجري رجعت للجامعة من الخلعة ، قريت وروحت للدار كي حكيتلهم قالولي علاه مجبتيش شوية ههه ،،، والله فوت وشحال من يوم والخلعة فيا ، واحد الشايب من لافامي سمع بحكايتي فسرهالي : قالي هذوك يسموهم الرهبان نوع من الجن نشوفوهم بصح ميأذيوش الناس يعطيوهم حوايج قالي هذوك الدراهم شفتيهم غير انتي ولوكان هزيتيهم واحد مايشوفك والشايب هذاك واحد من الرهبان ولوكان درتي وراك كنتي متلقايهش ، فاللحظة هذيك انا زدت حسيت روحي مت .. مستحيل ننسى الشيء اللي شفتو .

-شـخــص تتمنــي الإنتقــام منـه؟!؟ مكانش ، نعتبر روحي أكبر من الشيءهذا. يعني الواحد لازم يطلع niveau ويكبار على الوساخة هذي.

-شــئ او عمــل لا تستطيــع مســامحته؟!؟ الكذب والخيانة

-شـئ او شخـص غير مجـري حياتـك؟!؟ كاين إنسان غيرلي حياتي وخلطلي خيوط راسي.

-حلم لا تستطيـــع تحقيقه؟!؟ مزال محلمتش بحاجة منقدرش نحققها لأنو انا فالدار كل أحلامي الحمد لله تحققت.

-كلمة تود سماعها كل يوم؟!؟ منحبش نسمع كلام كيما نحب نشوف الإبتسامة كل يوم على وجوه اللي قدامي

-طالع رحله بريه من تاخذ معك ؟؟ مدام راني فدارنا لازم يكون معنا خويا هههه "محرم"، أكيد نتمنى يكون معايا انسان ميز بصح الأصول متسمحش


خلصنا من رنوش شكرا ، واللي فقلبك من أسئلة خليه على اناملك باه تكتبيه ههه

امونة روعة لما نقرى اجباتك نزيد نعرفك كتر شكرا
قصة اللي حكيتها تاع الرهبان دهشتنيصراحة بصح نعتبرها تجربة في حياتك =)

شكرا امونة

مرحبا بيك نهاد فرحت بزاف كي دخلتي للموضوع ، وشكرا على كل شيء

1- واش هي امنية في المستقبل يعني تحبي تكملي قرايتك وتخدمي ولا...؟ نكمل قرايتي "ماستر" ان شاء الله ، ومن بعد الخدمة

2-هل يهزمكى حزنك احيانا؟ كي نكون وحدي يهزمني، بصح مع الناس نكون قوية وجامي يهزمني.

3- ماهو تقييمكى للمنتدى بصراحة؟ المنتدى هذا بيتي ولوكان مندخلش نحس حاجة ناقصتني ، وأكيد الإنسان وين يروح ميلقاش أفضل وأحسن من بيتو وأهلو.

4-((مستحيل انساك)) لمن تقولها ؟ لأبي ربي يرحمو ويجعل مثواه الجنة

5-اي الدول تتمنى ان تزورها ؟ الإمارات "دبي".

6-هل انت راضية عن نفسك ؟ الحمد لله راضية.

7-هل تعترف بشيء اسمه الصداقه بين الرجل والمرأة ؟ لالالا ابدا ، انا ضد الجملة هذي تماما لأنو مكانش حاجة اسمها صداقة بين جنسين مختلفين. إلا في أمور مختلفة على خاطر رانا نشوفو فالصداقة تاع الوقت هذا

8-اذا تم تعيينك ملكا لجميع البلاد العربيه فما اول قرار ستتخذه؟ ، أول فكرة جات في بالي الأمة العربية ترجع بلد وحدة عربية مسلمة متحدة .9-ماالذي يلفت انتباهك بسرعه في الشخص لكي تعجب به ؟ الشخصية والهندام أحيانا

10-ماهو اجمل اسم لولد واجمل اسم لبنت من وجهة نظرك؟ بالنسبة ليا

اسم ولد :أنيس ، اسم بنت : أريج / ريهام

هههه ديدي ، ممكن تصرالك ، نقولك كيفاه تميزيهم من الناس العاديين (psq انتي برك اللي تشوفيهم) عندهم يديهم فالطول يفوتو للركبة (كي يوقفو) هذي هي الحاجة المرعبة فيهم

وطبعا الموضوع رائع بتواجدكم فيه

الدفعة الثانية :

1- حكة امينة في الحياة؟

2- نوع الغناء اللي تحبو امينة؟

3- 5 ولايات تحبيهم 5 لهجات جزائرية تفضليهم؟

4- المراة المثالية في رايك كيف تكون والرجل المثالي حسب تفكيرك كيف يكون؟

5- سر لم تبحي به لاحد من قبل احكينا عليه؟ (ان امكن )

6- امينة في هذه الاثناء واش راهي تخمم؟

7- انت مع قيادة المراة او ضد ؟

8- من هو او من هي توام روحك بصراحة؟

9- الانسان لي تلجا اليه امينة في مشاكلها؟

10- هل انت كتومة ؟

11- اصعب موقف تعيشو امينة؟

12-هل تعرتي للخيانة من قبل ؟ ومذا كان رد فعلك ؟

13- كلام لم تستطيعي البوح به من قبل ما هو؟

14- امينة محجبة؟ كيفاه هو حجابك؟ ستايل يعني..

15- بتوفيق حبيت نوع في الاسئلة ولدفعااااات اخرى ان شاء الله =)

amina كتب:

هههه ديدي ، ممكن تصرالك ، نقولك كيفاه تميزيهم من الناس العاديين (psq انتي برك اللي تشوفيهم) عندهم يديهم فالطول يفوتو للركبة (كي يوقفو) هذي هي الحاجة المرعبة فيهم

وطبعا الموضوع رائع بتواجدكم فيه

ياااااااااا
ربي عينك الحمد لله جامي صراتلي انت شجاعة ههه

النور نورك امينة

استمتعت باجوبتك امونتي
ربي يرحم ابوك ويجعل مثواه الجنة ان شاء الله
اما بخصوص القصة و الله مرعبة انا لوكان بلاصتك سور نهبل و الله ..
طبعا لي رجعات بصح نخلوك شوية تتنفسي ههههه

ههههههه مشفتوش حكايات تاع الصح ، هذي البداية هههههه راني نشوف فالقذافي وصاحبو خوافين

الحمد لله كي تفاعلتو معايا

ربي يخليكم ،

هههههه اه انا وشريكتي مانخفوش رانا عليك انت كي ولينا نخممو فيك ايا نيدو هجووووووووووووووووووووم

آه لالا اعترفو ، ابداو الهجوم تاعكم وتشوفو ...راني نبعثلكم جيش من الرهبان يقضي عليكم