المراقبة امينة ضيفة كرسي الاعتراف..

تذكير بمساهمة فاتح الموضوع :

[center]


مرحبا فيكم
اعضاء منتدانا الغالي مازالت رحلتنا مستمره في كرسي الاعتراف
وها هو اللقاء يتجدد مع ضيف جديد
ضيف يحمل الكثير من معاني التميز والابداع
ضيفتنا هي المراقبة ( أمـــــونــــــهـ )

أهلاً وسهلاً بـك في " كرسي الإعتراف "

غمرتينا بلطفك وتلبيتكِ الدعوه بكل رحابة صدر فسلمتِ على تجاوبك

نتمنى ان يكون اللقاء ممتعاً ومميزاُ ..

في انتظار اسئلتكم واستجوابتكم



واقدم لها باقة ورد اتمني ان تعجبها ...



و اتفضلي..على بالي السخانة بزاااف





نترككم أعزائي لترحبوا بالضيفه ..

كما يرجى العلم ان للضيفه حرية عدم الإجابة عن أي سؤال يعتبر شخصي ...

مدة الإستضافة هي اسبوعين...


ولي عودة مع باقة من الأسئلة ..


بداية بطافتك الشخصيه ...


تحياتي للضيفه وللجميع ...

نهاد اكي رايحا تولي طرزان ماش غير القدافي هههههه


ياامونة الحلف الثنائي انا ونهاد او يقلق اها =)

ههههههههههه ، مهابل صح

انصاف للساعة هذي كل شيء خفيف ، هههه

هلا والله بالقذافي :

1- امينة قوليلنا ادا راكي عاد تتفرجي رسوم متحركة و ادا ايه قوليلنا واش هوما.... تفرجت shaun the sheep برك


2- ادا كنتى تتفرجي في اليتيمة ههه قوليلنا واش تتفرجي... منشوفهاش خلاص.

وقوليلنا رايك في المديعات عامة (خصوصا نتاع الاحوال الجوية ههه)]b]هههههههههه ربي يبارك عليهم يهبلو هههه ، منحبهمش ونكره نتفرج الاخبار تاعنا على جالهم ، وتاع الأحوال الجوية حدث ولا حرج .... مكلاه نهدر عليهم ، نظن مكانش اللي يتفرج القناة هذيك إلا اللي مغلوب عليه ههه[/b]

3-واش تتفرجي في التيلي : نحب mbc 4, mbc action , mbc 1 ,, Zee aflam, فتافيت[/b]

ونوع البرامج: [b]oprah, the doctors, هيك منغني ،WWE Monday Night Raw



و المسلسلات اللي تتفرجيهم: ندى العمر ، سيلا

4- تعرفي تطيبي ( تطبخي)؟؟ و قوليلن واش تعرفي هههه( هبلتك) نورمال مهبلتينيش هه

ضرك نقولك واش نعرف نطيب : نقلي بطاطا ، نقلي بيض ههههههه

راني مازلت نتعلم بصح تقريبا معنديش مشكل نحب بزاف les plats ، كيما gratin بأنواعو ندير بربوشة "كسكس" ،العيش ، محاجب
راني ذكرتلك اللي نحبهم ههه
5-كاش مرة قبل ما تطلعي للجامعة ديتي تحت المعدل؟ لالا جامي ، كنت نجيب مليح

6-اعلى معدل ديتيه في مشوارك الداسي؟ وصلت ل 18.12 مقدرتش نطلع اكثر ههه

7-كاين اصدقاء من الابتدئي ومازالك تهدري معاهم؟ أكيد صحباتي اللي حكيتلكم عليهم ، كنا صحابات فالقراية برك ومن بعد تعلقنا ببعض

8-كاش نهار تدابزتي مع استاد(ة)؟؟ ههه جامي

9-امينة واش هي احب حاجة ليك في الشغل تاع الدار؟ ménage لازم دار تشعل ديما

10- هذا مبعد نرجع نجاوبك عليه

انا لن استسلم انتصر او اموت هههه اني نخمم في قنابل ذرية يا نيدوش

يا لطيف ،

شفتو ... سيرتو تيتوز دخل خلع روحو وخرج ههههههههه

انصاف راهم يستسلمو بالواحد حتى توصل دالتك ، المملكة تاعي واحد ما يقدر يهدمها ههههه

هههههههههههههههههه تلحــgــــيهم أوووو فاقو

وراسك غير تشوفي نجوم الليل في عز الظهر , بيا مانيش صايب راحتي بارك في الأسئلة

صابريني ................................................ ياويلك وسواد ليلك....

ايا يا هارون عاون شوي اني نجيب لعصا هههه


امينة انا كون نبقى وحدي ما نستسلمش


الدفعة الجديدة :

1- وصف داخلى وخارجي لامينة (خارجي طول الوزن .... لكان تحبي طبعا )

2- امينة تامني بلي كاين ناس تحس بشيء قبل ما يقع؟

3- الشيء اللي يقلق امينة صح ؟

4- يووميات امينة في رمضان؟

5- شيء مع نفسك ما تحبيش تقوليه معليش تقوليهونا؟

6- اصعب كلمة على امينة ؟

7-امينة من محبين النهار ام الليل او بنفس الدرجة؟

8- لو قالولك غير اشياء في بنات وذكور (شباب) اليوم واش تحبي يتغير؟

9- الفاكهة المفضلة -اللون المفضل- الاكلة المفضلة ؟

وشكرا

انصاف يا انصاف

1- وصف داخلى وخارجي لامينة (خارجي طول الوزن .... لكان تحبي طبعا )

داخلى : مزاجية، صعيب باه ندير ثقة فالناس، بصراحة قلبي (كيما يقولو ماهوش ابيض) اللي يظلمني ممكن نسامحو بصح مستحيل ننسى ، نحب نرجع البسمة لأي انسان حزين نسمع لمشاكلهم ،

وخارجي: طولي 1.65 م ، وزني 52كغ ، لون عينيا وشعري : أسود ، لون بشرتي : ابيض ... نظن هذا ماكان ههه

2- امينة تامني بلي كاين ناس تحس بشيء قبل ما يقع؟ انا منهم ، عندي الحاسة السادسة ومتخيبنيش (مرات برك).

3- الشيء اللي يقلق امينة صح ؟ كي نشوف واحد يمس ولا يحاول يتجسس على حوايجي الشخصية.

4- يوميات امينة في رمضان؟ foooort بزاف ايامات رمضان ميتعاودوش، أولا منحبش الرقاد خاطيني ، خدمت الدار كيما ménage تبقى عادي متغلبنيش ، نحافظ على صلاة الضحى ونحاول نختم القرآن أكثر من مرة ، لعشية وقت نطيبو لفطور ، ومرات نروح نصلي التراويح ،(نتفرج فالليل) .. هكذا ،

5- شيء مع نفسك ما تحبيش تقوليه معليش تقوليهونا؟ ساعات نكذب على روحي باه نصبرها ،

6- اصعب كلمة على امينة ؟ الموت صعيبة بزاف.

7-امينة من محبين النهار ام الليل او بنفس الدرجة؟ في زوج النهار النشاط والحيوية ، الليل الهدوء والسكون ، بالنسبة ليا يكملو بعض.

8- لو قالولك غير اشياء في بنات وذكور (شباب) اليوم واش تحبي يتغير؟ نديرولهم غسيل للدماغ ( ولا يفلاشيوهم هههه) الجيل اللي راهو طالع 100% لبلاد رايحة للهاوية (طبعا ماش كامل)

9- الفاكهة المفضلة : قصدك فواكه هههه نحب بزاف الفاكهة ومنقدرش نخير بين :البرتقال، الموز ،الخوخ ،التفاخ ،الفراولة

-اللون المفضل : الأزرق الفاتح

الاكلة المفضلة :نحب gratin

راني مستمتعا على الاخر مع اجابتك ربي يخليك امينة وانتظري مني المزيد =) تحياتي الخالصة

بارك الله فيك ديدي ، انتوما اللي خليتو الموضوع ممتع

أهلا titouz توحشتك طلتك الباهية


***مــــن انـــــــت *** انسانة تحب الحياة، عايشة بنفاؤل.

*** ماهو هدفك في هذي الحياة *** فالوقت هذا هدفي الدراسة نكمل قرايتي

***من مثلك الأعلى*** امااا

***ماذا فعلت قبل ساعة من الان*** كنت ندير فالغداء

***أطول مدة تبقين فيها امام الكمبويتر*** من عاداتي نشعل الميكرو ونخليه ، بصح انا منطولش ساعة ونص إذا طولت بزااف .

***احلى صفة لديك*** بشوشة

***اقصر مهمة يومية تقومين بها*** ندير قهوة لأمي

***كلمة تحبين ان تسمعيها كل صباح*** كي تقولي اما علاه نضتي مازال الحال ههه

***كلمة تكرهين ان تسمعيها ف اي وقت*** منحبش الحس بزاف وكي يعيطو لولاد صغار

***ماهو الموت*** نهاية الحياة الفانية، وبداية الحياة الدائمة

***هل تجاملين*** احيانا

***عيب شخصي تعترفين به*** دموعي منقدرش نتحكم فيهم حتى نبالهم حساسة بزاف،

***كيف تعبرين عن غضبك*** نكسر لحوايج الغاليين عندي ، باه نرتاح (لازم نكسر حاجة )

***كيف تعبرين عن فرحك*** بالدموع

***هل انت صريحة ام كتومة*** نكون صريحة او كتومة فالوقت اللي لازم نكون فيه صريحةولا كتومة "كل حاجة في وقتها مليحة"

***احب زواية اليك في البيت*** فالشامبرة مقابلة tv

***كيف تعبرين عن رفضك*** تبان في وجهي

***اغلى ماتملكين*** خاتم كادو من عند اما

***لحظة ابكتك*** رمضان اللي فات ماتت بنت عمي "ربي يرحمها" ، وابنها عندو 8 سنوات رقد في حضنها ويبكي وهي مكفنة قطعلنا قلوبنا

***ذكرى لاتنسينها*** ذكرى فالجامعة مننساهاش ، عندنا أستاذ تاع maths (يقري cours)أكيد يكون قراك يا تيتوز نسيت اسمو psq منحبوش ، يدخل يكتب هذا ماكان منفهمو والو ، انا وصحباتي "العصابة" (راهم جيرانك وين تسكن) لقينا نيميرو تاعو قورقة فوق البيرو سرقاتو صحبتي و bipinalo باه يسكت شوي يهدر بزاف ، مبعد عيطنالو ب masqué هههه راح خرج واحنا ميتين بالضحك ، ساعة ونص وهو يدير فالصفا والمروة (داخل خارج) ، كي كملت الحصة عيطلنا حكينا معاه قولنالو بغينا حورية درنا فيه حالة ايامات ، واحد نهار روحنا ف bus لقيناه خارج من la maison تاع djezzy لوكان تشوف وجوهنا جمدنا هههه صحبتي تبكي قاتلي سير جبدني شكون انا psq هو دكتور وعندو معارف ههههه كسرت لابيس تاعها وبدلت réseau بكل هههههه والحمد لله معرف والو

***كم مرة تاكلين في اليوم*** هههه 4 مرات

***معركة ربحتها*** الدراسة نعتبرها معركة

***معركة خسرتها*** خسرت معركة برك ، بصح الحرب مستحيل نخسر ، وتوجور لبنات هما اللي يكونو سباب مشاكلي ، الله غالب كثرو الغيارات والحقودات. (راني حكيتلكم على مشكل مع وحدة)

***كلمة عن الاصدقاء القدامى*** حياتي بلا بيهم معندها حتى معنى ، نحبهم بزاف وربي يخلينا لبعض وان شاء الله ححاجة متفرقنا.

***كم مرة تبدلين مظهرك في اليوم*** هذا تسميه اما مرض فيا (مرض مستحيل نبرا منو كيما تقولي) مهووسة باللبسة والدوش ، بصح ماش لدرجة نبدل وشحال من مرة فالنهار ههههه والله تقتلني اما ، تقريبا كل يومين .سيرتو فالصيف .

***شي تحرصين على حمله معك في كل مكان*** agenda نكتب فيها خواطري، كل حاجة تخصني (وين نروح تكون معايا).

***K7 او CD دائما تعيدين سماعها*** معنديش راني n'telecharger من الانترنت : لوكان طل على بورتابل تاعي تلقى اليسا ، وشوية راي... نحب اليسا بزاف

***شي لايمكنك ان تصدقيه*** حسب الموقف

***عبارة او حكمة تعجبك*** كنوز العالم بأسره لا تساوي المرأة الفاضلة

***اخر لحظة انزعجت منها*** انزعجت من روحي ، عمي مسكين مرض 'ربي يعافيكم' بسرطان العظم ، خلانا نتفكرو آخرتنا

***اخر لحظة فرحت بها*** كي شفت resultats تاع العام هذا وmemoire

***و اخيراً صف نفسك بكلمات بسيطة كما يراك الناس*** يشوفوني الناس انسانة بسيطة ، نتعامل مع أي مخلوق (بشر أو حيوان) ، نكره الناس اللي تفوخ (المتكبرة) ، نحفظ أسرار الناس اللي تفتحلي قلبها ..


واللي جاي يلهب راني نستنى ، بصح راني حاطة كليماتيزور مقابلني هههه

يا خويا نقعد فالأرض خير ههه


***مالذي يشعرك بأكثر قدر من الحرج*** اليامات هذو موضوع يقلقني ويحرجني في نفس الوقت ، ناس من لافامي تاعي يذكرولي بزاف كلمة الزواج psq كملت قرايتي . تقول راني قاعدتلهم فوق ريوسهم ولا في دارهم


***شخص تحتاج لقربه الآن منك*** تيتوز راني غير نتمنى منذكرش الاسم ، ممكن يتحقق واش تمنيت ههه


***شخص لاترفض له طلبا*** جاوبت عليه من قبل ، حسب الشخص.


***متى بدأت الدخول للانترنت*** كي كنت نقرا لليسي


***المجال اللي تحب التكلم فيه*** الاجتماعي


***شخصية تفتقدها في المجتمع*** نفتقد ابي malgré منعرفوش


***هل تُقبّلين رأس والديكِ صباح كل يوم*** راك نزلتلي دمعة من عيني بالسؤال هذا ، بقاتلي غير اما وهي قرة عيني ، بصح ماش كل صباح نقبلها راسها ههه.


***ملابسكِ - هل أنت من يقوم بغسلها أم أحد غيركِ*** كاينة machine a laver ، وكاين اللي نغسلهم انا


***كيف تعاملكِ مع الأطفال حولكِ*** نحب الأطفال ونمووت عليهم ، ماكانش طفل في عايلتي ميحبنيش


***إذا جاء أخوكِ الصغير و فرزع كل دفاتركِ وش موقفكِ*** معنديش خويا صغير ، يضحكوني لولاد صغار بفعايلهم . وساعات نتقلق منهم.


***هل تتحملين المسؤلية عندما يلقيها أحد عليك ؟ مثلاً أمكِ ذهبت للسوق وقالت لك انتبهي لإخوانك وجهزي العشاء ماذا تفعلين*** ههههه اما متروحش للسوق ، بصح نتحمل المسؤولية أكيد


***هل تحبين كثرة الاتصالات والحكايات مع الصديقات عبر الجوال أم تفضيلن اللقاء معهن*** نحب اللقاء احسن ، انا منحبش حكايات البورتابل بزاف


***ألم تشعري به *** ماكانش أصعب من ألم الحب ،
ماهو سببه وممن :معليش تعذرني فالسؤالين هذو.

***كلمة احبك لمن تقولها*** اما اللي تستاهلها


***مصاعب تمر مامدى تاثيرها عليك*** نتغلب عليها ، جامي نيأس


***من هو الشخص الذي يفال عنه صندوق همومك*** نفسي ، همومي تبقى ليا


***هل تثقين بنفسك وماهو الاثبات*** أكيد نثق بنفسي ، psq نفسي هي انا ، وانا اللي نعرف مصلحتي بعقلي.

***هل ترى نفسك غامض ولماذا*** لا مانيش غامضة، اللي يحكي معايا من اللحظة الاولى يحس روحو يعرفني من سنين.


***هل لديك صديق فهمك وفهم تفكيرك***نعم والحمد لله


***مامفهوم الصداقة لديك*** الصديق هو : الذي تكون معه كما تكون وحدك اي هو الانسان الذي تعتبره بمثابة النفس.


***ما مفهوم الحب لديك*** الحب : هو ذلك الإمتحان الذي يتسارع الجميع لخوضه دون مذاكرة... والنتيجة غالبا ما تكون ... لم ينجح أحد .. لصعوبة مادتي ... الصدق والوفاء.


***هل تعايشت مع الصمت من قبل كيف كان ذلك بالنسبة اليك*** ؟إذا كان الكلام من فضة فالسكوت من ذهب ، هذي هي حكمتي فالحياة نحب الصمت فأغلب الأوقات : نسمع بزاف ، ونتكلم قليل
أحيانا ممكن تقول عليا انا والصمت توأمان.

تنويه: من الأفضل انك تتركي فكرة المساواة بين الرجل والمرأة لأن هذا الشيء ليس في صالحك ولا في صالح باقي النساء

هههه منيش نساوي بين الرجل المرأة ، كل واحد على طبيعتو ، بصح إذا تعتبر الإصرار مساواة ههه مازلت في رايي

amina كتب:

امممممممم هكذا ممكن نستعرف بيكم ههههههههه

نهااااااااااد ربي يعيشك السؤال هذاك خممت م روحي مقدرتش نجاوب عليه psq خايفة نظلم واحد برأي منيش متأكدة منو ، وراهو فات عليا السؤال قبل بصح بلا سلبيات
" dsl nihad"

اه براحتك اموونة ...اني وليت نعرفك بيان
عرفتك متنجميلهش وعليها قتلك في التالي تنجمي متجاوبيش

راني جاية بدفعة اخرى انتظري قرييييييييبا على منتدى شباب الجزائر

امونة من الان نحطك في موقف وانت قوليلي الحل =)

عندك صديقة غالية عليك وعند مدة وانت مصاحبتها وتعزيها بزاف
هدي الصديقة بعد فترة تغيرة تصرفاتها معاك ودارت اصدقاء بزاف حاوتي تتمسكي بصدقتها لكن بلا جدوى ورغم كل هذا مزالتي تعتبريها صديق لك

وفي هده الاثناء تتعرف على صديقة اخرى وتعاملك بكل وفاء واخلاص

لكن لما تكتشف الصديقة الاولى مع العلم انك لم تتخلي عنها رغم انها تخلت عنكي قالتلك انا منحبش كي نشوفك تحكي مع الثانية

المهم واش يكون موقفك انت اي الصديقتين تختاري ام تفضلي ان لا تختاري اي منهما ؟؟؟؟؟؟؟؟؟؟؟؟؟؟؟؟


وشكرا ولمواقف اخرى ان شاء الله

مليح يا امينة الجديد والتنوع ماش اسئلة روتينية ولا واش رايك؟

المهم انا عجبتنب اجابتك ورايي من رايك انا هكا يجيني الحل لهذا الموقف وان شاء الله ما يجيكش اليوم لي تخير بين شخصين ولمواقف اخرى ان شاء الله =)

شكرا امونتي

هااااااااي ياك توحشتونييييي

مرحبا بيك امونة انستي و شرفتي حبيبتي

منطولش عليك و منكترش عليك الاسئلة

1** حسب رايي شخصيتك مثالية و قليل الي كيفك الا متقطوش....فهل انت فعلا هكدا في حياتك العادية؟

2** ادا تعرفت على شاب محترم فوجدتي فيه ما تتمنين و اعجبتي به و قام بالتقدم اليك و رفض والدك دون سبب مقنع مع ان الشاب لا ينقصه شيء من تريبة..الخ.....مادا سيكون موقفك؟

3** هل تقبلين الوزاج بشخص لا يحمل شهادة ؟

4** هل تعتبرين نفسك انسانة طموحة و تصل الى هدفها مهما كانت الصعاب؟

5** الى حد الان هل توصلت الى ما تطمحين الية او بعبارة اخرى هل حققت اهدافك كلها,, معضمها,,؟

و شكرا

أكيد انصاف لازم يكون الجديد باه تحلى اكثر ، يعطيك الصحة وشكرا جزيلا


ونرجعو مع نهاااد :


1- ماهو نوع الافلام التي تحبينها؟ نحب الرومانسية "الإجتماعية"

2-ماهو الشيئ اللي تمنيتيه و ماصراش؟ تمنيت نكون pilote.

3-واش هو السؤال اللي حابة نسقسوك عليه و مازال حتى واحد ماسقساك عليه؟ ههه نظن مخليتو والو هههه

4-واش تفضلي في الفصول الاربعة؟( الصيف/الشتاء/الخريف/الربيع) نحب الشتاء

5-كي كملتي قرايتك'على فكرة بصحتك تستاهلي امونة)....ناوية تخدمي؟ الله يسلمك نهاد ولعقوبة ليكم كامل ، كنت ناوية نخدم ووجدت روحي ، بصح بطلت شفت بلي عندي امكانيات باه نطلع المستوى تاعي اكثر ، قررت نكمل الماستر "ان شاء الله"

6-واش تفضلي ...صديق يفهمك او صديق يحبك؟ صديق يحبني

7-ماهي الولايات اللي زرتيها؟ عنابة ،بجاية ، سكيكدة، بومرداس، العاصمة ، قسنطينة ، سطيف ، تبسة ،بسكرة، مسيلة ،و أم البواقي نظن هذو هما بصح راني نتمنى نشوف ولاية من ولايات الغرب معندي حتى فكرة عليهم.

وهل زرتي دولة غير الجزائر؟ حنا تونس الأقرب لينا نويت نروحلها خلات بلادهم هههههه ، قلتلهم سمعت بيا حبسنا كل شيء

8-شحال عدد اخوتك؟ حنا 4 بنات و4 ذكور (انا الصغرى)

9-رتبيلي هادو على حساب الاولوية نتاعهم في حياتك:
* الصحة
*الجمال
*المال
*الحب
*الصداقة
*المستقبل

* الصحة *الحب *المال *الصداقة *المستقبل *الجمال.



10-مانوع العطر الدي تفضلينه؟ Nina Ricci

هااااااااي ياك توحشتونييييي : توحشناك بزاف ، حرام عليك الغيبة هذي كامل ، ان شاء الله تكوني لباس نونوسة


1** حسب رايي شخصيتك مثالية و قليل الي كيفك الا متقطوش....فهل انت فعلا هكدا في حياتك العادية؟ شخصيتي اللي فالمنتدى هي اللي فالواقع ،وطبعا هكذا فحياتي العادية "والكمال لله" أي انسان فيه ايجابيات وسلبيات.. بصح ساعات منكونش على طبيعتي معاكم ممكن كيعاد نتواصلو بالكتبة (يعني وراء أجهزة) نكون حذرة شوي نخاف نظلم واحد وشكرا يا نونوسة على رايك

2** ادا تعرفت على شاب محترم فوجدتي فيه ما تتمنين و اعجبتي به و قام بالتقدم اليك و رفض والدك دون سبب مقنع مع ان الشاب لا ينقصه شيء من تريبة..الخ.....مادا سيكون موقفك؟ يا لطيف ههه ، اول فكرة جات فبالي نقول للشاب يصر على رايو ويحاول يحكي معاه باه يفهمو ، وإذا بقى رافض خلاص رايي يكون من رايو ومعندي ما راح ندير ، كاين مثل شعبي متمسكة بيه طول حياتي وجامي خيبني " تبع راي الوالدين تربح ، وإذا مربحتش تسلك "

3** هل تقبلين الزواج بشخص لا يحمل شهادة ؟ لا

4** هل تعتبرين نفسك انسانة طموحة و تصل الى هدفها مهما كانت الصعاب؟ نعم ، والحمد لله على كل شئ

5** الى حد الان هل توصلت الى ما تطمحين الية او بعبارة اخرى هل حققت اهدافك كلها,, معضمها,,؟ معظمها ، مازال أهدافي الأساسية ... يعني كل حاجة في وقتها ، نمشي بالمراحل.

شكرا امونة على الصراحة :غغف:

امينة صباح الخير عليكي ان شاء الله تكوني بخير


لكان كترت عليك بالاسئلة سامحني ولكن تعرفنا على امينة مليح مليح شكرا جزيلا على صراحتك وخفة دمك وكل شئ


امينة يمكن هذا سؤال الاخير

او بالاحرى موقف

لو فاحد الايام كانت عندك مفابلة عمل كنت دايما تحلمي بيه وفي نفس الوقت احد الاشخاص المقربين عندك عمل حادث (بعيد الشر طبعا) وطلبوا منك ان تاتي لانوا يهوتر باسمك


واش تخيري ؟


وشكرا شكرا مرة اخرى