المراقبة امينة ضيفة كرسي الاعتراف..

تذكير بمساهمة فاتح الموضوع :

[center]


مرحبا فيكم
اعضاء منتدانا الغالي مازالت رحلتنا مستمره في كرسي الاعتراف
وها هو اللقاء يتجدد مع ضيف جديد
ضيف يحمل الكثير من معاني التميز والابداع
ضيفتنا هي المراقبة ( أمـــــونــــــهـ )

أهلاً وسهلاً بـك في " كرسي الإعتراف "

غمرتينا بلطفك وتلبيتكِ الدعوه بكل رحابة صدر فسلمتِ على تجاوبك

نتمنى ان يكون اللقاء ممتعاً ومميزاُ ..

في انتظار اسئلتكم واستجوابتكم



واقدم لها باقة ورد اتمني ان تعجبها ...



و اتفضلي..على بالي السخانة بزاااف





نترككم أعزائي لترحبوا بالضيفه ..

كما يرجى العلم ان للضيفه حرية عدم الإجابة عن أي سؤال يعتبر شخصي ...

مدة الإستضافة هي اسبوعين...


ولي عودة مع باقة من الأسئلة ..


بداية بطافتك الشخصيه ...


تحياتي للضيفه وللجميع ...

واش حنونة لازمك طبيب عيون اطلعي شوفي الاسئلة 15 سؤال دون اجابة هههه تحبي نزيد نبعت مكا نش مشكل هه

هاهم


الدفعة الثانية :

1- حكة امينة في الحياة؟

2- نوع الغناء اللي تحبو امينة؟

3- 5 ولايات تحبيهم 5 لهجات جزائرية تفضليهم؟

4- المراة المثالية في رايك كيف تكون والرجل المثالي حسب تفكيرك كيف يكون؟

5- سر لم تبحي به لاحد من قبل احكينا عليه؟ (ان امكن )

6- امينة في هذه الاثناء واش راهي تخمم؟

7- انت مع قيادة المراة او ضد ؟

8- من هو او من هي توام روحك بصراحة؟

9- الانسان لي تلجا اليه امينة في مشاكلها؟

10- هل انت كتومة ؟

11- اصعب موقف تعيشو امينة؟

12-هل تعرتي للخيانة من قبل ؟ ومذا كان رد فعلك ؟

13- كلام لم تستطيعي البوح به من قبل ما هو؟

14- امينة محجبة؟ كيفاه هو حجابك؟ ستايل يعني..

15- بتوفيق حبيت نوع في الاسئلة ولدفعااااات اخرى ان شاء الله =)

مرحباا بيك أختي أمينة على كرسي الإعتراف
أولا تفضلي قعدي هاهو مجهز بكل الخاصائص ههه


وراح نزيدلك بعض الهدايا نتمنا تاكليهم بالصحة





ودرك نعطيك أتاي باش تجوبي على أسئلتي براحة تامة



تفضلي هاي أسئلتي البسيطة نتمنى تعجبك

* * *

تقرئين ماذا؟



هل أنتي متفائله؟



حزينه؟



مرحه؟



حساسه؟



هواياتك ؟



شخصيه أثرت بك؟



حلمك في الحياة؟



راضيه عن نفسك؟



راضيه عن واقعك؟



من تحبين أن تكوني شبيهتها؟



إنسان تقولين له شكرا" على مشاعرك؟



إنسان تقولين له اتركني وشأني؟



ما أجمل مافي حياتك؟



موقف مازال راسخا" في ذهنك؟



متى تشعرين أن الوقت ثقيل مثل الجبل؟


يقول( قاسم حداد):


" نترك النسيان يأخذنا على مهلٍ لئلا نفقد السلوى "


لذلك يقولون أن النسيان نعمه لذلك سمي الأنسان أنسان لأنه ينسى..


فهل أنتي من الأشخاص الذين ينسون بسرعه او تأخذين وقت ؟

* * *

والله يعطيك العافيه وتقبلي مني أطيب تحيه

ههههههههههههههه مشفتهمش ، راني درت نواضر ، وانتي ثاني يخصوك خرين باه تشوفي مليح واش راكي تكتبي "راكي تاكلي فالحروف".


1- حكمة امينة في الحياة؟ من يمشي مع الذئاب يتعلم العواء

2- نوع الغناء اللي تحبو امينة؟ نحب اليسا ، برك

3- 5 ولايات تحبيهم 5 لهجات جزائرية تفضليهم؟ عندي نظرة على كل جهة فالجزائرإلا الغرب مشفت ولا ولاية فيه ، اللي شفتهم وحبيتهم :عنابة/ بجاية / العاصمة/ قسنطينة/ سطيف

واللهجات : نحب تاع قسنطينة حلوة ، تبسة ، العاصمة ، الشاوية، شوية لمزابية

4- المراة المثالية في رايك كيف تكون والرجل المثالي حسب تفكيرك كيف يكون؟ المرأة المثالية يكفي تكون أنثى حقيقية ، تكون متخلقة ، وتكون عندها كرامة.

والرجل المثالي : يكون مثالي برجولتو ، ومديٌن(يخاف ربي) ، صادق ومخلص.

5- سر لم تبوحي به لاحد من قبل احكينا عليه؟ (ان امكن ) هذا السؤال خليه معلق غدوة نجاوبك عليه

6- امينة في هذه الاثناء واش راهي تخمم؟ راني غير نجاوب ونضحك

7- انت مع قيادة المراة او ضد ؟ اكيد مع

8- من هو او من هي توام روحك بصراحة؟ معنديش توأم روحي حاليا.

9- الانسان لي تلجا اليه امينة في حل مشاكلها؟ نفسي ، مشاكلي تبقى ليا

10- هل انت كتومة ؟ نعم

11- اصعب موقف تعيشو امينة؟ كي نفقد اللي نحبهم، الناس اللي نحبهم ونتعلق بيهم تقريبا ديما نفقدهم

12-هل تعرصتي للخيانة من قبل ؟ تعرضت للخيانة من وحدة كنت نعتبرها صحبتي وهي طعنتني في ظهري

ومذا كان رد فعلك ؟ محاولتش ننتقم منها ، بصح كنت خير منها فالمواقف اللي حطتني فيهم ، فالأخير اقتنعت بلي هي و 0 كيف كيف عندي انا

13- كلام لم تستطيعي البوح به من قبل ما هو؟ الحب

14- امينة محجبة؟ هيه محجبة حجاب عادي ( ماش نقاب ولا جلباب)

كيفاه هو حجابك؟ كل مرة واش نلبس معنديش ستيل واحد ، بصح ان شاء الله تكون حاجة ترضي الله

سلام عليكم امونه نقولك:
بالنسبة للوالد فأنا اسف لسماع ذلك نطلب من ربي يرحمه ويغفر له ذنوبه ويسكنه الجنان النعيم آآآمين
أما بالنسبة للقصة نلاحظ بلي راها شدت أنتباه الجميع لكن هذا أمر طبيعي صرالي حتى أنا من قبل بصح في لمح من البصر
وهذا الرهبان حنا عدنا نسموه "العبري" ( اللهم احفظنا واسترنا واكفينا شره)
وعلى العموم عندك عقلية ماشاء الله يحسدوك عليه كثير فلذلك خذي حذرك (راني وصيتك حلي عينك ههه )

وعليكم السلام titouz ،

امين وربي يرحم كل موتى المسلمين

والمرة الجاية كي تشوف العبري هذا ابعثو لنهاد ولا ديدي راهم متشوقات باه يشوفوه متنساش !!

ديدي svp اعذريني من السؤال هذاك ، والله مقدرتش نجاوب عليه.



سارة يا سارة ربي يكثر امثالك الكرسي تاعك مكانش كيفو ، خير من تاع اوباما ههه
، شكرا على الإستضافة الرائعة

تقرئين ماذا؟ إذا تقصدي المطالعة ، نحب نقرا كتب الشعر والخواطر ، كتب الدكتور عائض القرني ،



هل أنتي متفائله؟ دائما ، هذا الشيء اللي خلاني عايشة


حزينه؟ احيانا



مرحه؟ بزاااف



حساسه؟ ماش لدرجة كبيرة، أكثر حاجة نتحسس من المواقف اللي تصرا قدامي

والطبيعة تأثر فيا بزاف يعني مزاجي وحالتي تكون حسب الجو.


هواياتك ؟ نعشق Volley-ball بصح حبست sport ، نفضل فأوقات فراغي نطالع ، ولا نسمع موسيقى.



شخصيه أثرت بك؟ السيدة عائشة بنت ابي بكر الصديق - رضي الله عنهما "نتمنى نكون نشبهها ولو في حاجة وحدة "


حلمك في الحياة؟ نكون اسرة سعيدة ، ويكونو عندي أولاد متربيين أفضل تربية


راضيه عن نفسك؟ الحمد لله



راضيه عن واقعك؟ نعم ، وأحيانا لا



من تحبين أن تكوني شبيهتها؟ امي



إنسان تقولين له شكرا" على مشاعرك؟ لعائلتي psq منلقاش اللي يحبني خير من عايلتي


إنسان تقولين له اتركني وشأني؟ منقدرش نقولها ، ولو حبيت نقولها منقدرش



ما أجمل مافي حياتك؟ كيعاد راني انا ، وأهلي هما اللي راني عايشة معاهم ، الحمد لله منزيدش نطلب حاجة وحدة اخرى



موقف مازال راسخا" في ذهنك؟ حياتي كامل مقالب لصحباتي درت فيهم حالة نحكيلكم عليه :مرة جات عندي صحبتي للدار وكان الميكرو تاعي شاعل دخلت للشات ... المهم عرفت واحد وانا كنت قاعدة قدامها كي راح تقفل قالها خليلي نيميرو تاعك (وهي كانت تفوت فالوقت)مدتلو النيميرو ، محبتش تهز عليه محبش يفهم هزت بهدلاتو وقفلت، بعثلها msg قالها تسلكيها غالية على التبهديلة،اغتنمت الفرصة ودرتلها مقلب...
انا وصحباتي لازم نديرو نهار نخرجو فيه مع بعض، تفاهمنا مرة على نهار وخرجنا حوسنا شوي فوتنا ساعتين غير الضحك وصحبتي 'نسمة' كان عندها بحث لازم t'imprimih فتنا للسيبار قلتلها مطوليش علابالي راح تدخلي ل site تاع شات ، قاتلي لالا ، وانا متأكدة بعثت صحبتي وحدة 'سعاد' قلتلها شوفي واش راهي دير واذا راهي فالشات شوفيلي الإسم اللي دخلت بيه ههه ، جات تضحك اعطاتني اسمها رحت حليت "شفيت على site" حوست عليها لقيتها قلتلها : %راهو جابك ربي يا نسمة معندك وين تهربي مني راني جيت لباتنة وشفتك تقراي انتي وصحبتك امينة تسلكوها غالية يا واحد المصيبة% المشكل كنت قاعدة en face ليها juste قراتو وجهها رجع حرباء كل مرة لون زي هههه وانا قتلني الضحك وتعيط امينة ربي يعيشك ارواحي تشوفي ، بالسيف استرجعت انفاسي من الضحك ورحت ليها كي قريتو ضحكت مقدرتش وهي الدموع قاتلي اضحكي كيعاد خاطيك المشكل / وهي بالحالة هذيك biensur الغاشي كامل راح يشوف معها ، واحد مسكين كان حاكم poste كان يشوف معها ناضت تبكي وقاتلي والله هذا هو اللي بعثلي اليوم يقتلني هيا نروحو انا مكلاه نحكيلكم على حالتي انا وسعاد غير الضحك تى الدموع يطيحو وحدهم، بطلت خلات البحث تاعها اانا نحاول غفيها متبكيش وهي تزيد وتقولي لوكان يسمع بابا يبطلني من لقراية هههه تمشي ودير الوعدات فالطريق ةتقول "يارب خرجني من المشكل هذا ونصوم 3 ايام" ههههه واللي تشوفوا فالطريق يخزر معاها تقولنا هذا هو ...!!!خليناها مقلنالهاش بلي مقلب ، ورايحين نقراو les cours فالفيزياء حنا نمشيو وهي غير تبكي ، دخلنا للكلاسة الأستاذ يشوف معنا واحنا عيينا نسكتو من الضحك هربنا في 2 قعدنا فالاخر ، ونسمة القدام ومحبتش تسكت كتبتلها ورقة وقلتلها هذا راهو مقلب انا اللي بعثتلك msg واسمحيلنا هي زادت تبكي شافها الأستاذ قرا الورقة ، جا عندي يعطلي المينا (معناتها bombe) قالي انتي ديما مصيبة ويعطيني ضربة على راسي وضربني coup de pied سيت رجلي طارت عذبنا انا وصحبتي سعاد وطلعني ل tableau قالي متحليش التمرين صحيح نقتلك اليوم ، وصحبتي خلاص مبقاتش دير فيا confiance كل مانتفكرو نموتو بالضحك.


والله القوالب اللي درتهم انا فحياتي ، لوكان نتحاسب عليهم منشوفش خلاص الجنة ههه

متى تشعرين أن الوقت ثقيل مثل الجبل؟ نقولك الصح في رمضان كي يبقاو 5 د للآذان


يقول( قاسم حداد):


" نترك النسيان يأخذنا على مهلٍ لئلا نفقد السلوى "


لذلك يقولون أن النسيان نعمه لذلك سمي الأنسان أنسان لأنه ينسى..


فهل أنتي من الأشخاص الذين ينسون بسرعه او تأخذين وقت ؟ لا مننساش ، كي نعرف ناس ديما يبقاو فبالي ، صح مع الوقت نفقد مشاعري ليهم سواء كانت مشاعر طيبة ولا لا ، بصح هما كأشخاص مننساهمش.

والله لمعيشة هنا bien






1- ادكري صفة تحبيها في روحك و صفة تكرهيها في روحك :الصفة اللي نكرهها في روحي دموعي منقدرش نحكم فيهم

والحاجة اللي نحبها : كي نشوف واحد حزين نروح نرجعلو الإبتسامة.

2- الحاجة اللي تخوف امينة؟ المستقبل..!!

3- باقة ورد لمن تهديها؟ كل واحد منكم نعطيه وردة "تستاهلو اكثر"

4- باقة شوك لمن تمديها؟ // اللي منحبهمش خسارة فيهم الشوك

5-حاجة درتيها و ندمتي عليها؟ اعطاوني فالصيف هذا تاع الجامعة convocation باه نفوت concours في عنابة تاع المدارس الوطنية العليا (احنا اللولين في promo) قطعتها وسمعت الانتقادات من كل جهة ....ندمت عليها

6- ادا رجعتي للوراء قوليلنا حاجة درتيها و تحبي تغيريها؟ نعاود نقرا ونفوت باك جديد، كنت نحلم نكون pilote.




ايا كي تكملي الماكلة رجعي كملي الاجوبة هههه ، مرسي على المكسرات راهم كسرولي سنيا ،

7- كلمة تكرريها بزاف في هدرتك؟ نحب نقول ان شاء الله ،على خاطر حاجة متصرا إلا بمشيئتو سبحانو.

8- المادة اللي كنتى تدرسيها في الثانوية و كنتى تكرهيها او ادا حبيتي كنتى تعاني منها ههه يا لطيف كانت كوشمار التاريخ

9- كيف وصلت للمنتدى؟ نظن انتي ولا ديدي ،

و من من الآعضاء/ العضوات تربطك بهم علاقة قويه أو من هذا القبيل ..

الحمد لله بزاف : قبل المنتدى هذا كنا مجتمعين فمنتدى واحد وصداقتنا عندها سنوات : نهاد ، ديدي، رانيا، نونوسة، يوسف 02، ويوسف 25 ،وثاني سليمة واللي معانا كامل حبيتهم كيما آلاء ، بيبا ، حتى titouz

10-ما هــي أحب 3 ألقـــاب في المنتدى إلى ذاتــك دون مجامله :مفهمتش مليح ، يعني أسماء أعضاء ؟؟

11-ما أصعب موقفٍ مرعليكِ في المنتديات ؟ كاين 2 مواقف كرهت فيهم المنتديات وعلى جالها راني مشاركة غير فالمنتدى هذا.

وماهو الموقف: سجلت من قبل فمنتدى كان هايل ، وعرفت الأعضاء اللي فيه كامل ، كانت علاقة قوية بيناتنا ، والمشكل كنت حاطة ضخصيتي كاملة فالمنتدى "يعني عفوية بزاف" اللي في قلبي نحطو ،والمدير تاعو هز الأيميل تاعي w ajoutani عندو ، حكيت معاه عادي ومن بعد خرج معايا بطريقة وحدة اخرى !! قالي عجبتيني راكم تعرفو حكايات كيما هك (ربي يستر بناتنا من ذئاب كيما هذو) ، كانت هذيك آخر مرة ندخل فيها للمنتدى وبدلت ايميلي ، وغاضوني بزاف اصدقائي اللي كانو فيه.

الذي تتمني أنكَ لم تفعله ؟ صاحبت شر البنات ههه ربي يعافيكم

. وما هو أقربُ موضوع إلى نفسكَ مما كتبتِ َ؟ الخواطر اللي نحطها.

12- و اخيرا
اوصف لنا نفسك بثلاث كلمات؟ امممم ملقيتش واش راح نوصف معليش نورمالمو انتوما اللي توصفوني ماش انا !!!!

امونةو الله راني حاسة كلي راني قاعدة معاك و انتي قاعدة تحكيلي في هاد الحوايج..ابابا بصح على قصة هدوك نتاع الله يحفظ و يستر انا نموت واقفة في بلاصتي بالخوف..ربي ينجينا ..بصح على قدر ما خفت على قدر ما ضحكت في المقلب اللي درتيه في صحبتك المسكينة ههههههههه و الله شفتني بزااااف ههههه سورتو كي قعدت تبكي برا و اللي تشوفو تقولكم هدا هو هههههه هبلتي البنت و الله و طلعتي مانك قليلة يا امونة..ههههه تفكرت وحد المقلب ههه..

هههه مرسي حبيبتي أمينة و الله نقرا و نضحك كيما قلتي هاو عندك مغامرات رائعة هههههههه هبلتي صحبتك نتاع الصح هاو طلعتتي مو قليلةهههه شكراا أمونة

اني جبتلك مج من الاسئلة:

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

0-ما هــي أحب 3 ألقـــاب في المنتدى إلى ذاتــك دون مجامله :مفهمتش مليح ، يعني أسماء أعضاء ؟؟

ih sa7

عجبتي اجوبتك امونة اه و المقلب صح و الله ركي بااارعة في المقالب هههه
////


اوصف لنا نفسك بثلاث كلمات؟ امممم ملقيتش واش راح نوصف معليش نورمالمو انتوما اللي توصفوني ماش انا !!!!

اوك راح نديرلك انا
1- صادقة
2- طيبة
3-وفية
هادو بالنسبة ليا و معرفتي بيك ( حوالي 4 او 5 سنوات نظن)



عندي سؤال تاني مين من الاشخاص راكي عاد تهدري معاهم لحد الان من المنتدى الاول اللي شاركنا فيه ....انتى كنتى عاد كي درتو النت و انا تانى يعني كان اول منتدى اجتمعنا فيه*_*

السلام عليكم
عدنا جارنا نجح الـ BAC اليوم راه مداير حرب كبير غنى وشطيح ورديح ماهو مخلي والو

ربي يهنينا

المهم بالنسبة للطلب نتاعك يا امينة أنا راني نقول:

يا نيهاد ما تقلقيش راه ما يدير والو راه يخلع برك وزيد نورمالمو نبعثوه لإنصاف بش يحبسلها الدم في ركابيها ووجها يصفار يولي مافيه حتي قطر نتاع دم ويولي عندها الهستيريا منه "اللهم عافينا واحفظنا منه" لازم الدم الفاسد يخرج




Bon

السلام عليكو





دورك بقي يا ست ايمان تشرفينا وتقعدي ع الكرسي ده





المره دي جايبلك كولكشن وياويلك لو معدتيش المعدل د انت هتبقي اي هتش يا باش مهندسة

يا رب:

1 في كتاب "قوة عقلك الباطن " قريت مقولة تقول" فكر في الخير يتدفق الخير إليك وإذا فكرت في الشر يأتي ذلك الشر فأنت رهينة ما تفكر فيه طوال اليوم" هل هذه المقول صحيحة أم لا ؟؟؟ وماهو رايك الشخصي في هذى المقولة؟؟؟؟
2 متى أرتديت الحجاب "السن"؟؟ وما هو الشعور الذي خالجك عند أتخاذك هذا القرار؟؟؟ وعند ارتدائك له؟؟؟؟
3 مارأيك في مغازلة الشباب للبنات هنا في الجزائر؟؟؟ و الى أي نوع تصنفينها من المغازلات؟؟؟؟
4 هل تعرضت من قبل الى مغازلة من طرف الجنس الآخر ؟؟؟؟؟؟ وماهي الفكرة التي أنطبعت في ذهنك حينذك؟؟؟؟؟ وهل تغيرت لدك الفكرة الآن؟؟؟؟
5 ماذا تعني لك العبارات التالية: ( الله ,الرسول , ماما وبابا , الحب , الصداقة , الليل , الإهتمام بالغير , المعاناه ,الصبر ,الحياة)







يلا ع بال ما نشوف الاجابة هتيجي زاي

فتكو بعفية باي

شكرا امينة على الاجوبة وناكل الحروف كنت نكتب ومكانش ضوء غير تاع الميكرو ايا معليش المهم فهمتي =)

والجواب لي مزال مجاوبتيش براحتك منين تحبي تكتبي جوابوا اكتبي بلاك يريحك =)


الدفعة تاع الاسئلة حتى تخلصي الاسئلة لي عندك بزاف عليك

شكرا امونة

السلام عليكم أ جماعة والله فرحتوني بزاف ، ربي يخليكم كااااامل ،

بصح كي نزلت ولقيت الأسئلة تاع titouz صايي حكمتني الفشلة ههه


نمشي بالترتيب باه منغلطش ، نكمل مع نهاد


0-ما هــي أحب 3 ألقـــاب في المنتدى إلى ذاتــك دون مجامله :مفهمتش مليح ، يعني أسماء أعضاء ؟؟

ih sa7: كاين بزاف بصح انتي حددتيلي ، هذو اسامي نحبهم كألقاب وأكثر كأشخاص نونوسة ، ديدي ، نهاد



اوصف لنا نفسك بثلاث كلمات؟ امممم ملقيتش واش راح نوصف معليش نورمالمو انتوما اللي توصفوني ماش انا !!!!

اوك راح نديرلك انا
1- صادقة
2- طيبة
3-وفية
هادو بالنسبة ليا و معرفتي بيك ( حوالي 4 او 5 سنوات نظن) ربي يعيشك .


عندي سؤال تاني مين من الاشخاص راكي عاد تهدري معاهم لحد الان من المنتدى الاول اللي شاركنا فيه ....انتى كنتى عاد كي درتو النت و انا تانى يعني كان اول منتدى اجتمعنا فيه*_* يوسف الشلف ، فؤاد ، وانتي نهاد أول أعضاء عرفتهم في منتدى صقور "ربي يرحمو"

رنوووووووووووش

.هل ملابس الشخص امامك تؤثر فيك لتأخذ عنه انطباع ؟؟ نعم ،"إن الله جميل يحب الجمال" ، الهندام ماش شرط يلبش غير لاكلاس مي حاجة تبينو بلي انسان يكسب احترام الناس ، surtot صفة قوم لوط اللي خرجت عند الشباب تاعنا ربي يهديهم ، ساعات نحس سراولهم يبكيو ويحاولو غير طلعني شوي ههه


.ماالذي يلفت انتباهك بسرعه في الشخص لكي تعجب به ؟ الشخصية تأثر فيا بزاف ، كي تكون قوية

اذا احببت شخصا في الوقت الخطأ وفي المكان الخطأ فماذا تفعل ؟؟ ننساه

.ماذا تفعل اول شيء اذا ربحت مليون ؟ هههه رنوش مليون تاع الوقت هذا مايدير والو ، بصح انانقولك نبذرهم في حوايج كيما يقولولي تاع الدار تافهة ، ومقدروش ينحيولي الصفة هذي. psq هما اللي ولفوني هكذا.

.هل انت من لديهم رغبة حب التملك واذا تملك الشيء اصابه الملل منه ؟
لا التملك في أشياء برك،

.اعتذار تريد ان تقدمه لمن؟ لأمي على كل أفعالي اللي صدرو مني دون قصد.

.هل تؤيد الزواج العاطفي ام الزواج التقليدي ؟ أكيد الزواج العاطفي

ولماذا ؟ الحياة بين 2 متزوجين يحبو بعض عندها طعم آخر ، والحب يجيب معاه السعادة (أكيد ماش الحب وحدو) بصح بالنسبة ليا هو الأساس ، منيش نهدر فيها هكذاك .. عن تجربة هذي عندي خاوتي متزوجين كاين واحد تزوج زواج تقليدي و 2 عن حب ، راني شايفة كيفاه حياتهم ماشية

.ايهما اهم شهادتك الجامعيه أم الزواج ممن تحب ؟ مهم تكون عندي الشهادة (سلاح المرأة)، والأهم الزواج ممن أحب (كي نتزوج اللي نحبو الشهادة نعتبرها سلاحي على خاطرأنا ضد فكرة المرأة المتزوجة العاملة)

titouz ماذا بيك انسى حكاية sabotage رانا كرهنا حياتنا مع les profs فالجامعة ، كون شوية حنين


1 في كتاب "قوة عقلك الباطن " قريت مقولة تقول" فكر في الخير يتدفق الخير إليك وإذا فكرت في الشر يأتي ذلك الشر فأنت رهينة ما تفكر فيه طوال اليوم" هل هذه المقول صحيحة أم لا ؟؟؟ صحيحة 100%

وماهو رايك الشخصي في هذى المقولة؟؟؟؟ كاين مثل شعبي نقولوه حنا "اللي يعيط على الخير يلقاه ، واللي يعيط على الشر يلقاه"
وديما تصرالي ، مثلا كي نتقاءل ونحط ف راسي بلي كل شيء راح يكون مليح مايكون غير الخير ، وكي كنت فالليسي عندي صحبتي كي يوصلو الإمتحانات نروحو نفوتو طريق كامل وهي خلات ، sujet باين راح يديروه واعر ... والله كي نسمع هدرتها وندخل للإمتحان نعميه ونخرج ، الإنسان لازم يكون ديما متفاءل باه ربي يكتبلو الخير بإذنه تعالى

2 متى أرتديت الحجاب "السن"؟؟ كنت 15 سنة

وما هو الشعور الذي خالجك عند أتخاذك هذا القرار؟؟؟ كان أروع شعور فحياتي ،

وعند ارتدائك له؟؟؟؟ حسيت روحي بشروني بالجنة ، لا فامي تاعي كامل فرحو بيا ويباركولي ، زدت كبرت فعينيهم وحسيتهم حبوني اكثر ورجعتو يحترموني اكثر وحتى كي نمشي فالطريق .

3 مارأيك في مغازلة الشباب للبنات هنا في الجزائر؟؟؟ شباب الوقت هذا اغلبيتهم حيطيست و قتلهم el vide ، ونقولك الصح البنات هما اللي يوصلو ارواحهم لحوايج كيما هذو ، الإبنت اللي تحترم نفسها أولا وعايلتها logiquement يحترموها الناس برا (هذا رايي)

و الى أي نوع تصنفينها من المغازلات؟؟؟؟ يعمرو el vide تاعهم ، وحتى يلعبو ببنات الناس.

4 هل تعرضت من قبل الى مغازلة من طرف الجنس الآخر ؟؟؟؟؟؟ نعم ،انا بنت كيما باقي البنات ، بصح كل وحدة تختلف بتربيتها.

وماهي الفكرة التي أنطبعت في ذهنك حينذك؟؟؟؟؟ أكيد فكرة سيئة تجي فبالي ...ناس مهيش متربية ، بصح انا يا ويلو اللي يغلط معايا ، نضرب حتى بالساك ،

وهل تغيرت لدك الفكرة الآن؟؟؟؟ يا تيتوز الشي اللي راح يصرا فالجامعات ، الأماكن العامة ، حتى فالمساجد ربي يستر برك ، المعاكسات هذو ميبانوش حوايج كبار.

/5 ماذا تعني لك العبارات التالية: ( الله :خالق ومالك الكون ،
,الرسول : سيد الخلق
, ماما: نور عيوني
وبابا: ربي يرحمو ، معنديش فكرة كيفاه يكون احساسي لوكان يكون بابا معايا.
, الحب : أساس الحياة والسعادة ,
الصداقة : نعمة
, الليل : السكون ، والهدوء.
الإهتمام بالغير : كاين زوج انواع ، الأول يلتاو بالناس منين جاو وين رراحو ، واش دراو وهذامضيعة للوقت. والثاني الاهتمام يكون يعبر على الحب
المعاناه: الإحساس بالألم.
الحياة: التفاؤل

اهلا بالغالي يوسف ، والله كنت نستنى فالأسئلة تاعك باه تكبار العصابة تاع القذافي


السؤال الاول..~

1- طموحك بالحياة .؟ نكون انسانة ناجحة فكل شيء ، دنيا ودين

2- ما أصعب المواقف اللي مريت بها؟ عندي بزاف مواقف
، مرة بهدلني prof فالجامعة ، الأستاذ هذا قمة نموتو عليه كامل يقرينا réseau électrique دخل ، قرينا شوي ومن بعد سقسانا : قالنا علاه الطيور يحكمو فالخيط تاع التريسيتي وميموتوش انا كي الفحلة والغاشي كامل ساكت " قلتلو ربي دارهم عوازل في رجليهم"ههههههه والله قلتها بطريقة عشوائية والأستاذ هداك هزيت راسي لقيتو قريب يطيح يندب ، ميت بالضحك شبعو ضحك كامل ، قالي انتي راكي وحدة منهم اللي يقولو قدرة ربي هههه قالي اعطيني جواب علمي ، اللحظة هذيك ندمت علاه هدرت والله تبهديلة صح فالكلاسة و niveau 3eme année فالجامعة راكم تعرفو هههه، ومن بعد جاوبني قالي فرق الكمون بين رجليه 00 عليها ميضربوش courant ههههه ، اشفاو عليهامليح لا تتبهدلو ... برا ولا فأي بلاصة


3-ماهو موقفك من الحب ؟؟ الحياة بدون الحب نعيم لا يطاق ، وبوجد الحب حجيم يطاق، الحب احساس رائع

وهل جربته ؟؟ نعم ،

هل تأمن بوجوده ؟؟ أكيد

4-ما هو تعريفك...

للمجنون؟؟ فاقد العقل

العاقل؟؟ انسان عادي

المتكبر؟؟ مريض نفسيا

المتواضع؟؟ هو انسان كحبة السنبلة الذهبية المملوءة، والمنحنية فالبستان ( الناس كامل تعجبهم)

هل انت راضي عن حالك ..؟ نعم والحمد لله

يوسف لي رجعة ، ونكمل الإجابة على الأسئلة الباقية

فرق الكمون بين رجليه 00 عليها ميضربوش courant

معلومة جديدة وروعة .

تعيشي وتاكلي غيرها يا امونة

اوكي انصاف راني فهمتك

مرسي bq

انا اسفة عندي مشكل وما فقتلوش يا امينة درك نعاود نكتب

السلام عليكم ورحمة الله وبركاته
ختي اموووووووونة هادا وين حطتني الطيارة نتاع عمي قوقل
في منتدى شباب الجزائر وبالظبط في موضوع امينة في كرسي الاعتراف
خسارة عليكم يا اعضاء امينة في كرسي الاعتراف ومتقولوليش ايا ماعليش راني سمحتليكم ماتعاودوهاش هههههههههههههه
جيتك بالاسئلة نتاعي



اولا وقبل كل شيء مرحبا بك امونة في كرسي الاعتراف
تفضلي قعدي خدي راحتك



تفضلي بردي على قلبك



وهاته الباقة الورودة مني لكي

ايا خلاص دوك درت الواجب نبداو على بركة الله


ماهي التجربه التي تتمنين تكرارها ...؟؟

من هو توأم روحك ...؟؟

احلى خبر سمعتيه كان له أثر بالغ في نفسكِ...؟؟

شخص لاترفضين له طلبا ..؟؟

ما الذي تكرهينه في نفسك؟؟

موقف ندمتِ انك فعلتيه؟؟

متى تحبين أن تكوني وحدك ؟

عندما تكونين وحدك ما هو الشي الذي تفكرين به ( شي شاغل تفكيرك )

ما هى اجمل هديه استلمتيها؟


ماذا تعني لك الدموع ,,

امنيه تتمنين انها تتحقق لكِ ..؟؟


كم ساعة تجلسين على النت يومياً ؟؟؟


ماذا يعنون لكِ اعضاء المنتدى؟؟

اتمنى تكوني استمتعتي بالاسئلة نتاعي وكانو خفاف عليك
في انتظار الدفعات القادمة ان شاء الله
ودي يسبق ردي

نرجعو ، نكملو مع يوسف


السؤال الثاني ..

1- موقف مضحك لم تنسه طيلة أيام عمرك؟! راني juste تفكرت بديت نضحك،،

الموقف هذا عندو 3 سنوات بصح كل ما نتفكرو نقول صرا البارح. المهم

كنت نقرا فالليسي وكانت لكلاسة تاعنا أفضل وحدة فالثانوية كاملة ديما حنا لولين ، وكنا نحبو بعضانا كامل ، واحد نهار قلت خلي نوكلهم مقلب يكون bien, فاليامات هذوك مرضت مفهمتش واش صرالي تقلقت من حوايج وكان عليا الضغط كي روحت للدار تقابضت مع اختي زادت قلقتني طحت دخت مقدرتش نتنفس، داوني للسبيطار الطبيب قالهم لازم واحد اخصائي ، كان شاك في قلبي، خلعو تاع الدار و متهناوش حتى داوني ل spécialiste وروحت للدار حمد لله مكانش حاجة كبيرة، واكيد مرحتش نقرا يومين ،
كي رحت لليسي كامل يسقسيو وين كنتي ، قلتلهم كنت مريضة في حالة مبعد نحكيلكم... قريت رياضيات ، ومن بعد كان عندنا 2h sport ، خرجنا للساحة جبنا بالو تاع basket وبدينا نلعبو جا المراقب تاعنا يلعب معانا ، حسيت روحي تعبت مقدرتش قالولي كنتي مريضة حبسي اللعب ،رحت قعدت ربعت رجليا جاو كامل "الفريق" درنا دائرة وقعدنا اللي يشوفنا ينضم لينا كنا تقريبا ف 16 ،قالولي احكيلنا علاه غبتي قلتلهم اللي صرا ، هما حارو علاه دخت !! و واش اللي قلقني !!، بديت نحكي وهما كلهم آذان صاغية والمراقب أولهم

قبل النهار اللي غبت فيه قرينا ساعة برك صباح ، قتلهم رحت لأختي متزوجة وباه نوصل لدارها لازم نركب ف minibus المهم كي ركبت لقيت واحد المراة سمينة وبيضة ، مهيش متحجبة وكانت مدايرة سلسلة في رقبتها تاع ذهب تهبل جذبتني بزاف ، شفت معاها كي هزت راسها لقاتني نشوف مع رقبتها ، مشينا نورمال وصلنا نص طريق المرأة هذيك السلسلة تاعها مكانش ، بدات تعيط وتبكي وين راحت سلسلتي جا مول البيس قاتلو هذي اللي سرقتها "عليا انا" حرت قلتلها منيش انا وزيد كيفاه راح نسرقهالك ، انا مستحيل نسرق قالتلو ضرك تجبدها و روسوفور رجع عليا ، قاتلو مننزلش من البيس حتى تجيبوها، انا والله بقى الشوك حاكمني مشكل جامي كنت متخيلة يصرالي ، لقاو la police فالطريق ..عيطو للبوليسي "انا نحكيلهم ونبكي وصحباتي كانو يبكيو معايا" دراما صح .... ههه.... كي طلع البوليسي قالتلو هاهي سرقتلي السنسلة تاعي قولها تمدهالي ، جا عندي قالي خرجي واش عندك ، بكيت وقلتلو والله معندي حتى حاجة ، بدا يعيط وقالي هاتي الشيء اللي سرقتيه ، قتلو حاشاك منيش سراقة وماكش راح تخوفني يهز يدو ويعطيني كف محسيتش خلاص بوجهي بقيت نبكي ونسب فيه قلتلو نحرش فيك خاوتي تشوف واش يديرو فيك ،هكذاك المرأة هذيك ناضت ممكن كانت جاية عندي والسنسلة هذيك طيح مبين رجليها ، مكانتش مقفولة مليح وكي طاحت لصقت ف pul تاعها ، biensur كي شفتها زدت بكيت جا البوليسي هذاك يطلب السماح قالي اسمحيلي اختي وانا دموعي شلال ، نزلت في الطريق جات عندي المرأة هذيك وقالتلي اسمحيلي قلتلها سماح راهو عند ربي قالتلي باه ميعذبنيش ضميري تروحي معايا للدار ، محبيتش نروح معاها psq محبيتهاش خلاص بقات تحلف اداتني معاها راحت قضات كل شيء من الحانوت ، ورحنا للدار دخلتني معاها للصالون وقاتلي اقعدي ضرك نجي ـ جبتلي الjus وبدات تصب فيه فالكاس وتخزر فيا شفت مع الكاس لقيت ال jus هذاك يسيح يسيح و يسيح فالأرض ، وتجي اما تنوضني من الرقاد قالتلي راهي 7 باه تروحي تقراي .... هههههههههههههه ياي لوكان تشوفو وجوههم لبنات طاحو فالأرض يبكيو وخرين يجريو ورايا دورت بيهم الساحة ثقريب حبس قلبي وهربت ههههههههه

والمراقب هذاك انا نحكيلو على البوليسي وهو يقولي قوليلي اسمو والله نودرو و نخرجو من خدمتو هههههههههههههه

فوت بيهم واحد النهار يهبل psq يحوسو يفهمو بزاف ، وانا الدوخة كانت عندها يامات تجيني عليها اداوني للطبيب هذا ماكان

ولحكاية هديك اللي حكيتهالهم كانت حلم برك ههههههههه

2- صفة غريبة تراها في نفسك؟! الحاجة اللي تعجبني لازم تكون عندي

3- اجمل ثلاث صفات تراها في نفسك؟؟ ديما بشوشة ،مخلصة، منهتمش بالناس


السؤال الثالث

1-ورقهـ بيضاء وقلم .. لو طلبت منك انك تكتب فيها شعوركـ اتجاهـ شخص معين ..

مثلما جمعنا القدر .. وعرفنا على بعضنا
سيأتي يوم اللقاء ...
بعد أن ضاع الأمل.. في أن يحتويني حضنك الدافئ
صرت وحيدة ... أعيش بقلب حائر
كم أتمنى أن تأتي و تهديني وردة... اعد اوراقها
ومع كل ورقة اذكر اسمك ... وحبك
كم أتمنى أن أتربع على عرش قلبك
دعي أضمك إلى صدري .. واحس بدفئ حضنك
دعني اسمع دقات قلبك
دعني أشعر بأنفاسك الدافئة ...المملوءة بالأشواق ...
تلامس خلايا وجهي المشتاق...
كم أتمنى لمسة من يديك ، وان ابحر واغوص في بحر عينيك
دعني اهمس لك وأقول لك أحبك
دعني اعبر جدار المستحيل .. واصرخ للعالم بأسره أحبك وأحبك
وأرفض من حبك أن استقيل

وش شعورك الخاطرة هذي بقلمي ، ، وراني حذفت منها كلمات "احتفظت بيهم لنفسي" ، وهذا شعور صادق
ومن هالشخص : ميهمش شكون الشخص هذا ، ولاً يهمكم هههه


2- يقال أن من الصعب تثق باحد لاتعرفه فمآ رـأيك بالثقه عبر النت..؟ عندي أصدقاء احيانا نوثق فيهم خير من أصدقاء الواقع.

3- اي نادي تشجع..؟ خاطيني foot ball منشجع حتى فريق

4- لو عندك المصباح السحري وقالك امينة أطلبي 3طلبات وش هالطلبات؟؟ من قلبي الأجابة هذي

1/الزاوج ممن احب (أكيد الشعور متبادل) هه
2/حج بيت الله
3/نكون انسانة ناجحة فبيتي ومع عايلتي.

5-كلمات بسيطه تعبر فيها عن رأيكـ فيني كعضو : يوسف انت انسان رائع ، وفي وصادق ، نعزك بزاف وخليتني نحس بلي انت خويا الصغير لأنو معنديش اخ صغير "انا الصغيرة فالدار" ، وطبعا احساس رائع

راني juste تفكرت بديت نضحك،،

الموقف هذا عندو 3 سنوات بصح كل ما نتفكرو نقول صرا البارح. المهم

كنت نقرا فالليسي وكانت لكلاسة تاعنا أفضل وحدة فالثانوية كاملة ديما حنا لولين ، وكنا نحبو بعضانا كامل ، واحد نهار قلت خلي نوكلهم مقلب يكون bien, فاليامات هذوك مرضت مفهمتش واش صرالي تقلقت من حوايج وكان عليا الضغط كي روحت للدار تقابضت مع اختي زادت قلقتني طحت دخت مقدرتش نتنفس، داوني للسبيطار الطبيب قالهم لازم واحد اخصائي ، كان شاك في قلبي، خلعو تاع الدار و متهناوش حتى داوني ل spécialiste وروحت للدار حمد لله مكانش حاجة كبيرة، واكيد مرحتش نقرا يومين ،
كي رحت لليسي كامل يسقسيو وين كنتي ، قلتلهم كنت مريضة في حالة مبعد نحكيلكم... قريت رياضيات ، ومن بعد كان عندنا 2h sport ، خرجنا للساحة جبنا بالو تاع basket وبدينا نلعبو جا المراقب تاعنا يلعب معانا ، حسيت روحي تعبت مقدرتش قالولي كنتي مريضة حبسي اللعب ،رحت قعدت ربعت رجليا جاو كامل "الفريق" درنا دائرة وقعدنا اللي يشوفنا ينضم لينا كنا تقريبا ف 16 ،قالولي احكيلنا علاه غبتي قلتلهم اللي صرا ، هما حارو علاه دخت !! و واش اللي قلقني !!، بديت نحكي وهما كلهم آذان صاغية والمراقب أولهم

قبل النهار اللي غبت فيه قرينا ساعة برك صباح ، قتلهم رحت لأختي متزوجة وباه نوصل لدارها لازم نركب ف minibus المهم كي ركبت لقيت واحد المراة سمينة وبيضة ، مهيش متحجبة وكانت مدايرة سلسلة في رقبتها تاع ذهب تهبل جذبتني بزاف ، شفت معاها كي هزت راسها لقاتني نشوف مع رقبتها ، مشينا نورمال وصلنا نص طريق المرأة هذيك السلسلة تاعها مكانش ، بدات تعيط وتبكي وين راحت سلسلتي جا مول البيس قاتلو هذي اللي سرقتها "عليا انا" حرت قلتلها منيش انا وزيد كيفاه راح نسرقهالك ، انا مستحيل نسرق قالتلو ضرك تجبدها و روسوفور رجع عليا ، قاتلو مننزلش من البيس حتى تجيبوها، انا والله بقى الشوك حاكمني مشكل جامي كنت متخيلة يصرالي ، لقاو la police فالطريق ..عيطو للبوليسي "انا نحكيلهم ونبكي وصحباتي كانو يبكيو معايا" دراما صح .... ههه.... كي طلع البوليسي قالتلو هاهي سرقتلي السنسلة تاعي قولها تمدهالي ، جا عندي قالي خرجي واش عندك ، بكيت وقلتلو والله معندي حتى حاجة ، بدا يعيط وقالي هاتي الشيء اللي سرقتيه ، قتلو حاشاك منيش سراقة وماكش راح تخوفني يهز يدو ويعطيني كف محسيتش خلاص بوجهي بقيت نبكي ونسب فيه قلتلو نحرش فيك خاوتي تشوف واش يديرو فيك ،هكذاك المرأة هذيك ناضت ممكن كانت جاية عندي والسنسلة هذيك طيح مبين رجليها ، مكانتش مقفولة مليح وكي طاحت لصقت ف pul تاعها ، biensur كي شفتها زدت بكيت جا البوليسي هذاك يطلب السماح قالي اسمحيلي اختي وانا دموعي شلال ، نزلت في الطريق جات عندي المرأة هذيك وقالتلي اسمحيلي قلتلها سماح راهو عند ربي قالتلي باه ميعذبنيش ضميري تروحي معايا للدار ، محبيتش نروح معاها psq محبيتهاش خلاص بقات تحلف اداتني معاها راحت قضات كل شيء من الحانوت ، ورحنا للدار دخلتني معاها للصالون وقاتلي اقعدي ضرك نجي ـ جبتلي الjus وبدات تصب فيه فالكاس وتخزر فيا شفت مع الكاس لقيت ال jus هذاك يسيح يسيح و يسيح فالأرض ، وتجي اما تنوضني من الرقاد قالتلي راهي 7 باه تروحي تقراي .... هههههههههههههه ياي لوكان تشوفو وجوههم لبنات طاحو فالأرض يبكيو وخرين يجريو ورايا دورت بيهم الساحة ثقريب حبس قلبي وهربت ههههههههه

والمراقب هذاك انا نحكيلو على البوليسي وهو يقولي قوليلي اسمو والله نودرو و نخرجو من خدمتو هههههههههههههه

فوت بيهم واحد النهار يهبل psq يحوسو يفهمو بزاف ، وانا الدوخة كانت عندها يامات تجيني عليها اداوني للطبيب هذا ماكان

ولحكاية هديك اللي حكيتهالهم كانت حلم برك ههههههههه




.........................


انا نقرى ونتمعن وامينة تحلم الله الله هههه

ايه يا امينة هما حبو يفهموا وزتي عوتينا موقف تعهم

انا اللي حيرتني لما قلتي تصب تصب وهو يسح في الارض قلت في باتنة غير لعجب هههه واش راه يصرا عندكم وانت تحلمي


شكرا امونة