تعالو تشوفو اجمل هدية وصلتنا انا و رانيا

السلام عليكم ورحمة الله وبركاته
اليوم و انا ندير تنظيف البيت جا في بالي نصورلكم هدية وصلتنا انا و رانيا قبل 10 سنوات تقريبا و مزالها نفسها و بنفس القيمة
وعدنا بعض انو يبقاو معانا طول الحياة ان شاء الله
الهدية هادي كانت من طرف

،
،
،
،
،
،
،،
،
،
،
،
،

السي مختار نعم ههههه كانت على ما اظن دار لعبة أو شيء من هاد القبيل ( دكرني ان أخطأت ) و هو وعدنا بهدية و وفى بوعده
رغم صغر السن داك الوقت الا انو النية الصافية كانت غالبة علينا يعني مرات نقول في هاد الوقت مستحيل نديرو نية في بعض و كل واحد من ولاية و لا نعرف بعض اصلا
الشيء اللي ميزنا نيتنا الصافية
اود ان اجدد تشكراااااتي لمختار على الهدية الغالية جدا علينا و على امي كدلك ( نهار وصلو كل العائلة قاتلهم وصلتهم هدايا من المنتدى و هوما معرفينش اصلا واش هو هادا هههههه ايا نقول لهم من الانترنت ههههه) ايام لا تنسى صراحة
شكرا جزيلا مختار تركت بصمة حتى في حياتنا الواقعية اتمنى لك دوام الصحة والعافية و كل السعااااادة ان شاء الله

الصورة لم تدرج في الموضوع سوف أحاول في التعليقات

ههههههههههههههه,,,,,,,والله غير الفرحة كبيرة هذي كي فكرتيني بيهم وفرحتي اكبر كي نشوفكم فرحانين بيهم ,,,,,ماقلتيناش واش سميتوهم ولا خليتهم كما هاك ,,,,,,صح درت وحد اللعبة ولا وحد المسابقة ,,,,مرانيش حاصي عليها مليح ,,,,,,وشاركتوا فيها غير انتوما زوج ,,,,,على خاطر كان فيها الاسم واللقب والعنوان,,,,,,والجميع تقريبااا ماحبش يشارك فيها ,,,كل واحد وضروفه ,,,,,المهم انا كنت دايرغير وحدة وكي شاركتوا غير انتوما زوج ,,,,مابغيتش نخير بيناتكم ايا شريت الزاوجة وارسلتهملكم ,,,,المهم الحمد الله لوصلوا على السلامة والحمد الله كي فرحتكم ,,,,,والله انا من طبعي نحب ندير هدايا ,,,,,المشكلة انه لازم يكونوا من ذوقي انا مشي من ذوق الي غادي نهديهاله ,,,,,ولازم يعجبوني انا اولااااا ,,,,,,,شكراااا على هذه الفرحة ,,,وتحياتي للوالدة الكريمة

يااااااااااااا

مالقيتش واش نقول بدون مبالغة هذي أجمل حاجة صرات فالمنتدى بالنسبة ليا والله انا وفرحت ضرك ماعلاباليش علاش

مختار درت حاجة مليحة بزاف يا ريت اذا لقيت الموضوع رجعنا ليه ههه نشوفو سبحان الله هذاك الوقت شحال كنا صادقين كامل مع بعض و مدايرين ثقة فبعضانا كنا إخوة ارواحنا كانت نقية كيما قلتي نهاد هاذ الوقت مستحيل نديرو ثقة طغى الخبث فالنفوس

قوليلي تاعك واش من لون هههههه اذا مانيش غلطانة رنوشة دات روز كانت لاكلاس تاعنا هههههههه

ههههههه الله يحفظك مختار و الله الفرحة هاديك نقدر نقولك لم تتكرر شغل جات على غفلة و من حاجة كيما نقولو ماشي من الواقع يعني فرحة غريبة و صايي هههههه
لا مسميناهمش هههههه منعرف كيفاش

امووونة صح واش قلتي و الله حاجة تفرح و جامي تنتسى
صح انا الأصفر هههههههه هيا كانت تموت على الغوز هههههه
و الله حتى انا حابة نشوف الموضوع معرفتش وين راه مخبي ههههههه

ههههههههه فهمتها كانت لا ستار تاعنا ههههههههه ومازالت علابالي
المهم بصحتكم اجمل هدايا قبل ما تكون هدية راح تبقى خالدة للذكرى من أجمل تجربة عشناها وهي المنتدى متعة لا توصف ،، يلعبو بيهم أطفالكم ان شاء الله

نشالله يا ربي ربي يحفظك امونة
رانيا هي هي و الله ما غلطتي هههههه

يااااه سبحااان الله راني عاد كتفكرتهم هههههه قلت ان شاء الله يكونو يتهلاو فيهم الصراحة هدية غالية بزاااف علينا انا و نهاد و وحد الفرحة فرحناها داك الوقت عظيمة ربي يفرحك مختار كما فرحتنا شحال فوتنا ايامات شابين فالمنتدى سورتو كي كنا نسهرو للصباح هههههه الصراحة كل عضو خلى البصمة تاعو فالمنتدى ربي يوفقهم كامل الغايبين
نينات الكرتونة المهرهرة تاعك و الكرتونة تاعي صحيحة بلاك تبدليهم كنجي نفيقلك ههههههه
امونة الغالية ربي يحفظك يا ارقى انسانة I love you

هههههه مزال محفوظة في الامان و الضمان اصلا راك تعرف امي تحبهم و تحاول عليهم كتر مني هههههه
الكرتونة تبدلت يا حصراه ههههه

رانيا حافظااا التخمام الشيطاني تاعي ههههههه اوووووه ضحكتني
متخافش راني نزعق هههههه
صح واش قلتي و الله كل عضو خلى مكانة كبيرة و نهدر و عليه تحسب من الواقع و تعرفوه غايا يعني هادا فقط يعني الكتير

دمتم اوفياء على قول يوووسف الوفي اللي مزادش بان كامل

هههههههه شفتي يا عفريتة علابالي علابالي
ماماتي علابالي شطورة هههههه
تعرفي اكثر عضوة توحشتها سليمة كانت ديرنا جو في المنتدى ديفوا تبالي ندير اعلان فكاش صفحة معروفة و نحوس عليهم واحد واحد

سليمة وصيت مختار ساعة ما فيه فايدة ما بان والوووووو
نتمنى نوصلولها و الله هي و نونوسة مروة

راني عاد عاقل على وصايتك بصح المعلومة الي راها واصلتكم عليها ناقصة ,,,,,سقسيت عليها وحدين قراو في الجامعة ولا خدموا فيها ,,قالولي قاع مكانش استاذة دكتوراة فغي الاقتصاد سموها سليمة ,,,,,,وحتى اللقب انتاعها ماعندكمش ,,,,خصني المعلومة باش نوصل ليها ,,,,

للأسف مكانش معلومات كبيرة Crying or Very sad

سليمة كي راحت عولت صح ما كنتش نتخيل يجي يوم تخلينا بلا رجعة .. لكن الغايب عذرو معو ان شاء الله تكون بخير وين ماكانت

سليمة واحد الوقت كنت نعرف عليها كل شيء حتى تصاورنا تبادلناهم للأسف نسيت معلومات عليها ماعلاباليش حكمني زهايمر ولا مانعرف

.. كنا نحكيو بزاف فالتلفون بدلنا الأرقام بصح ماخليناهمش لبعضانا كانت مع الدكتوراه توجد نقص شوي التواصل .

رنوشة عليك وعلى top commentaire نص ساعة يجيبهملك بالواحد هههههههههههههههههههههههه

قولي و الله ؟ و الله مدابيا نبعثلو كاش ما يعاونا نجمعو الشمل

قلتها من باب المزاح بصح بصراحة صفحتو رقم 1 فالجزاير اذا راكي متبعتيه ف fb

هههههههه انا راني منيتي و الله لو نلقى اي طريقة نجمع بيها الاعضاء عادي

والله غير ,,,,راكم تشفي يا زعيمة ومعاك امينة تاني ,,,,,,راكم بصح تحوسوا تلموا الاعضاء ,,,,,راكم تزعقوا ولا راكم تحلموا ,,,,المنتدى من بكري وهو كاين والعنوان انتاعه مازال هو هو ,,,,ولعينه يجي راه الباب مفتوح ومفضوح ويلقاه بطريقة ساهلة ماهلة ,,,,نضن الي يبغي المنتدى ويبغي الاعضاء انتاعه ماعليه غير يكتب اسم المنتدى وشبيك لبيك راه معاكم ,,,,,بصح باش تحوسوا عليه وترسلوله ارواح دخل نضن بلي هذا غير شكيل ,,,,,

مختار عندك حق في بعض النقاط بصح شكيل و نشفو كلمات مش ف محلها خلاص .. صح اللي عينو فالمنتدى راه قدامو أنا مانيش راح نحوس فالصفحات شيء مستحيل .. بصح إذا مازالت رانيا تحكي عليهم هذا يدل على حاجة وحدة طيبة أصلها و ماهيش ناكرة للعشرة .

عادي جدا إذا تفكرناهم وحكينا عليهم ودعينالهم دعوة خير كانو بنات عشنا معاهم الحلوة والمرة ماش هنا، ف fb لسنوات طويلة بلاك سمحنا فالمنتدى بصح علاقتنا لا .. كاين اللي صرالهم حوايج تقدر تقول سرقولهم حياتهم كمثال كاين شخص تألم بزاف وفقد نفسو ساعات نلوم روحي نقول قصرت يا ريت حكيت معاه وكنت قريبة أكثر

منوافقكش الراي نهائيا مختار هاد المنتدى درتو و انا صغيرة و جمعت فيه ناس من كل انحاء الوطن و حتى خارج الوطن و كانت علاقتنا طيبة و المنتدى بالنسبة لينا بيتنا الثاني نتفكر كنا ندابزو انا و نهاد شكون يسبق للميكرو لانو في البداية كان عندنا واحد فقط في الدار و نقعدو بالساعات و منملوش و الحمد لله كونا صداقات و كاين حتى لكونو عائلة من اعضائنا الحلوين و هذا يحسسني بالفخر و السعادة انو قدرت نجمع بيناتهم
انا ربما ما زلت نحوس نجمعهم لانو نلوم نفسي اكثر شيء دايما نقول لو انا مهجرتش المنتدى ربما كانو الاعضاء بقاو منحطش الحق فقط على الفايسبوك
و حتى المناوشات اللي صراو اخر فترة اثرو عليا و بالتالي على الاعضاء لانو كان بمثابة المتنفس ندخلو نضحكو و نستفادو من بعض و لكن للاسف مرات توقع بعض الاشياء خارج طاقتنا
انا مازال عندي امل اتو نرجع نجمع اكبر عدد ممكن من الاعضاء القدامى حتى لو استعملت كل الطرق لانو ببساطة المنتدى يعنيلي الكثير I love you

بالنسبة ليك يا امينة ,,,,,كلنا هجر المنتدى في فترة من الفترات ,,انت مثلاااا هجرتي المنتدى ولكنك رجعت له مهما طالت غيبتك ولكن تمر عليك مرحلة الا وتحني فيهاااا للمنتدى على الاقل وترجعين له و لو لطلة واحدة ,,,,تلك الحنية او ذلك الرجوع او تلك الرغبة االتي تجعلك تعودين فيها للمنتدى هي مافقده هؤلاء الاعضاء وهذا معناه انه لم يعد شئ في باله اسمه المنتدى او اعضائه ,,,,نعم قد يتذكركم بين الحين والاخر ولكن نعتبر صفحة تمزقت من حياتهم ولم تعد لها اهمية ,,,هذا ما اعيبه على هؤلاء الاعضاء ,,,,نحن هنا ومن اراد لقيانا فهو يعرف ان يجدنا ,,,,,,
بالنسبة لك يا زعيمة اعرف قيمة المنتدى في نفسك واعرف انه جزء منك لانك بنيته بكل جوارحك ومشاعرك خاصة تلك المتعلقة بفترة مراهقتك فتلك المشاعر تكون قوية ولكن كما قلت لا لا مينة من اراد لقيانا فهو يعرف اين يجدنا ,,,,نحن لم نغير عنواننا ولكن هم غيرو ,,,,المهم والاهم الا تغيروا انتم عنوانكم لكي لا نضطر لنسيانكم ,,,,,,,لان هذه فلسفتي في الحياة ,,,الا ابحث على من اختار الهجران والنسيان ,,,,,

امونة و الله طوب كومنتااار هو الحل هههه
مختار راهم ردو عليك كفاية هههههه
هي عندك الحق من ناحية يقدرو يدخلو و لكن ماشي بهاديك الطريقة و الكلمات ممكن يشوفوهل يوما ما تخيل ردة فعلهم؟؟؟؟ الحياة هادي صعبة و ماناش عارفين الظروف نتاع كل واحد قيهم نتمناولهم الخير أينما كانوا كيما قالت امونة على العشرة الي كانت بيناتنا
صحة مختار تخيل انو عضو من المنتدى مات ؟ بعيد الشر على كل واحد و لكن بمجرد تخيلها و نتا قاعد تحاسب فيه متلا صعبة شوية لدا لازم نقولو نشالله يكونو بخير أينما كانوا و يوفقهم ان شاء الله

نضن انه راه كاين سوء فهم فقط بين الي راني عليه وبين الي راكم عليه ,,,,انا مرانيش نحاسب فيهم ولا زعفان عليهم ولا نلوم فيهم ولا نتمنى ليهم الشر ,,,انا الله يسهل عليهم ويفرحهم ويفتح ليهم كل ابواب الخير ,,,,بصح باش نقعد انا نخمم فيه ونحوس عليه ونسقسي عليه وهو عايش حياته ماعلابلهش قاع بيا ,,,هذي الي تغضني ,,,,نضن ان الحب والاهتمام علاقة متبادلة وليست من طرف واحد ,,,,نضن بلي فهمتوني ,,,

فهمتك مختار خاناتك الكلمات اللي تعبر بيها ههههههه

ماعليش حتى وينساونا عادي تبقى ذكرى مليحة ماكانش أجمل من الدعاء في ظهر الغيب، حتى و عايشين حياتهم ماش سامعين بينا خلاص حنا نتفكروهم ف دعوة والملائكة ترد علينا ولكم بالمثل ..

كاين ناس يستحقو نتذكرهم بيني وبين نفسي أي شخص خلى بصمة حلوة وراه يبقى فالذاكرة

» اسم,,,, رانيا
» اجمل مناطق الجزائرلي عندو صور اجمل للجزائر يتحداني
» × أدخــــلو تشوفو فآئدة عيون اليآبآنيين هههههههههـ روعة لوووووووول
» تعالو نهني أمينة
» هدية لأ مينة