السلام عليكم

السلام عليكم
كيف الاحوال ان شاء الله تكونوا بخير
نتمنى منكم تدعوا لامي بالشفاء في هاته الايام المباركة خصوصا غدوة يوم عرفة المبارك من فضلكم لو كنتم تعزوني ولو قليل ادعولها بالشفاء انا ختكم ماتنساوش وشكرا مسبقا

الله يشافيها ويعافيها ويرزقها الهناء والراحة والعافية باسم الله الشافي الذي لا يعجزه مرض ولا سقم اشفي ام الاء من كل ضر انك انت القادر على كل شئ ,,,,والله يشافي كل مريض مسلم ,,,,

و عليكم السلام و رحمة الله و الله الحمد لله حبيبتي نشالله تكوني بخير
الله يشافي امك و يعافيها يا رب
اللهم إنّي أسألك من عظيم لطفك وكرمك وسترك الجميل، أن تشفيها وتمدّها بالصحّة والعافية، لا ملجأ ولا منجا منك إلّا إليك، إنّك على كلّ شيءٍ قدير.

طمنينا عليها أرجوك

الله يسمع منكم يارب 🤲🤲🤲
نهاد ختي الحمد لله على كل حال يارب حاليا راها لباس مع مضاعفات والالم لي بعد العمليةالجراحية بعد رحلة مريرة من التحاليل والكشوفات اكتشفو عندها المرض الخبيث السرطان عافانا الله واياكم يوم سماعي لهذا الخبر كان اسوء يوم في حياتي من يوم ولدت اصعب حتى من يوم وفاة والدي ...امي هيا واش عندي في هاذ،الدنيا من بعد ربي سبحانو هيا روحي ك مرضت بهاذ امرض روحي سُحبت مني وليت نتمشى جسد بدون روح كلشي تبدل في حياتي كلشي ظلامت الدنيا في عينيا وضعفت لدرجة كبيرة بصح ك نلتجأ لله سبحانو هو وحدو لي يقويني ويعطيني الصبر باش نتحمل هو لي راه سندي ورحيم بي في ماامر به ربي هوالسند القوي واللطيف والحمد لله دائما وابدا ... قلبها ضعيف ومناعتها ضعيفة على قدر قوتها وصبرها على قدر مايغلبها الالم وتتوجع انا نتوجع مكانها الف مرة نحس قلبي يتقطع الف قطعة مع كل كلمة ااه تقولهااا الوالدين وخصوصا الأم مانقدروش نشوفوهم يتألموا قدامنا ومانقدرو نديرولهم والو من غير الدعاء
الله لايحرم احد من والديه وربي يديم علينا وعلى والدينا الصحة والعافية ويعطيهم طولة العمر حاليا راني امر باصعب الاوقات خصوصا وان رحلة العلاج طويلة وشاقة ونفسيتي دمرت احتاج الدعاء فقط وسمحولي طولت عليكم قلبي راه معمر والحمد لله على كل حال ماتنسونيش انتم اخوتي ولستم اصدقائي فقط .

اللهم رب الناس اذهب البأس واشف أنت الشافي لا شفاء إلا شفاؤك شفاء لا يغادر سقما ،

يارب في هذا اليوم المبارك وهذه الساعات المباركة نسألك أن تقر عين صديقتنا بشفاء والدتها

لا حول ولا قوة إلا بالله كلماتك تدمي القلب آلاء ،، الله إذا أحب عبده ابتلاه صبرا إن بعد العسر يسرا

لا حول ولا قوة الا بالله و الله بكيتيني الاء اختى الله يعطيها القوة و الصبر باش تتغلب عليه يا رب في هاد الليلة المباركة ربي يشفيها و يعافيها و تقعد تاج فوق راسك يا رب
الاء مهما ضعفتي تفكري بلي كي تشوفك قوية تستمد القوة منك و العكس صحيح يعني لازم تقوي روحك على جالها باش تشوفك قوية و اي مساعدة و الله و الله انا اول وحدة راني هنا ندير واش نقد و الله ما نسامحك الدعاء بلا ما تقولي و لله راني ندعي معاك اي مساعدة راني هنا المسافة متمنعش المساعدة و نظن كامل يوافقوني الرأي كيما قلتي رانا اخوة ماشي اصدقاء فقط . ..عشرة رآها بيناتنا و لازم نوقفو مع بعضانا في وقت الشدة ....

نهاد امينة مختار  شكرا لكم جميعا ربي يتقبل منكم ان شااء الله
نهاد حبيبتي والله كلماتك هاذو ك شغل عاونتيني وكثر ربي يحفظك  المساندة المعنوية راها ليها اثر كبير وهذا مااحتاجه صحيتي ختي ربي يحفظلكم والديكم وماعز عليكم وعيد سعيد للجميع .

امين يا رب و الله من القلب ربي يحفظك حتى نتي و يحفظلك العزيزة الغالية يا رب
الله يتقبل من الجميع عيد مبارك سعيد

مرة على مرة طمنينا كيما قالت نهاد رانا أخوات وعشرة بيناتنا رانا هنا فأي وقت ،، ربي يجبر بخاطركم يااااا رب

لا حول و لا قوة الا بالله العلي العظيم
كلماتك وجعتني و بكيتيني ربي يكون معاك و يشافي ميمتك و يخليهالك منورة حياتك ثقي بالله سبحانه و تعالى و استغفري بزااااف الاستغفار راه معجزة كبيرة و متمليش من الدعاء ، الدعاء يغير القدر و حاولي تخرجي صدقة كل فترة و لو كانت شيء بسيط بنية الشفاء و اتمنى لو كلنا نتشاركوا و نخرجو صدقة بشي لي نقدرو عليه بنية شفاء ام صديقتنا و اختنا الاء و ربي يقويك اختي
إلهي أذهب البأس ربّ النّاس، اشف وأنت الشّافي، لا شفاء إلا شفاؤك، شفاءً لا يغادر سقمًا، أذهب البأس ربّ النّاس، بيدك الشّفاء، لا كاشف له إلّا أنت يا ربّ العالمين

الاء ماخبرتيناش واش راهي الوالدة ,,,,ماتنسيناش نتمنوا انشاء الله كما خبرتينا بالمرض تخبرينا بالشفاء انتاعها ,,,,والله يشافي قاع المرضى المسلمين

راني تكلمت معاها مسلمة عليكم كامل و تشكركم بزاف على السؤال، رآها مع العلاج مسكينة ندعيولها ربي يشوف فيها و يشفيها و يعافيها يا رب

ماعلاباليش بلي عندك التلفون انتاعها ,,,,,,

خليت كل الموضوع رحت لطريقة التواصل
الفايسبوك فقط

آلاء تمنيت كي ندخل نلقى خبر عليك يا ريت تطمنينا على الوالدة الكريمة والله ما ننساكمش بالدعاء ربي يفرحك بشفاءها وتفرحينا معاك

امينة حبيبتي شكرا لك على السؤال..الحمد لله الوالدة حاليا بخير راكي عارفة هاذ المرض رحلة العلاج طويلة وشاقة وتحتاج لصبر كبير وقوة تحمل وايمان بالله اكبر ..ربي ان شاء الله يقويها ويقوي جميع مرضى المسلمين عليه وعلى جميع الامراض ..ربي يحفظك ختيتو فرحتيني بسؤالك عني وافرح اكثر بدعائكم وبللي راكم متذكريني

الله يشافي ويعافي كل مريض من امة محمد صل الله عليه وسلم

الحمد لله رب العالمين .. لن أنساك بالدعاء خاصة للوالدة الكريمة
طمتيني بردك والله فرحتيني