*حكمة جميلة*

صح فعلا بعد كل عسر يسر

آمين يا رب

مافهمتكمش ,,,,امينة ماغاديش نقول لك مرحبااااا وعلى سلامتك وتوحشناك ,,,,,وووووو,,,,,,,صاي الطلة انتاعك انتاع دقيقة ومن بعد تغيبي بالشهور ,,,ولفناها ,,,,,يا ختي ,,,,انا صاي ,,,,,,المنتدى منتداكم ,,,,ادخاوا كما تبغو واخرجو كما تبغو ,,,بصح باش تقارعوا منا نتفكروكم ولا نسقسوا عليكم غير نسوها ,,,,,,,الزعيمة ,,,,,المنتدى مراهش مكتوب بسمايا باش نقعد غير انا نعمر فيه ,,,,ها فهموا ارواحكم ومرة على مرة واحد فيكم يحط حية ..وهذي الهدرة قاع تتشاركوا فيها ,,,,كي انت ,,,,كي الاء ,,,وكي نهاد ,,,,وانت امينة ,,,راني عارفك بلي مراكيش لاهيتنا ,,,,عندك الصوالح بزاف بزاف بزاف ,,انا الي في قلبي قلته ,,,,بغيتوا تزعفوا بغيتوا ترضو,,,الي بغيتوا ديروه ديروه ,,,راني موالف بغيابكم ,,,,,

اهاااه مختار ماتتقلقش هههههههه .. واش بيك والله غير خلعتني تبان كنت تستنى فيا .. ماعليش اسيدي ماتتفكرناش حنا نجيو نسقسيو ونطمنو عليك

ماعندي ماندير بيه ,,,,منين جا وقت الصح واستحقيناك فيه ,,,,مالقيناكش ,,,راني نقصد على فطور رمضان ,,,,,طمعتينا بالكوزينة ومن بعد ,,,,وكلتينا الشح وكل واحد يدبر راسه ,,,,,,المهم كل شئ فات ,,,,وبقا غير العيب ,,,,

هههههههههههههههههههه رمضان هذا ماعلاباليش كيفاه فات سبحان الله يبان يامات برك .. العيب ربحتو مع تاع الدار وزدت هنا

amina كتب:

هههههههههههههههههههه    رمضان هذا ماعلاباليش كيفاه فات سبحان الله يبان يامات برك  .. العيب ربحتو  مع تاع  الدار  وزدت هنا

سيرتو اخر ايام رمضان قاع رحنا فيها هاد العام ههههههههه

امينة احكينا على واش صرالك مع الدار حتى ,,,,ربحتي العيب معاهم ,,,,,,وانت يا زعيمة رانا نحكو على العايلة الكبيرة مشي على زوج مغارف حتى تقولينا رحت فيها ,,,,,بركي غير ماتشكي ,,,,,مادوخيناش ,,,,,,

يا يما الرد تاعك دايما جاهز و انت وين علابالك بلي زوج مغارف ههههههه
و زيد نسيت القاتو تاع العيد هلكنا و الله حنا العادات تاعنا مكانش كيفهم جبناها غير فرواحنا الجنسيات لخرى قاع معلابالهمش يشريو جاهز و اصلا عندهم نوع و لا زوج مش كيفنا

يا ختي قاع اذا زدت مغرف غادية تكون مغرف صغيرة وصغيرة ,,,,وزيد انت وعلاه عليك ,,,,راكي عارفة روحك مراكيش في بلادك علاه راكي تغبني في روحك عيشي كما راهم عايشين ,,,,احنا في الجزائر ,,,نبغوا الشباح و الانواع والشيكي ,,,ونبغو نورو ارواحنا قدام الضياف ,,وسيرتو وسيرتو تشراك الفم ,,,منين يحطو القاطوا قدامك وتبدي تقلبي فيه الف تقليبة عاد باش تاكليه ,,,,,,هنا عندك الحق تسميه اختبار مشي قاطوا ,,,,بصح تماكين عيشي كراهم عايشين وهني راسك ,,,,,

والله عندك الحق رنوشة يامات اللخرين ماربحتهم لا صحة لا أطباق بنينة غير كور وحط هههه ماربحتهم آخرة ،، مع لفطور والقاطو قصرت فالدين وبزاف الناس تشد الحزام أنا نحيتو خلاص .. مختار راني معاك فواش قلت لرانيا ديري كيفهم .. اربحي صحتك والوقت هذاك اللي تخسريه كامل مع الشباح والطبع فوتيه فحاجة تفيدك انتي و تخدمك
أنا راني هنا في بلادي بصح حلفت مانزيدش نقتل روحي .. لا إفراط ولا تفريط فالمعقول وخلاص .. رمضان يفوت بصح مانضمنوهش يرجع يلقانا بصح الكوزينة يوميا فيها.

ملاحظة: مختار شفت هذوك زوج مغارف اللي حاڨرهم محاينهم كبار بزاف هههههه بلاك يحكمو فالكوزبنة من صباح للمغرب .
حنا ماناش عايلة كبيرة خاوتي كل واحد ف دارو وحدو .. غير أنا وأمَّا واختي بصح علاه حتى يأذن عليا العشاء باه نريح مانعرف

هههههههه الله غالب مقديتش منديرش عادات و لسقت فينا بصح انا منكثرش بزاف يعني للفال فقط و باش نحس شوية بالاجواء تاعنا هذا مكان ما انا خاطيني قاتو الحق و كما قالت امينة و الله الواحد ولى يقصر فالعبادات فاواخر رمضان بسبب الشقا و التعب و الامور هذي المكلفة ربي يهدينا و يغفرنا و ربي يسامح اللي اخترع هاد شي و بلانا بيه

شفتي امونة الواحد يدخل للكوزينة ميخرجش منها حتى يخرج منتهي الله يستر

آمين يارب .. ربي يستر ويقدرنا ههههه واللي اخترعت هاذ الشيء ندعي ربي يغفرلها

بسم الله الرحمن الرحيم ,,,,,تدخلو الكوزينة نهار تردوها مشروع القرن ,,,,صحتنا طاحت ,,,التعب بزاف ,,,ماقديناش ,,من الصباح لليل ,,,الي يشوفكم ويسمعكم ,,يقول بصح ساجيات وكل صبع بصنعة ,,,,هذو عاد غير زوج مغارف لكان جيتوا في عايلة هايلة مرانيش عارف قاع واش تقولوااا,,,,هذي عاد المواشين راهم خدموا معاكم ,,,,,ماشينة لا في ,,,اسبيراتار ,,,,روبويا ت ماشقاش نهدر ,,,,الكليماتيزارات ,,,وزيد وزيد,,,,,,املا النساء انتاع بكري واش يقولو ,,,,منين انتوما راكم تهدرو كماهاك ,,,,,,,ياخي بنات اليوم ,,,,ديرلك غرفية انتاع حريرة تردهالك اعمال شاقة وصحتي طاحت عليها ,,,,,

هههههه من ناحية les équipements راني معاك كل شيء متوفر بصح نحكيو بجدية ،، تاع بكري يقولو ما كناش نطيبو هكذا "كسرة ولبينة وربي يهنينا" .. وحدة من الناس أما تظل تقولي ماكانش كيما معيشة بكري صح قافزات وفحلات فكل شيء بصح حقيقة لازم نقولوها كانت مايدة ولا صينية يتلمو عليها فيها شربة وكسرة وسلاطة كاش طبق آخر مرة على مرة .. بصح ضرك راهي طابلة يا سي مختار هههه توصل حتى تاع 12 كرسي .. راك تتخيل واش يعمرها .. مقبلات بأنواعها ..اطباق رئيسية اطياق ثانوية .. هذا اللي يتحط .. بلا ما ننساو التحليات اللي ناس تشوفها حاجة ساهلة محطوطة فكأس تقديم .. وهي تكون وحدها تدات نص نهار اذا ما اكثر ... أنا نظن ماكانش مجال للمقارنة وقتنا تبدل والمشكل الأكبر هو الراجل يتشرط ويحب الطابلة تكون معمرة من كل شيء . مثلا عندنا فالدار "حنا النسا ناكلو بلا ما نتشرطو بزاف ساعات يبقى طبق مليح بايت نسخنوه عادي .. بصح الرجال لا يجيهم الوحم فهذاك الشهر حاجة جامي كلاها في حياتو يتشهاها غير كي يصوم "
الحمد لله خاوتي تهنيت منهم هههههه لوكان راني هزيت الراية البيضا

ههههههه,,,,,شوفي  الراجل  راه يتوحم ويتقلش ,,,,يا الراجل النهار السعيد عنده كي تقو ليله  ماتجيبش ,,,المخير دروك في الرجال ياكل مسكين غرفية انتاع حريرة ومن بعد يخرج يدير قهوة ,,,المهم ,,لا علينا ,وربي يكون معاكم ويعطيكم صحتكم ويمتعكم بيها ,,,,,,نهاد ,,,,,الحس انتاعك راه ناقص بزاف ان لم نقل انه منعدم ,,,,,خير انشاء الله ,,,,,صاي نورمالمو كملتوا مراهاش عندك سبة مناوهاك ,,,,,

و الله يا سي مختار كلشي عندك ساهل المهم امونة كفات ووفات يعطيها الصحة كلشي تبدل طبعا بين بكري و ليوم ناس بكري مكانوش يكلفو رواحهم يعني حاجة خفيفة و صايي و حنا دروك كلش تبدل المهم ربي يرزق الصحة هدا مكان

الله يبارك فيكم ,,,,,ويخليناا يماتنا وخياتنا ,,,,,وربي يجازيهم على تعبهم ,,,,امينة راني غير نزعق بغيت نزعفك هذا مكان ,,,نتمنى ملتكونيش زعفتي ,,تحية للجميع ,,,,ماقلتوناش كاش خبار على نهاد سمعت بلي قبضوها توري في واحد تلميذ كان يقرا عندها ,,,قالهم دات عليا مليون باش توريني نهار الامتحان

لا مختار بالعكس رانا نحكيو هذا ماكان .. هههه نهاد ربي يعينها مع Bac

كنت نشوف "اليوم فرق 20°م بين الشرق والغرب .. حنا رانا ف 40/42 وجوايهكم 20/22 سبحان الله

علابالك امينة والله شهر هذا اغرب شهر فات علي في حياتي من ناحية الجو ,,,,,علابالك في نهار وتقريبا راه كل اليوم ,,,السخانة مع البرد مع الفونتسابل مع النو ,,مافهمنا والو ,,,,,,غير الله يجيب الخير ,,,