Amina's kitchen

هههههههههه و الله ضحكت تاع الصح الحالة ترونت و انا لا خبر ههههههه

نهاااد قلبتيلي كوزينتي ماعرفت الدخلة من الخرجة ما بان راسها من ساسها ههههههه

واش بيها الحالة عوجة هههههههه
واقيلا ضربونا بعين شتتو التعليقات احوجي عين قاوية ههههه

ههههههههههههههههه مختار قتلتني ههههههه

مارانيش قاعدة برك .. شغالات راني لاتية اليامات هذو معاهم بصح بإذن الله نحط

كنتي تحوسي على دارك وحدك ,,,,وكوزينتك وحدك ,,,,منين درناهملك حبستي الطياب ,,,,,واه على بنات اليوم ,,,,

ديري قسم واذا تصلح فيه فرعين واحد للملحات والآخر للحلويات باه تكون منتظمة ..و باسم من نظن مايهمش ماذا بينا نتشاركو كامل

انا من بكري نخلص في الكراء ,,,,,غير اقعدو في المنتدى ,,,,,نهاد ,,,,,,ديري منتدى الطبخ ,,,,,وديري فيه جزئين واحد باسم amina والاخر باسم مطبخ الاعضاء مفتوح للجميع ,,,,,

نتفاهمو فالدردشة هههههه البيرو تاع المشورة

صح يبالى غادي ندير قسم خاص بالوصفات
فكرة مليحة لانو راح يتخلطو هاكا في وسط التعليقات
اقترحوعليا كيف نسميه

ههههه آلاء ربي يعيشك

والله أنا ثاني كنت نكره الوصفات التي تدي وقت بصح كاين اللي تستاهل تتجرب .. ماذا بيا نفيد ولو بحاجة كيما هذي تفرحني بزااف

ألاء الغالية ابقاي معانا ما طوليش الغيبة الكوزينة كاينة ومختار يسلك الكراء غير ناتخمميش

اممممم امينة واش هاد شطارة واش هاد تحطيم القلب
يعطيك الصحة كلش يبان بنين ....وانا معكازة نعجز باش نطيب اذا كانت الوصفة طويلة وتحتاج وقت ...بصح كما هاك راح ديريلي لقلب باش نطيب

الاقتراح هذا طرحو مختار وكانت نفس الفكرة ،، انا قلت كي رانا وحدنا نرجعولهم بسهولة  بصح كيما قلتي اي بدات تدخل في بعضاها الوصفات بالتعليقات... عندك حق خاصة كل وصفة تاخذ حقها 

نعاودو  نفرزوها  ان شاء الله 🥰🥰

amina كتب:

 
شكراااا  رنوشي  ان شاء الله ربي يحلي أيامك

و ايامك حبيبتي عندي اقتراح انو نعملو قسم جديد خاص بالطبخ و الحلويات باش ميتخلطوش الوصفات هنا و كنجيو نحوسو على كاش وصفة نروحو مباشرة للموضوع و كذلك كل وصفة تاخذ حقها من التعليقات مش نقعدو خايفين نحطو تعليق تتخبى الوصفة فهمتيني؟

روووعة انا كيفك رنوووشة هههههه عجبتني الوصفة ان شاء الله نجربها
تسلم ايديكي امونة

شكراااا رنوشي ان شاء الله ربي يحلي أيامك

بمي راكي جيتي على الجرح امونة راني من عشاق تشيز كيك بصح معنديش فراولة جبتيلي دودة لازم نخرج نشري فراولة باش نديرو يسلمو ايديك يا حلو على الوصفة و المجهود و الكتابة خاصة هههه

هاااااالللووو   غدوة weekend  باه تجربوه  ان شاء الله
Cheesecake بنين بزاااف  
هذاك هو مع موسم الفراولة






الطبقة الأولى :
200غ بسكويت Lotus نرحيوه (ممكن نوع آخر بصح لوتيس  ماكانش ألذ منو) نزيدولو  100غ  زبدة ستار ذايبة ونفرشوها كطبقة أولى ف  سارسو  و نحطوها فالمجمد مباشرة

الطبقة الثانية  : cream cheese

في إناء نحطو 300غ شوكولا بيضاء مع 40غ زبدة و نحركو حتى تذوب .. من جهة  نكونو درنا (80غ ماء نخلطوه مع 20غ جيلاتين بودر ونخليوه حتى يجمد) .. كي  تذوب الشوكولا نفرغو فيها الجيلاتين ونحركو مليح حتى  يولي فيها لمعان.

في إناء نديرو  250 غ كريمة سائلة Hopla  نطلعوها بصح ماش بزاف حتى نخرجو الدسوم تاعها  قيس ما تطلع مليح ونحبسو .

ونخفقو ب batteur جبن mascarpone  نحتاجو 250غ  

نخلطو الجبن مع  Hopla اللي طلعناها بالشوية من فوق لتحت باه ماتنزلش وتفسد ..

بعدها فالأخير نزيدو نخلطوهم مع الشوكولا البيضاء اللي ذوباناها  .. الشوكولا نفرغوها  على الخليط على 3 مراحل  ونحركو  مليح .

نفرغوها كطبقة ثانية ونسويوها ب spatule ..  ونرجعوها للمجمد

الطبقة الأخيرة:  coulis fraise.. أو صلصة الفراولة
400غ فراولة مقطعة + 100غ سكر عادي .. نحطوهم على نار هادئة  ونخليوهم حتى تعقد الصلصة  نزيدولها جيلاتين ( 20غ جيلاتين بودر و 80غ ماء)  كي يجمد الجيلاتين نفرغوه ونخلطو ... نضربوها ب bras mixeur   ونضيفوها كطبقة أخيرة و نخليو  cheesecake تاعنا يبات ليلة كاملة باه تكون النتيجة مليحة

التزيين حسب الرغبة

هههههههههه صح و الله الدجاج قاع صغير بكل انواعو معلالاليش علاش اما بالنسبة للرز ؤاه كما الخبز عندنا ياكلوه كل يوم على الغذاء ضىوري

نهاد عندك حق هههههه


ههههههههه رنوش مالا ديري 2 حمامات قصدي دجاجات وابقاي تخيطي وترقعي حتى يفرج ربي بدجاجة جزايرية مدحدحة

بصح صح بغيت نعرف علاه تاعهم صغار عند الخليج بصفة عامة ..على خاطر عندي وحدة من فاميلتي فكل عرضاتها اللي تروحلهم أرز و حمامات بزاف من الفوق كيما قلتي

ماشاذ الله امونة يسلمو ايديكي الدجاجةةشكلها يشهي بصح لازم دجاجة تاع دزاير دجاج تاع هنا قد الحمامة ههههه نخاف نحي العظم تولي فتات نفسي فدجاجة محشية 🥺 على كل انا جامي نفقد الامل راح نحاول و نرجعلكم الخبر هههههه امونة مبدعة كالعادة

Dek djaja tchehi hhhhhh
Ya3tik sa7a amouna
Sah les cornés kont derthom bssh mchi b hed hachwa dok nsayiha inchlh b3da sahla hhhh ana b3da nhwd ghi ala sahal hhh
Yislamou idiki
Fi intider ljadid hhhh

les cornets salés   هذو مقبلات  علابالي جربتوهم  الحشو هذا عجبني بزاف بغيت نشاركو معاكم




العجينة درت المورقة  نشكلوهم فالمول .. ونحطوهم يطيبو

أما الحشو :



علبة تونة زيت نفرغو كامل زيت اللي  فيها لازم باه نستعملوها .. و علبة جبن أمير  .. من 1 الى 2  جبن chef  الأهم يكون متبل  بذوق الدجاج المشوي ..  نخلطوهم كامل مليح  ونحشيو  لي كورني  تاعنا  بعد ما يبردو

من الجوانب   نزينو  بجبن شيدار  مرحي .. و نحطو معاهم سلاطة وكورنيشون  cornichons

و شهية طيبة

طبق رئيسي لذيذ

دجاجة محمرة محشية باللحم المفروم و الجبن







الطريقة :   نشرحها  بالصور  

أول شيء الدجاجة بعد ما نظفوها مليح .. نحكوها بنص حبة ليمون (تنحيلها الرائحة تاعها) .. و نحيولها كل العظم نخليو اللحم فقط

كيما فالصورة



من بعد لحم مرحي  نضيفولو شوية بصل مفروم و دبشة و ملح وفلفل اسود   ونخلطوهم كامل .. من بعد نحشيوه بالجبن




قبل ما نحطو الحشو ف وسط الدجاجة  نكونو وجدنا التتبيلة .. اللي هي بصل مفروم ملح ثوم بهارات زيت و موطارد (خردل)  أو علبة ياوورت طبيعي  ندهنو الدجاجة مليح ونحطو الحشو ونغلقو بإحكام بخيط



نحوها في اناء ولا بيراكس اي حاجة تاع طهي .. وندهنوها الزبدة كامل



ونخليوها حتى يرجع  لونها ذهبي نبقاو نحركوها باه ما يجي طياب متجانس ..  بعد ما نتحصلو على اللون نحطوها فالفور  و نزيدولها ماء سخون  كوب .. ونغطيو عليها ب ورق المنيوم  .. بعد ما توجد نخرجوها




ونقدمو على حسب الذوق  .. بالنسبة للبطاطا اللي شكلتها  ورود محشية باللحم المفروم  نرجعلها ان شاء الله ونحطها

وماننساوش نفرغو  sauce  فالأخير  طبعا بلا بيها ماتصلحش   أنا ماصورتش  ....رحت و رجعت باه نصور مالقيتش الجاجة لقيت غير البطاطا صاريلها كيما  كان هنا وراح

العفو نهااااادو ماتغلى عليكم حاجة

⁦⁩⁦⁩⁦⁩⁦⁩⁦⁩

يااام يااام يبان يشهي، كيما قالت رانيا فيه خدمة بصح باين بلى يستاهل راح نجربو ان شاء الله و نصورلك ههههه
يعطيك الصحة امونة على الوصفة و الشرح الدقيق و الاسرار ، الف شكر تسلم ايديكي