ما الدي تغير فيك طول مدة غيابك عن المنتدى؟؟؟

السلام عليكم أعضاء منتدانا الكرام

خطر في بالي هاد السؤال و انا اتصفح اقسام المنتدى و بعد ما شفت الأعضاء بداو يرجعو

قلت يا ترى واش تغير في كل واحد فينا منيش نقصد من ناحية العمل و الزواج و غيره...

نقصد من ناحية شخصية الواحد و طباعه و عاداته واش تغير فيك في هاد المدة اكيد مرت على كل واحد فينا ظروف غيراتو و اثرت في شخصيتو

سوف ابدا بنفسي اكيد تغيرت كثيييرا و ربما أصبحت اكثر نضجا فلم اعد تلك الفتاة اللي كانت قبل عشر سنوات اللي كان اكبر همومها النجاح

فالامتحان و الدراسة...

تغيرت شخصيتي قليلا بفعل الغربة و البعد عن الاهل و ربما أصبحت حساسة اكثر مما كنت عليه و حسيت بقيمة العاىلة .

و في نفس الوقت مرت عليا تجارب قاسية علمتني في الحياة كيفاش نوقف على رجلي و كيفاش نواجه الحياة و انو الحياة مستمرة في كل الأحوال..

تعلمت انو مكانش في العالم ناس تحبلك الخير و تدعمك كما الوالدين و خوتك و طبعا ادا رزقك ربي بزوج صالح يكون سندك فالحياة.

تعلمت نعتمد على نفسي و نخلق لنفسي السعادة من أشياء بسيطة .

و تعلمت ما نخلطش الناس السلبية و اللي معاشرتهم تجيب الاكتئاب و تعديك بعد مدة و نبعد عليهم قدر الإمكان و نخالط ناس إيجابية

هياااا اطلقوا العنان لاقلامكم ياك رانا وحدنا مكانش جواسيس ههههههههههههه

لا شئ ,,,,,,من بكري سامط و مكان حتى فايدة فيه ,,,,,,,متخلف ومعقد ومايصلح حتى ل شئ ,,,,,

وعليكم السلام ⁦⁩

رنوش الإنسانة الرائعة الطيوبة ان شاء ربي يبعد عليك الناس اللي في قلوبهم عكس اللي يبان في وجوههم ربي يسعدك ويعطيك حتى يرضيك.
.
.
بالنسبة ليا أنا هي أنا في أغلب الأمور نفس شخصيتي وعقليتي ومبادئي بصح كاين تغير في جوانب وهذا تقريبا بعد سن 23 . كنت شخص اجتماعي بدرجة كبيرة وماكانش عندي مشكل أني نكون اصدقاء جدد .. كنت نية بزاااف .. كيما نتمنى الخير للناس كان في بالي حتى هما يتمناولي نفس الشيء . حتى صراولي حوايج والله نشكر ربي اللي خلاني نشوف الأمور بصورتها الحقيقية .. فطنت على واقع مر .. الأشخاص و المواقف خلاوني نعاود حساباتي ونعرف بلاصتي .. تبدلو فيا بزاف حوايج أولهم النية راحت ثاني حاجة حكاية يتمناولي الخير كيما نتمنالهم مسحتها من راسي ... المعاملة بالمثل رجعت عندي مبدأ (المقصود كل شخص نحطو فالمكانة اللي حطني فيها هو) ... مؤخرا اعتزلت الكثير خاصة ناس كنت نحسبهم اصدقاء صح لكن ظهر العكس .. حاليا عندي شخصين 3 مفضلين عكس قبل .. بصراحة لقيت راحة كبيرة في عزلتي أصبحت صديقة الكتب كي نحب نحكي مع شخص نفتح كتاب ⁦.. استغنيت على الكثير كل شيء يعوض إلا العائلة خاصة خاصة الوالدين .

و عليكم السلام و رحمة الله وبركاته
موضوع جميل رنوشة ، صح فاتو علينا أشياء بزاف لدرجة لوكان تتفكر عقلك لا يستوعب كانت فترة قصيرة و لكن الأحداث اللي صراو فيها كتيرة و تعيسة... الحمد لله كل شيء فات و راح، انا كشخصية اظن أنني لم اتغير، لم أضع ثقتي في اي شخص من صغري لا أثق في أحد يعني لا اعتبر إنسانة وحيدة بالعكس اجتماعية و نهدر و نزعق بصح في حدود ، عندي صفة لا اظن انها اجابية، بلاك كاين أشخاص يضحكو معاك شوية يحسبو صاحبوك و راح تصارحهم بكل شيء انا عندي مشكل منحبش نهدر على حياتي او أشياء تخصني لغير عائلتي يعني انا منحب نسقسي منحب يسقسيوني و المشكلة هنا انو يا يقولو عليك معقدة يا متكبرة و لا يقولك هاديك متهدر والو كلشي تخبيه ، يعني هاد المشكلة لطالما عانيت منها .. يعني تقريبا لم اتغير كتيرا من ناحية الشخصية و انت اعلم يا رنوشة ههه
شكرا جزيلا على الموضوغ

تفكرت حاجة صادفتني في مجال العمل ههه كي وحدة تجي تهدرلك حاجة عليها و اخرى تعرف بلي عندك علم و تجي تنسنس اااااه يضربني الجن يعني من المستحيلات السبع اني نخبرها بالخبر اللي حابة تسمعو هههه بلاك فيا شوية زكارة منعرف خخخخ يبالي خرجت على الموضوع هههه سامحينا يا الزعيمة كيما يقول مختار هههه

يعطيك الصحة رانو على موضوع
بالنسبة لي تغيرو امور وامور اخرى لا لكن كنت اكتر حيوية ومرح كما يقولوها مهبولة ههه ونضحك مع الناس كامل ... درك اكتر رزانة وجدية مع بعض الناس لكن مزالني مهبولة مع الناس قريبة ليا
تغير فيا تمسكي المطلق بافكاري وتخمامي كما كان بقولها يوسف انت راسك خسين وتغاني ...
تغير فيا الحركة الزايدة ونشاطات المتعددة
لكن على عموم انا هيا انا وكما قالتها امينة مبادئ تبقى نفسها
شكرا

نهاد اسمحيلي ,,,,,,سميها صراحة ,,,,,سميها وقاحة ,,,سميها كما تبغي ,,,,,,,شكون لينجملك ,,,,,,صعيبة انت ياجدك ,,,مانجمتج ندسها

ههههههههههههه فرغ قلبك نورمالل ... علابالي بهادي يا مختار ههههه ، شوف مختار كي دخلت مجال العمل كتر خير واحد الإنسان نصحني قالي يلا حابة راحة البال و تقعد مليحة مع الكل اخدمي و روحي للدار ، انا هاداك مسمعت ههه طبقتها بالحرف الواحد و قعدت نميز للناس و عقلياتهم في نفس الوقت و الله ربحت راحة بال لا توصف، صراحة لا أندم أبدا لاني سمعت لداك الإنسان الحمد لله لحد الان علاقتي جيدة مع الكل و الكل يحترموني، يعني ما دخلت في القيل و القال مجيت مع طرف على حساب طرف آخر انا شغل عنصر حيادي و الحمدلله
صراحة يمكن انصاف جربت كدلك مجال صعب جدا و فيه القيل و القال بزاف تبعهم تمرض من مخك

نهاد ماعندك مادخلك في انصاف خليها بعيدة عليك ,,,,ماتوريها ماتنصحيها ,,,,,راها غاية ,,,,زعمة سقمتيها ,,,,,,شوف مختار واحد انصحني,,,بلا بلا بلا ,,, من الخدمة للدار ,,,,,ياصاي الكلمة خرجت ,,,,,راني غير نزعق ,,,,هذاك هو الصح علابالك وليت نكره الاسرار ,,كي ,,يجيني واحد يقولي نقولك سر نقوله ماتقولهليش ,,ولا يقولي نقولك وماتخبرش ,,,,نقوله انا نخبر وماندسش ,,,,بغيت تقوق قول مابغيتش الله يسهل ,,علا بالك ,,,جميع المشاكل تاتي من الاسرارااا,,,,,املا غير ماشقاش تقولوهملي ,,,,,,,,,,,نهاد,,,,مهما قلت فلا تغضبي مني ,,,شكراااا على تواصلك وصراحتك و واحتملي بلاهتي فانا احيانا اتكلم بدون ان افكر ,,,,,,,وهذا مايدخلني في مجال الوقاحة ,,,,,من دروك راني نخبر فيك ,,,,

mokhtar20 كتب:

لا شئ ,,,,,,من بكري  سامط  و مكان حتى فايدة فيه ,,,,,,,متخلف ومعقد ومايصلح حتى ل شئ ,,,,,

amina كتب:

وعليكم السلام ⁦⁩

رنوش الإنسانة الرائعة الطيوبة ان شاء ربي يبعد عليك الناس اللي في قلوبهم عكس اللي يبان في وجوههم  ربي يسعدك ويعطيك حتى يرضيك.
.
.
بالنسبة ليا أنا هي أنا في أغلب الأمور نفس شخصيتي وعقليتي ومبادئي  بصح كاين تغير في جوانب وهذا تقريبا بعد سن 23 . كنت شخص اجتماعي بدرجة كبيرة وماكانش عندي مشكل أني نكون اصدقاء جدد .. كنت نية بزاااف .. كيما نتمنى الخير للناس كان في بالي حتى هما يتمناولي نفس الشيء . حتى صراولي حوايج والله نشكر ربي اللي  خلاني نشوف الأمور بصورتها الحقيقية .. فطنت على واقع مر  .. الأشخاص و المواقف  خلاوني نعاود حساباتي ونعرف بلاصتي .. تبدلو فيا بزاف حوايج أولهم النية راحت ثاني حاجة حكاية يتمناولي الخير كيما نتمنالهم مسحتها من راسي ...  المعاملة بالمثل رجعت عندي مبدأ (المقصود   كل شخص نحطو فالمكانة اللي حطني فيها هو) ... مؤخرا اعتزلت الكثير  خاصة ناس كنت نحسبهم اصدقاء صح لكن ظهر العكس .. حاليا عندي شخصين 3 مفضلين عكس قبل ..  بصراحة لقيت راحة كبيرة في عزلتي أصبحت
صديقة الكتب  كي نحب نحكي مع شخص نفتح كتاب ⁦.. استغنيت على الكثير كل شيء يعوض إلا العائلة خاصة خاصة الوالدين
.

ربي يحفظك امونة الانسانة الطيبة و المتخلقة
ايه الظروف تغير الواحد هدا اللي حبيت نقولو المهم ربي يبعد عليك الناس المنافقة و يلقيك بالناس الطيبة كما انت يا رب

Nihad كتب:

و عليكم السلام و رحمة الله وبركاته
موضوع جميل رنوشة ، صح فاتو علينا أشياء بزاف لدرجة لوكان تتفكر عقلك لا يستوعب كانت فترة قصيرة و لكن الأحداث اللي صراو فيها كتيرة و تعيسة... الحمد لله كل شيء فات و راح،  انا كشخصية اظن أنني لم اتغير،  لم أضع ثقتي في اي شخص من صغري لا أثق في أحد يعني لا اعتبر إنسانة وحيدة بالعكس اجتماعية و نهدر و نزعق بصح في حدود ، عندي صفة لا اظن انها اجابية،  بلاك كاين أشخاص يضحكو معاك شوية يحسبو صاحبوك و راح تصارحهم بكل شيء انا عندي مشكل منحبش نهدر على حياتي او أشياء تخصني لغير عائلتي يعني انا منحب نسقسي منحب يسقسيوني و المشكلة هنا انو يا يقولو عليك معقدة يا متكبرة و لا يقولك هاديك متهدر والو كلشي تخبيه ، يعني هاد المشكلة لطالما عانيت منها ..  يعني تقريبا لم اتغير كتيرا من ناحية الشخصية و انت اعلم يا رنوشة ههه
شكرا جزيلا على الموضوغ

نيناتي العسولى الغموضة اللي ما يعرف سرها كائن فوق الأرض خخخخخخخ
هدي ميزة فيك يا اختاه اوعي تغيريها الناس تهدر حتى تشبع و تزعف و لكن لا احد له الحق في التدخل في خصوصياتك انت حرة مدام ما تادي حتى واحد كل واحد يلتهى في روحو احسن

didi كتب:

يعطيك الصحة رانو على  موضوع
بالنسبة لي تغيرو امور وامور اخرى لا لكن كنت اكتر حيوية ومرح كما يقولوها مهبولة  ههه ونضحك مع الناس كامل ... درك اكتر رزانة وجدية مع بعض الناس لكن مزالني مهبولة مع الناس قريبة ليا
تغير فيا تمسكي المطلق بافكاري وتخمامي كما كان بقولها يوسف انت راسك خسين وتغاني ...
تغير فيا الحركة الزايدة ونشاطات المتعددة
لكن على عموم انا هيا انا وكما قالتها امينة مبادئ تبقى نفسها
شكرا

هلااا بالغوالي هلاااا ايه صح الواحد في كل مرحلة من عمرو يحس في اشياء تنقص و تتغير سبحااان الله نفس شعوري

توحشت نقول كلمة شكرا لمرورك هههههه
مرورك و مرور الاحباب اسعدني

الزعيمة الله يدوم فرحتك وضحكتك ويمتعك بحياتك ويخليك دايماااا سعيدة ومهنية ,,,,,وادام عليك نعمه ,,,,,ولجميع الاعضاء,,مرة على مرة ندعوا لبعضنا ,,,بصح تكون من القلب وصادقة مشي مجاملة ,,,,,,,

mokhtar20 كتب:

الزعيمة الله يدوم فرحتك وضحكتك ويمتعك بحياتك ويخليك دايماااا سعيدة ومهنية ,,,,,وادام عليك نعمه ,,,,,ولجميع الاعضاء,,مرة على مرة ندعوا لبعضنا ,,,بصح تكون من القلب وصادقة مشي مجاملة ,,,,,,,

امين يا رب ربي يخليك و يحفظك انت تاني و يجعل كل ايامك سعادة