| كيف يكون المنتدى بعد10سنين الكل يشارك. | |
|
+6mokhtar20 ®~¤¤الزعيمة¤¤~® salima الاء BiBa L'algerie mokhtar200 10 مشترك |
|
كاتب الموضوع | رسالة |
---|
mokhtar200 عضو فعال
عدد المساهمات : 310 نقاط : 575 العمر : 104 تاريخ التسجيل : 31/08/2011
| موضوع: كيف يكون المنتدى بعد10سنين الكل يشارك. 13/9/2011, 13:01 | |
| ما أجمل الذكرى الجميله
تخيل إنك دخلت المنتدى بعد 10 سنوات [إنقطاع]....؟؟
إنك تدخل المنتدى بعد عشر سنوات ماهوشعورك...؟؟؟؟؟
تخيل أنك تزوجت وألهتك الحياة الزوجية و الأولاد و لم تستطيع أن تدخل المنتدى
تخيل أنك سافرت الى مكان بعيد حيث إنك لم تستطيع التواصل مع المنتدى...!!
تخيل...
وبعد عشر سنوات تذكرت هذا المنتدى الذي كنت فيه عضو متميز كتبت مواضيع ورديت
على المواضيع و الكل يعرفك وتسلم على هذا و تشكر هذا وتفقد هـــذا و تضحك مع
هذا وتسال عن أخبار هذا وتتذكر كل الأيام التي مرة عليك و فجأة فارقت المنتدى..؟؟
والآن فكرت أنك تشغل الكمبيوتر و تفتح هذا المنتدى و فتحت المنتدي ولكن للأسف
الشديد نسيت كلمة المرور ثم حــــــــاولت و حـــــــــــاولت مرارا و تكرارا....
حتى تذكرت كلمة المرور وفتح المنتدى و كل شيء فيه تغير.......
لــــــــون الصفحة..
وطــــــــــريقةالكتـــــابة..
وأسم الاعضـــــــــــــــــــــــاء..
تتذكر كل الأيـــــــــــــــام التي مرت عليك..!!
وتتذكر من أول ما تدخل يسلم عليك وبيرحب فيك..!!
تتذكر يوم كنت تروح و تشوف المتواجدين حاليا..!!
وتشوف أصدقاءك موجودين ولا مايدخلون الحين..!!
تتذكر كل موضوع كتبته و كل موضوع رديت عليه..!!
تنظر في أسفل الصفحة ترىأســـــــــــامي "غير معروفه" لديك
حينها تذرف الدمــــــــوووع من عينيك و تقول أين الأصدقاء..؟؟
أين الأعضاء الذين كنت أرد على مواضيعهم..؟؟
أين الأعضاء الذين كنت أضحك معاهم..؟؟
أين الاصدقاءالذين كانوا يساعدوني في ترتيب المواضيع...؟؟
حينها تحس و تعلم معنى الصـــــــــداقة وأجمل الحظات التي عشتها معهم تذهب الى
ملفك الشخصي تبحث عنه حتى تجده ترى فيه آخر موضوع كتبته و تقرأ ما كتبته..
و تقرأ الردود من الأعضاء حتى يقع نظرك على الأعضاء الذين كنت معهم و تضحك
معاهم..
وتبحث عنهم في المنتدي ولكن للأســــــــف لن تجدهم كلا" راح و ترك هذا المنتدي
وترك بصمة بيضاءله...
حينها تتذكر كل شيء و تبدأ بالشهيق و ستذرف الدمـــــــــووووع..
بعدها ستفرح إذا كان عندك موضوع أفاد الجميع و ستندم إذا زعلت أحد في الردود والمعاملة
ستخرج من المنتدى و تقول أين الاصدقاءليتني اتواصل معهم....
وأكلمهم مثل الأيام التي مضت ستضع يديك على وجهك ودموووعك تذرف..
تخيل...
نعم إنها تلك الأيـــــــــــــــــام..
أجعل الكل يتكلم عنك بسيرة طيبة حتى بعد عشرسنوات..
لأنك لاتعلم من بقـــــــــي ومن مــــــــــــــات ومن سيبقى ومن سيمــــــــووووت..؟؟
فالذكــــــــــــرى أجمل شئ في هذه الحيــــــــــاه
فتذكروني تكفــــوون ماحييتم..
إن طالت الأيـــــــام أوقصــــــــــرت....!! اوصف شعورك في هذا الوقت
اتمنى الكل يوصف..
| |
|
| |
الاء عضو فعال
عدد المساهمات : 1110 نقاط : 1687 العمر : 33 تاريخ التسجيل : 03/09/2010
| موضوع: رد: كيف يكون المنتدى بعد10سنين الكل يشارك. 24/9/2011, 20:24 | |
| أين الأعضاء الذين كنت أضحك معاهم..؟؟
أين الاصدقاءالذين كانوا يساعدوني في ترتيب المواضيع...؟؟
حينها تحس و تعلم معنى الصـــــــــداقة وأجمل الحظات التي عشتها معهم تذهب الى
ملفك الشخصي تبحث عنه حتى تجده ترى فيه آخر موضوع كتبته و تقرأ ما كتبته..
و تقرأ الردود من الأعضاء حتى يقع نظرك على الأعضاء الذين كنت معهم و تضحك
معاهم..
وتبحث عنهم في المنتدي ولكن للأســــــــف لن تجدهم كلا" راح و ترك هذا المنتدي
وترك بصمة بيضاءله...
كلمات مؤثرة فعلا...اندمجت مع الموضوع وتخيلت....ولكن كان الوضع رهيب...يا الهي كل منا سياخد طريقه
وكيما يقولو مايدوم في الواد غير حجارو ...هادي سنة الحياة ..وحدين يجو وحدين يمشوو
وحدين يزيدو وحدين يموتو....وسيسا لافي
لواحد غير يقول كلمة حق وكلمة خير...ويخلي بلاصتو زينة حتى كي تجي تتفكر يتفكروك بحاجة مليحة....قال فلان الله كان ناس ملاح...وطيب...
الكلمة الطيبة والاخلاق الحسنة هما اللي يبقاو...مايدوم غير الصح
والله يخلينا لبعضانا....على خاطر الوقت راه يفوت مايستناناش ...نغتنمو للفرصة وننصحو بعضنا ونتعلمو من بعضانا...ونستفدوو...ونفيدو ونديرو الخير ...وهادي هي الدنيا...الله يلاقينا في الجنة ان شاء الله خوت ومتحابين | |
|
| |
BiBa L'algerie مشرفة
عدد المساهمات : 711 نقاط : 871 العمر : 33 تاريخ التسجيل : 05/12/2009
| موضوع: رد: كيف يكون المنتدى بعد10سنين الكل يشارك. 24/9/2011, 20:48 | |
| آآآخ يا مختار والله صح ولكن خليونا نعيشو اللحظة بلحظتها وخليونا نستغلو هاد الفرصة ونبنيو علاقات طيبة وكيما قلت كل واحد يخلي بصمات مفيدة وسيرة طيبة حتى يترسخ في اذهاننا أشخاص ضحكنا معهم تذكرونا .....واهتمو لأأمرنا .... أدخلو الفرحة لقلوبنا يوماا ما الآن آنا بدوري أسأل أين أنت يا مختاااااااااااااااااااااااااااااااااااااااااااااااااااااااار وين هاد الغيبة
| |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 15/5/2013, 18:04 | |
| مرت سنتين على كتابة هدا الموضوع فقط .......................فما بالك ب 10 سنين ...... | |
|
| |
الاء عضو فعال
عدد المساهمات : 1110 نقاط : 1687 العمر : 33 تاريخ التسجيل : 03/09/2010
| موضوع: رد: كيف يكون المنتدى بعد10سنين الكل يشارك. 16/5/2013, 17:43 | |
| السلام عليكم واش راكم والله مافهمت ليكم نتوما يدخل واحد يخرج لاخر مالكم غير الخير مهم الى فهمتو شي حاجة فهموني على خاطر مراني فاهمة والو قاع راكم تقراو القراية قاع متكملش قاع ما وليتوش كيما كنتم حتى الزمان تبدل......اي وي هده الدنيا حتى رانيا اللي هي مديرة المنتدى ونسات منتداها مايدوم حال
. .
. .الله يوفق الجميع في حياته. | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 17/5/2013, 12:44 | |
| شوفى الاء رانا مدابزين قاع ورانا دايرين كونترى يليق كل الواحد ما يتلاقا مع لا خر ,,,,, كيدخل واحد يخرج لا خر والزعيمة معلا بالكش وقيلة واش بيهااااااا ,,,, نخبرك ولا لالالالا عندى واحد الخبر تخلصينى عليه | |
|
| |
الاء عضو فعال
عدد المساهمات : 1110 نقاط : 1687 العمر : 33 تاريخ التسجيل : 03/09/2010
| موضوع: رد: كيف يكون المنتدى بعد10سنين الكل يشارك. 17/5/2013, 17:13 | |
| مختاااااااااااااار قولي بصح بلا تمنشيييييييييييييييير هههههه ولوكان تسمعك رانياااااااااااا وعلى قضية الخلاااااااااااااااااااااص حتى نشوف الخبر واش يستاهل على قولت ياخبر اليوم بقلوس بكره يبقى ببلاش . | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 18/5/2013, 13:04 | |
| شكون هدى رانيااااااااااااا ...انا قاع منعرفهاش .....وين تسكن و شاتكون .......وشا دخلها فى الموضوع ...زعيمة هدى مسكينة راحت عليهاااااا .....وراهى كل اليوم يدوها لواحد الطبيب وقيلة سموه سموه ...على ..........نسيته كنت نداوى عنده بصح انا ريحت ......................سبيسيالتى نتاع العقل ....ندير رايي مدامها مراهيش هنا ............وخلا تلى وصاية وقالت لى راك فى بلاصتى حتى نولى ......املا ... كونى عاقلة ................تزيدى تغيبى ......بلاصتك تروح .......صايي | |
|
| |
الاء عضو فعال
عدد المساهمات : 1110 نقاط : 1687 العمر : 33 تاريخ التسجيل : 03/09/2010
| موضوع: رد: كيف يكون المنتدى بعد10سنين الكل يشارك. 18/5/2013, 13:20 | |
| اااااااوي معلاباليش بللي خلاتك في بلاصتها لكان كيما هكا غادي نتمنكر فيك ونغيب....وشوف واش دير محوني من لاليست بصح علابالي كاين اللي يديفوندي عليا ومايخلينيش نتحقر...الحقار ...يالمهبوووووول.... | |
|
| |
®~¤¤الزعيمة¤¤~® Admin
عدد المساهمات : 3227 نقاط : 4132 العمر : 33 تاريخ التسجيل : 19/07/2009
| موضوع: رد: كيف يكون المنتدى بعد10سنين الكل يشارك. 18/5/2013, 19:44 | |
| مساء الخير عليكم آلاء و مختار و كل الأعضاء و الله شعور غريب و انا نشوف الموضوع و الله دمعو عيوني و حنيت بزااااف لدوك ليامات... انا و الله معرفتش واش سبب الغياب انا دايما ندخل نطل على المنتدى و جامي نسيتو و لا نسيتكم مي منتلاقى حتى مع واحد نرجع نكره و نروح .. الشخص الوحيد لي مزالني على تواصل معاه أمونة دايما نحكيو طبعا و بيبا صديقتي و نهاد.. توحشتكم بزااااف و حسيت اكثر مين دخلت و شفت بلي مزالكم متفكرينا... المهم انا و امينة عندنا mémoire السنة ادعونا معاكم ,, و ان شاء الله غير يفوت جوان و نكمل ران نرجع نهتم بالمنتدى كما قبل تحياااااتي ليكم كامل و نحبكم كامل | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 19/5/2013, 13:59 | |
| هدى هي الزعيمة لكنتى تهدرى عليهااااااا .........وشككون هدوااااا امينة وبيبااااا .....وهدى الحية لسموهاااااااا memoir .......واش يديرو بيهاااا ......هدا مرض ولا واش .....الله يشقيهم مساكين ...شتى الزعيمة هدى راهى عدات امينة مسكينة غير بالتليقون ورجعتهااااا مريضة كما كيقهااااا ......ا حضى روحك لتعديك .........انشاء الله تانى انت تجيك memoir .......... قولى امين .....حمبوك يا زعيمة اعديهاااااااااااااااااااااااااااااااااااااا .......حمبوك | |
|
| |
salima عضو v.i.p
عدد المساهمات : 1107 نقاط : 1246 العمر : 31 تاريخ التسجيل : 24/07/2009
| موضوع: رد: كيف يكون المنتدى بعد10سنين الكل يشارك. 19/5/2013, 15:34 | |
| حينها تذرف الدمــــــــوووع من عينيك و تقول أين الأصدقاء..؟؟ موضوع في القمة اجمل الموضوع عمري ولا ننسى المنتدى ونساه و الالحباب وكلمة المرور شكرااااااااااااااااااااااااااااااااااا لن ىانساكم ابدا ااااااااااااااااا ابدااااااااااااااااااااا | |
|
| |
®~¤¤الزعيمة¤¤~® Admin
عدد المساهمات : 3227 نقاط : 4132 العمر : 33 تاريخ التسجيل : 19/07/2009
| موضوع: رد: كيف يكون المنتدى بعد10سنين الكل يشارك. 21/5/2013, 22:21 | |
| هههههههههههههههه اوا معليش ان شاء الله تبرا تبرا,,,,ابصح طولت مزال مبريت و سليمة حبيبتي احنا تاني نحبوك بزاااف و توحشناك بزاااف | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 22/5/2013, 17:34 | |
| رانياااااا ....عندى ليك وحد الطلب ..كاين واحدة سموهااااا بيبااااااا ....راهى عاد حية ...قوليلهاااااا .....قالك مختار .........راه فى خاطرى نشوف سماك فى المنتدى .....طبعااااا إدا كانت حية ....
| |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 21/8/2016, 11:16 | |
| مرت خمس السنوات ......................وحصل ماكنا..........نخشاه | |
|
| |
Nihad Admin
عدد المساهمات : 1998 نقاط : 2250 العمر : 30 تاريخ التسجيل : 20/07/2009
| موضوع: رد: كيف يكون المنتدى بعد10سنين الكل يشارك. 18/3/2017, 14:02 | |
| 9 سنوااات يا حصرااااااااااااااه مختار رانا درنا قروب في الفايس بحكم معظم الاعضاء يتواجدو بزاااف لتم نتمنى تنضم لينا تانى
| |
|
| |
®~¤¤الزعيمة¤¤~® Admin
عدد المساهمات : 3227 نقاط : 4132 العمر : 33 تاريخ التسجيل : 19/07/2009
| موضوع: رد: كيف يكون المنتدى بعد10سنين الكل يشارك. 18/3/2017, 14:38 | |
| نهاد لرمضان مزال اختي نحي هاديك التصويرة ههههه | |
|
| |
Nihad Admin
عدد المساهمات : 1998 نقاط : 2250 العمر : 30 تاريخ التسجيل : 20/07/2009
| موضوع: رد: كيف يكون المنتدى بعد10سنين الكل يشارك. 18/3/2017, 14:44 | |
| hhhhhhhhhhh nsit koleeech | |
|
| |
ألاء عضو نشيط
عدد المساهمات : 83 نقاط : 91 العمر : 33 تاريخ التسجيل : 24/03/2017
| موضوع: رد: كيف يكون المنتدى بعد10سنين الكل يشارك. 24/3/2017, 23:26 | |
| سلام ...بعد مرور 6 سسنوات على الموضوع فعلا مؤؤلمة جدااااا ......توحشتكوم الكل ...وتقريب كل ماقيل في الموضوع حدث بالفعل اشتقنا لايام لمتنا ايام حديثنا خصصامنا زعاقتنا ثرثراتنا التي كانت تملا المنتدى الخاوة الصداقة الرابطة القوية اللي كانت تجمعنا .....بعد 6 سنوات اكتب ودموع اشتياقي وحنيني لتلك الايام تذرفف على خدي ....والله توحشتكم بزاااف وماعرفتش واشش نتوما تاني توحشتوني اولا ولكن مااعرفه اني اشتقت لكل شيء في المنتدى كل شيء ادري كل منا اخذته الحياة في دربه الخاص ....ولكن مهما تعددت مشاغلنا وفرقتنا الحياة يبقا للمنتدى مكنا خاصا في قلبي وتلك ايام الخوالي ....شكون حنا حنا اصحاب الزمن الجمبل حنا اللي راهم يسموا دروك الجيل الذهبي ههههههه ب...أين الأعضاء الذين كنت أضحك معاهم..؟؟توحشت رانيا .نهاد .امينة.مختار.انصاف.بيباااااا.يوسف.مهدي .سليمة....والكل الكل بدون استثناء......اكثر حاجة ذكرت فلموضوووع وصراتلي وجننتني هههههههه هي
والآن فكرت أنك تشغل الكمبيوتر و تفتح هذا المنتدى و فتحت المنتدي ولكن للأسف
الشديد نسيت كلمة المرور ثم حــــــــاولت و حـــــــــــاولت مرارا و تكرارا....
حتى تذكرت كلمة المرور وفتح المنتدى و كل شيء فيه تغير.......(بصح انا ماتفكرتهاااش للاسف جربت وجربت وجربت ...حتا فقدت الامل وعاودت سجلت من جديد ...تمارة وخلاص خخخ ) في الاخير نقولكم نحبكم وجامي ننسا واش فوتنا مع بعضانا ونتمنا تكونو قاع بخير وحيين نتمنا تكونو مامتوووش ...وياريت للي غلطت في حقو يوما من الايام او جرحتو منكم الكل بقصد او بدون قصد التمس عفوكم نتمنا تسامحوني لانو ماعرفنا ادا نزيدو نتلاقو او لا لانو الظاهر انا الوحيدة للي رجعت الكل نسيتو المنتدى ...ربي يجيب الخير ان شاء الله | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 9/5/2017, 21:43 | |
| تقول راكى باغية تموتى وراكى تودعى فينااا ,,,,,,,تطلبى فى السماح ,,, نتلاقو ولا لا ,,,, يالمصفارة هديك تصوير لراكى حاطيهااااا فى البروفيل نتاعك ,,,, هدى مشى طبايعك ,,,,ووو واش تبدل فيك ,,,,,زعمة راكى باغي تموتى ولالالا,,,,,وعرفتك حايسة ومازلت حابسة وغادية تموتى حابسة ,,,,,,,, ملا حضة ,,,,,,,,,, متوحشتكش,,,,,, | |
|
| |
ألاء عضو نشيط
عدد المساهمات : 83 نقاط : 91 العمر : 33 تاريخ التسجيل : 24/03/2017
| موضوع: رد: كيف يكون المنتدى بعد10سنين الكل يشارك. 19/5/2017, 23:23 | |
| اووه مختار راك حي عند بالي مت نتا وقاع اعضاء حسكم انقطع مرة وحدة ....ههههههه شوف اسيدي من بعد 6 سنين وعاد راك كما كنت مازال ماتبدل فيك والو نفس اسلوب كلامك نفس مزحك .....والله توحشنا لمتنا وللا واش قلت مختاار وديجا ماشي عيب عليك 6 سنين ماتلاقيناش ك نتلاقو تقولو حابسة ايوا هاترحيب ك داير وللا بلاش وتاني اكيد نطلب سماح هادي دنيا قع نموتو بصح لازم تسمحولي قبل مانموووت ....اخاه علابالي متوحشتنيش باينة هادي ديجا كنت تكرهني كفاه تتوحشني مهم علا سلامتك مختارووو ان شاء الله تكون لاباس وان شاء الله يررجعو باقي الاعضاء ونولو كما كنا مع انو صعب وولكن نتمناو ..ديجا راحلي كونتي لول صماطتلي بففف ...واصلا واش ندير بيه مدامكم ماوليتوش نقعد نقز وحدي هنا ...ايا تبقاو علا خير ك تولو للمنتدى bipoli نولي معاكم هههههه | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 21/5/2017, 00:25 | |
| المهم لرجعتى انت وااخطينا من الحابسين لخرين شتانديرو بيهم راكى عرفتهم كدايرين ’’’’’غير واحدة حاسبة روحها زعيمة بصح وولت تتكبر غير كلى راهااااا حاكمة الجزائر ,,,,واحدة حاسبة روحهااااا سندريلااااا ,واحدة دات لا ليسانس ولت اينشتاين ,,,,,طحنا غير مع المصفرات ,,,,وولو زرقوات ....يعرفو غير الفيس ومايحشموش ويهدرو بيه .... ياك المنتدى نتاعنا قديم عليه ولا راهم غالطين ,,,,و المهم حنا مانبدلوش القديم بالجديد ,,,,ولجا مرحبا بيه ولما رجعش باي باي ,,و تحيا الاء ماشا الحابسة وهدى تزغريدة فى خا طرهااااا مرحبا بيك ومرحبا حتى بالأرض لتتمشى عليهاااااااااااااا نفرشهالك ورد ونرشهالك بالمسك ,,,, مرحبا بيك مرحبا مرحبااااااااااااا | |
|
| |
ألاء عضو نشيط
عدد المساهمات : 83 نقاط : 91 العمر : 33 تاريخ التسجيل : 24/03/2017
| موضوع: رد: كيف يكون المنتدى بعد10سنين الكل يشارك. 30/5/2017, 06:42 | |
| الله الله مختار راك دير الشعر... ماعرفتك هههه ترحب بيك الجنة... ان شاء الله... اه لوكان تسمعك رانيا تقول عليها حاسبة راسها شكووون حاكمة دزاير ههههه ياو تخنقك رانيا واجرك على الله بصح والله غير لبنات حبوبات وزوينات وظريفات ماشي قاغ كما وصفتهم.. ههه خل عليك صحاباتي مختااار وللا نجيك انا نجيفك خخخخ خل على ربي يحسو بيك تعايرهم باش يجو يتحماو فيك ونولو ك كنا بكري جيسباار ان شاء الله | |
|
| |
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
| موضوع: رد: كيف يكون المنتدى بعد10سنين الكل يشارك. 30/5/2017, 15:07 | |
| ياك كنت تدو غير الصفعة ولا نسيتوا .....ولا دروك كبرتو .........مالكم نسيتوا ...نهار لعرفتكم كنت غير صغار ..واحدة دايرة بيبرون ..واحدة واحدة بنونوس انتاعهاااا ....واحدة مازلها تغلط فى الكتبة ....ياو انا لى علمتكم الكتبة والهدرة ....مالك ....انت بروحك تحصى داك النهار لقلتى الجزائر جاية فى ماليكان ولا فى فرنسا ......نسيتى صاي ..... | |
|
| |
ألاء عضو نشيط
عدد المساهمات : 83 نقاط : 91 العمر : 33 تاريخ التسجيل : 24/03/2017
| |
| |
| كيف يكون المنتدى بعد10سنين الكل يشارك. | |
|