قالك مرة وحدة ودرت راجلها وراحت تبلغ الشرطة وادات وليدها
معاها قالها الشرطي :كيفاش داير راجلك؟ قاتلو: طويل وأشقر
وشعرو روجي أيا قالها وليدها :ماما هذي مشي مواصفات بابا ،قالتلو
أسكت يا وليدي بالاك راح يجيبولنا واحد خير منو
-وحدة حبت تفرح زوجها ليلت عرسها مالقاتش كيفاه
أيا قالتلو :... أنا حامل!!!
-اثنان يحبون الهدوء الأول استمع إلى شريط كاسيت فارغ ،والثاني يحب الهدوء
أكثر من الاول فطلب منه أن يخفض الصوت قليلا!!!!
-واحد كان يشاتي
فالانترنت مع واحد البنت..قالها: واش يسموك؟قالتلو
fleur-fati(زعمة فاطمة الزهراء) ..ومنبعدة قالتلو هي
وأنت واش يسموك؟ قالها:le pere de vendredi
(زعمة بو جمعة)
-واحد المعلم سأل التلاميد: ما هي أصغر حشرة في العالم؟ حتى واحد ما اعرف. أيا لقى
واحد زوج كسالى اللور يلعبو في الكارطا. أمشى ليهم و قالهم: أنتوما . ما هي أصغر
حشرة في العالم؟ جاوبو التلميد الأول وقالو: قرموشة. قالو المعلم: واشن هي هذي
قرموشة؟ التلميد:هاذي واحد الحشرة تعيش فالنيف نتاع الذبابة. قالو المعلم: عمري ما
اسمعت بها. ثم سأل التلميد الثاني: ما هي أصغر حشرة في العالم. قالو التلميد الثاني:
خرموشة! قالو المعلم: واشن هي هاذي الخرموشة؟ جاوبو التلميذ: الخرموشة هي
حشرة تعيش في النيف نتاع قرموشة.
-قالك واحد زاطل كان قاعد في البالكون نتاعهم في ايتاج 10
سمع واحد لتحت في الشارع يقول ناصر باباك ويماك وخاوتك ماتو في اكسيدون (حادث)
هذاك الزاطل ما حملش كي سمع الخبر و ارمى روحو
مالا في ايتاج 7 تفكر بلي هو يتيم
وفي ايتاج 4 تفكر بلي ما عندوش خاوتوا
في ايتاج 2 تفكر بلي اسمو طارق ماشي ناصر
-القاضي واش تخدم
المتهم : الصباح قاعد ولعشية نخدم أمعا خويا
القاضي أو خوك واش ايدير
المتهم الصباح خدام معايا أو لعشية قاعد
-خطرة واح المشحاح اي بخيل يسكن في الطابق السادس من العمارة طاحتلوا 10 دج هبط يجري باش يلحق بها مالقاهاش...علاش ...خطرمكش وصل قبلها
-قلك وحد العجوز مسكينة راحت تفليكسي كي راحت للتاكسيفون قلها مول التاكسيفون وش من بيس عندك قالتلوا نوكيا
-مزطول سايق تاكسي
ركب معاه شيخ متشدد(سلفي)
فالطريق قال الشيخ: بعهد الرسول (صلى الله عليه وسلم ) كان كاين راديو؟ قال المزطول : لا
قال الشيخ: إذن طفيه
...بعد شوية قال: في عهد الرسول (صلى الله عليه وسلم )كان كاين مكيف؟ قال المزطول: لا
......قال الشيخ: إذن طفيه
أيا المزطول كره وسأل الشيخ: بعهد الرسول (صلى الله عليه وسلم ) كان في شي اسمه سيارة؟ قال الشيخ: لا
قال المزطول: إذن إنزل وشوف كاش قافله من قوافل قريش توصلّك
-مزطول رافد علبة نتاع مسامير و طاح منهم مسمار قالو يا ولدي أرجع يرحم بوك
ارجع.... المسمارمحبش يرجع.... فرّغ علبة المسامير كلها و قالهم :
جيبوووووووووووووه
-زوج مسيحيين واحد اسمه جورج و الثاني اسمه ميشيل تاهوا فى الصحراء وقتلهم الجوع والعطش فجأه لقوا جامع قال ميشيل لجورج: انا نقوللهم ان اسمي محمد باش يعطوني أكل وماء و يكرموني... جورج قال: لا انا نقول اسمي جورج و لي صار يصير شافهم شيخ المسجد وسألهم عن اساميهم قال ميشيل انا اسمي محمد وسأل جورج : قال اسمي جورج ...فقال الشيخ احضروا الطعام لجورج وانت يا محمد علابالك بلي رانا في شهر رمضان
-
قالك مرة واحد حلم فالمنام الحمار نتاعوا يهدر معاه قالوا روح تحت الشجرة تلقلى 20 مليون
اديهم و اعطي للقاضي 5 ملايين بشرط كي تلقاني ميت ادفني فالمقبرة نتاع العباد
فاق السيد من الحلم و ما صدقش راح تحت الشجرة لقى 20 مليون دينار زاد رجع للدار لقى الحمار ميت
ايا بدا ينفذ وصية الحمار و دفنوا فالمقبرة نتاع العباد سكان المدينة رفضوا هاذ الشىء و شكاو بيه للقاضي ناداه القاضي و قالوا واش بيك تدفن الحمار نتاعك مع الموتى نتاعنا حكالوا السيد الحلم وقالوا راني لقيت 20 مليون والحمار راه وصاني وقالي مد 5 ملاين للقاضي
القاضي ما صدقش و قالوا واش قال المرحوم؟