تفضلي عزيزتي العضوة معنا لنتعرف على أناقتك

واش راكم يا بنوتات ، توحشتكم كااامل وان شاء الله نلقى منكم تفاعل في موضوعي هذا


حبيت نطرح عليكم الفكرةهذي

وهي عبارة عن أسئلة في مجال الأناقة والموضة نطرحها على عضوة نخيروها حنا طبعا بالتصويت عليها ، وهي بدورها تجاوبنا...


وبهذا نكونو اختبرنا أناقة عضوة من عضواتنا الرائعات

و بعد ما ترد على الأسئلة ، عندها الحق في اختيار عضوة أخرى تجلس مكانها







قبل ما نطرح الموضوع بشكل رسمي ، حبيت نشوف رأي البنات واللي تدخل تترك رد (رأيهااا طبعا)

وتخير عضوة من العضوات

فكرة مليحة مع اني لا علاقة شوي في هدا المجال بلاك هههه انا اني معاك امونة عجبتني

فكرة شابة أمونة وجديدة ننتظر باقي الفتياة لابداء آرائعنّ

اوكي شكرا ديدي وبيبا

فكرة جيديدة و مميزة و تكسر روتين الفاكونس شوية يعطيك الصحة امونة..عجبتني الفكرة بزاااف..بالنسبة ليا اختاااار **بيبا**..و ان شاء الله نشوفو اراء و اختيارات باقي العضوات.

hhhh yaaaaaaaaaaaaa habiiiiiiiiiiiibi w 3lach ana ranoch ? khalini déja rani 3ad mchokya m les questions d les compos tzidoli hado ana nkhtar rania
bach ma ntawloch ngol l amina tkhtar 3 wela 4 dlbnat w ysawto 3liham

هههههههههه يا بيبا

معليش نعطيكم 4 بنات وانتوما خيروا بيناتهم


1/رانيا ***** 2/بيبا ****** 3/نهاد******* معليش نحط اسمي 4/أمينة


هكذا ان شاء الله تكون اسهل

والله فكرة شابة شـــــــكرا أمينة انا نختار لي تبدي في الجواب هي صاحبة الموضوع يعني امينة ههه

اوكي انا نخير نهاد

شكرا sarah ومرورك اروع

هيا لبنات زيدو

اني نشوف فالنشاط ماكانش خلاص و علاه؟

مكانش نشاط

رانيا راني غلقت الموضوع إلى أجل مسمى

بونسوار عليكم لبنات و الله الموضوع بقا في خاطري يا ريت ترجعي تفتحيه امينة...و خيرو بننت و خلاااص مشي 10 تقولي امتحان نتاع الصح مواااش خايفين..و لا مكانش اللي يجي انا نبدي اوك

مسااااااااء النور رنوش

ماذا بيا نبداو بيك وإذا راكي قابلة نبدأ اللعبة

وشكرااا

اكيد قابلة مية بالمية امونة و خلينا نبداو على بركة الله

اوكي رنوش


1/في البداية حديثينا عن نفسك "واش راكي" ؟

2/هل تتبعين الموضه أثناء تبضعكِ حتى و أن لم يناسب ذوقكِ العام ؟

3/هل تحبين الألوان الصارخه أم الهادئه في الميك أب للمناسبــــات ؟

4/ماهي الألوان المفضله لديكِ أثناء أنتقاء الملابس ؟



5/هل مسألة تنسيق " الملابس .. والحذاء .. والحقيبه .. والأكسسورات " من حيث اللون والطراز

مهم لديكـ ( بشكل كبير 00 ليس دائماً 00 لا تهتمي بذلكـ )؟

6/مالذي يجذبكِ أكثر للقطعه المُلبسهـ أو الحقائب أو الحذاء هل الشكل (( الديزاين )) أم السعر ؟

7/مانوع الكريم الذي تستخدميه لبشرتك ؟

8/أثناء خياطة ثوب لمناسبهـ .. تتركِين الأمر للمصمم أو المصممه بحيث يختار الموديل المناسب

للقماش ؟


هذي طبيعة الأسئلة باه تكون واضحة للأعضاء اللي يحبو يشاركو

اوووك امون تبان الاسئلة ممتعة و حلوة...

/في البداية حديثينا عن نفسك "واش راكي" ؟

انا لاباس و الحمد لله بصح راني gripé على هاد التقلبات الجوية اللي راها..ان شاء الله نتوما تكونوا بخير؟؟

2/هل تتبعين الموضه أثناء تبضعكِ حتى و أن لم يناسب ذوقكِ العام ؟
لاااا اكيد متابعة الموضة لكن طبعااا مع الحاجة اللي تناسبني و تناسب دوقي مرايحاش نشري حاجة لمجرد انها دارجة على الموضة و هي اصلا متجيش عليا..

3/هل تحبين الألوان الصارخه أم الهادئه في الميك أب للمناسبــــات ؟

لا اكيد الهادئة و الخفيفة..مكانش احلى من السامبل.
4/ماهي الألوان المفضله لديكِ أثناء أنتقاء الملابس ؟

و الله على حساب انا معنديش مشكلة مع الالوان نلبس كل الالوان..لكن مرات نفضل او كي نروح نشي حاجة عيني تروح للالون الربيعية و من الالوان المفضلة عندي..الوردي الاحمر المووووف و طبعا الابيض و الاسود..يعني تقريبا كل الالوان ههه



5/هل مسألة تنسيق " الملابس .. والحذاء .. والحقيبه .. والأكسسورات " من حيث اللون والطراز

مهم لديكـ ( بشكل كبير 00 ليس دائماً 00 لا تهتمي بذلكـ )؟

لا طبعا كل شيء لازم يكون عندي منسق قبل ما نخرج يخص كل شيء يكون تمااام التمام..

6/مالذي يجذبكِ أكثر للقطعه المُلبسهـ أو الحقائب أو الحذاء هل الشكل (( الديزاين )) أم السعر ؟

اكيد الديزاين اهم حاجة عندي..لكن مرات نلقى حاجة بسعر خيالي..لوكان تكون مهبلتني و الله ما نديها..يعني هادي تعتبر حالة استثنائية..
7/مانوع الكريم الذي تستخدميه لبشرتك ؟
في الصيف برك ندير ليكرون توتال **روك** باش منوليش كحلوشة..
8/أثناء خياطة ثوب لمناسبهـ .. تتركِين الأمر للمصمم أو المصممه بحيث يختار الموديل المناسب

للقماش ؟

اكيد لا انا اللي نخير لكن غالبا ما نشري منخيطش يعني نلقى فساتين احلى..و هي واجدة..

شكرااا ليك امونة على الاسئلة الممتعة سعدت جدااا بالمشاركة في هده التجربة الاكثر من رائعة و ننصح البنات باش يجربو..بصح صايي مبقاش اسئلة يعني هادو هما؟؟

ههههه رنوش عجباتك القعدة [color=red خلاصو دراهمك [/color]ههههه

مبدئيا عجبني الستيل تاعك من طريقة اجابتك ، ونزيدو نتعرفو عليك اكثر


9/ماهي قصة الشعر التي تعجبكِ ؟

10/هل تعتني بشعركِـ بإستخدام زيوت خاصة أو غيرها وماهي ؟

11/هل ترغبين في تغيير لون شعركـ ؟ في حالة نعم وماهو لون الصبغه المفضل ؟

12/هل تميلين الى الشعر المموج أم الشعر الأنسيابي في تسريحه ؟

13/هل يهمكِـ في المناسبات أن تكوني ملكة الحفل وتذهلي الحضور بـ أناقتكِـ وجمالكـ ؟

14/ما هو الاكسسوار الذي لا تستغنين عنه في كل مناسبه؟





15/هل تفضلين الملابس الرسميه او السبورت؟

16/هل انتى شخصيه مرتبه؟

17/ماذا تفضلين المستحضرات التجميليه ام المواد الطبيعيه للبشرة؟

18/ممـكن تحطين لنا أي فستان أو تايور أو ... الخ >>حسب ذوقـــكـ .. >>>المهم

يكون مناسب لكـ ولذوقـكـ ..

هههه ايه و الله يا امونة القعدة حلوة و مينشبعش منها..اوا اسمحولي نكمل و نجاوب..

/ماهي قصة الشعر التي تعجبكِ ؟

و الله بصراحة انا نحب الشعر الطويييل يهبلني..لكن من القصات المميزة اللي نفضلها لاليون تعجبني بزاف..

10/هل تعتني بشعركِـ بإستخدام زيوت خاصة أو غيرها وماهي ؟

ايه اكيد انا مهتمة بزاااف بشعري و نستخدم بزاف الزيوت الطبيعية منها زيت الخروع زيت الزيتون زيت اللوز زيت ارقان...

11/هل ترغبين في تغيير لون شعركـ ؟ في حالة نعم وماهو لون الصبغه المفضل ؟

لااا في الوقت الحالي نحب لون شعري يبقى كما هو ..في حالة ادا ما حبيت نغيرو بلاك ندير دي غوفلي اوباغجين..

12/هل تميلين الى الشعر المموج أم الشعر الأنسيابي في تسريحه ؟

و الله الاتنين نحبهم بزاااف ..يعني الاختيار صعب..بصح نوعا ما نميل الى المموج نحسو احلى..

13/هل يهمكِـ في المناسبات أن تكوني ملكة الحفل وتذهلي الحضور بـ أناقتكِـ وجمالكـ ؟

هه طبعا ..و نظن كل بنت تحب تكون هي الاحلى ..لكن اهم حاجة هي انها متبالغش في التزين و تعرف كيفاش تكون احلى وحدة بدون مبالغة..

14/ما هو الاكسسوار الذي لا تستغنين عنه في كل مناسبه؟

الخواتم....نحب بزاااف الخواتم و منجمش نخرج بلا ما نلبسها..ننسى كل شيء و مننساهمش..





15/هل تفضلين الملابس الرسميه او السبورت؟

يعني نحبهم لزوج بصح ..عادة نفضل السبورت على خاطر خفيفة و نحس روحي مرتاحة فيها..لكن مرة على مرة نلبس رسمي..

16/هل انتى شخصيه مرتبه؟

بزاااف..نحب كل شيء يكون في مكانو مرتب..الفوضى تنرفزني ..و نحب الحاجة كي نحطها نلقاها في وين حطيتها..

17/ماذا تفضلين المستحضرات التجميليه ام المواد الطبيعيه للبشرة؟

مكانش خير من المواد الطبيعية للبشرة يعني على الاقل تعرفي واش فيها و انها غير مضرة...انا غير الكريم الواقي من الشمس ..منستعملش مستحضرات اخرى ..حتى الكحل و نفضل يكون عربي..

18/ممـكن تحطين لنا أي فستان أو تايور أو ... الخ >>حسب ذوقـــكـ .. >>>المهم

يكون مناسب لكـ ولذوقـكـ

اكيد اتفضلواا

هدا فستان عجبني تصميمو من تحت لكن من فوق معجبنيش يعني ندير عليه شوية تغييرات من فوق..لكن تصميمو حلو



كان رايح يكون احلى لو المونش من الفوق كانو على طريقة الفستان الاسود


و اخيرا نشكرك امونة على الاسئلة الحلوة يعطيك الصحة..

اهليييين سراح نورتي الموضوع..رايحة نجاوبك على الاسئلة..

/ هل تتبعين الموضه في أثناء تبضعكِ حتى وأن لم يناسب ذوقكِ العام ؟

نتابع الموضة لكن لست مهووسة بيها و نلبس الحاجة اللي تجي عليا..

2/ ماهي الألوان المفضله لديكِ أثناء أنتقاء الملابس ؟

الاحمر..الموف..و غيرها كاين بزاف يعني تقريبا كل الالوان نحبهم..

3/ وماهي قصة شعركِ الحاليه ؟؟

ليوون في لاماش و ليكوتي و من الخلف شعري طويل..

4/ ماهي الماركة المفضله لديكِ في شراء الميك أب ؟؟

و الله كل مرة و كيفاه لكن افضل بوغجوا..

5/من هي الشخصية المشهوره التي تجذبك أناقتها ؟
و لا حتى شخصية ..كل وحدة تعجبني حاجة فيها..و لكن تعجبني اناقة الممثلات التركيات جايين سامبل..

شكرا جزيلا سراح على الاسئلة يعطيك الصحة ختي..

شكرا جزيلا رنوش خليتيني نستمتع وانا نقرا اجاباتك

ربي يحفظك رانيا

خليكي قاعدة ، انا معنديش الوقت باه ندخل (راني مع memoire)قريب نكملو ونرجعو نتلمو

ونكملك الأسئلة تاعي

العفو امونة الشكر ليك على كل شيء حلو بالموضوع...

و ربي يكون معاك في المموار و يوفقك...انا تاني راني هنا قاعدة نستنى فيكم طبعا بعد الامتحانات نتلاقاو...و نتمنى التوفيق للجميع..

اهلا وسهلا رنيا انا من قبل تجيي رانيا من البنات الانقات ومعرف ههههه
المشكل في الاسئلة لاني لا علاقة في هدا المجال
هيا رانو جاوبي
1-انت من البنات الي تحب تلبس اي شيء يطلع جديد في سوق ولو كل البنات لبسينوا؟
2-تحب الكعب العالي اكتر ولا الواطي؟
3-تحب تلبسي نفس الالوان ولا مزيج ؟
4- لازم كل يوم ديري ماكياج؟
5-صورة النهائية لرانيا وهي خارجة ؟
شكرا رنو

اهليين و الله بديدي نورتي ...

-انت من البنات الي تحب تلبس اي شيء يطلع جديد في سوق ولو كل البنات لبسينوا؟

اكيد نحب نلبس كل شيء فاشن و على الموضة..بصح منحبش كي نلقى وحدة لابسة كيفي بلاك منزيدش نلبس داك الحاجة خلاص..يعني عيني ميزاني..

2-تحب الكعب العالي اكتر ولا الواطي؟

بحكم اني مازلت طالبة جامعية اكيد بسيف عليا منلبسش الكعب الا مين تكون راشقتلي..دايما نجري و دايما روتار..ههه..
3-تحب تلبسي نفس الالوان ولا مزيج ؟

لا ل نحب ننوع دايما و نحب نلبس الالوان كلها معنديش مشكلة في الالوان..
4- لازم كل يوم ديري ماكياج؟

لا اكيد لا يعني المكياج عندو وقتو مشي دايما و ان نفضل نكون طبيعية يعني لو حتى ندير حاجة خفيفة..
5-صورة النهائية لرانيا وهي خارجة ؟

لازم نكون مستيكية بيان من راسي حتى لرجليا و متكونش حتى ىحاجة ناقصة و يكون كلشي متناسق طبعا و سامبل مكانش خير من السامبل..

يعطيك الصحة صافي على الاسئلة..