عاجل يا اعضاء ارجوا دخول

صح رانا مقصرين في حق باقي الاقسام

واش تحبي نقولك راكي 100بال100 على حق
ماتزعفيش
ان شاء الله كل حاجة رايحة تتصلح منا للفوق باذن الله

ايه يا ديييدي و خلاص نشالله ننظمو كل شيئ و انا شخصيا راح ندير مجهودي
شكرااا ليك و اكيد نتمناو يكون نشاط في باقي الاقسام
و بخصوص الالعاب تم غلق الالعاب القديمة
شكرا لك مرة اخرى و نشالله نلقاو تعاون مع كامل الاعضاء

شكرا ديدي على التنبيه

و لازم لما نهدرو نديرو ماشي نهدرو برك و ننساو

شكرا ديدي مرة اخرى ولي في يدي و نقدر عليه نديرو

ايه صح ديدي واش رايكم كون نقسموا بعضانا الى فرق وكل فرقة تحتوي على 2 أعضاء وكل فرقة مختصة في منتدى ليعم النشنط في كل المنتدى وكل اسبوع راح يتغير مثلا الاسبوع هدا في النتدى الصور الاسبوع الجاي في منتدى البيئة واشش رايكم

ايه نتمنى تتصلح

وبالنسبة لفكرتك يا يوسف انا نفضل انو يكون النشاط في كل الاقسام هكا تحصر روجك وكي تقول انا نحكم قسم معناه رايحين نعمروا المنتدى وهادا خطا صحح بخطأ اكبر منه

انا حبت يكون جو لتناقش والاستفادة الحقيقية


وخلي الفكرة لبقية الاعضاء


تحياتي

انا كنت حابة نخلي تعليقي بصح ملقيتش كيفاه

وضرك مادام سمحت الفرصة ، راه نقول رايي لكن بدون غضب (نتمنى تتقبلوه بكل مسؤولية)


شوفي ديدي انا راني كيفك حطيت مواضيع لكن ولا رد ، والسبب طغاو على المنتدى المواضيع اللي متفيدش

انا كي ندخل نشوف "آخر عشر مواضيع" نلقاهم في 10 غير ألعاب ولا غير مجال الصور والنكت ومواضيع الدين والهادفة متكونش يعني يفسدو ترتيب وحتى يضيعو المواضيع الجديدة (وبصراحة هذا الشيء اللي خلى نشاطي يتراجع الشهر هذا )


في رايي الحل وين :


لو رانيا متحطش مشرف واحد على كل المنتديات الفرعية ، والأعضاء هنا الله يبارك كل واحد واش يفضل وعندو قسم يبدع فيه

يعني تعين كل واحد قادر يكون قد المسؤولية مشرف على قسم معين ، هكذا كل واحد يهتم بالشيء اللي يحبو ويكون نشاط في كل الأقسام وحتى ظاهرة تنظيم المواضيع تجي وحدها أي واحد يلقى موضوع ميتناسبش مع قسمو ينحيه ويحطو فبلاصتو



طبعا يبقى راي وقولولي رايكم فيه

ونتمنى تشوفو المديرة

ايه يا امينة انا تاني هادي الحاجة نرفزتني بزاف صح نتسلاو في بعض الاحيان بصح ماش الوقت كامل تسلية نحبيت ندير مجهود ونوع المواضيع بصح الاستجابة مكانش

وفكرتك مليحة وان شاء الله تتصلح هذه المشكلة وروحوا لقسم الالعاب الردود اكتر من 5000 هذا .معرفتش واش نقول

المهم انا اعطيتكم رايي ونشوف لاغلبية قولوا كاين منها ملا لازم تتصلح

يا جماع كيما قالت امنة كل عضو عندو مجال يبدع فيه

و احنا ماش رايحين نسيفو و نضغطو عليهم و البالنسبة لماواضيع الالعاب هي مواضيع يقدر العضو يضع فيها عدة ردود على عكس المواضيع الأخرى و انا عجبتني فكرة يوسف لاننا ماش رايحين نحصرو رواحنا في منتدى واحد فمثلا عضوين يشرفو على منتدى هاد الاسبوع الاسبوع الي بعدو يتكفلو بمنتدى تاني و هكدا و لكن نستطيع كدلك النشاط في منتدى آخر

و شكرا

المشكلة بكل الصراحة مراهيش فى الأعضاء ......المشكلة راهاااا فى تركيبة المنتدى ....ربما لم تلاحظوا.....ان هناك 4 مشرفين مقابل 45 قسم ......فى المنتدى.......مش معقول ....لا أدرى لم هده الأ قسام الكثيرة والمكررة......فمثلااااااا
قسم امل بوشوشة...سلمى غزال...وجنتل مان ....هدا شخص شارك مرة فى حصة دارتله قسم وواش من حصة ....والحصة هدى كملت ...واش غادى يبقى قاع فى المنتدى ....مستحيل
المهم هدى الأ قسام الأربعة لازم نجمعهم فى قسم نجوم الجزائر ...وعند ربى من بعد رايحين يولو نجوم نتاع بصح ......زيد
قسم اشبال سعدان ....يولو مع قسم الرياضة الجزائرية
قسم حواء والبنوتات واناقتك .....هدو تانى نجمعهم فى قسم واحد
رمضان كاين مرة فى العام ورنا نتفكروه مرة فى العام ..مستحيل باش نتفكروه غير مرة بالعام هو تانى نجمعوه القسم السلامى ...وقسم الرسول ...وايضاااا المسابقة الرمضانية ...
منتدى القضية الفلسطينية وقسم الخبار العامة والمنتدى العام ....هدو تانى قسم واحد
نتمنى يتغير قسم النقاشات إلى قسم أخر إلى هو قسم الحوار والنقد هدا القسم مخصص فقط للنقد ممنوع باش يكتب واحد أي رد مايكونش فيه النقد ....يعنى واحد يحط موضوع والأ عضاء يتناقشوا فيه بصح لازم نبحثوا عن السلبيات فقط فى الموضوع وندافع عليهاااااا ....لأن الناس تطورت بالنقد ولم تتطور بالشكر ......النقد يخليك تبحث عن الكمال ....ويخليك تقرى كل كلمة...
هناك نقطة أخرى تخص الزعيمة ......من فضلك رانياااااا .....هدا الأسم نزعيه لأنه ديكتاتورى
راه الواحد كى يدخل المنتدى ويشوف هدا الأ سم يحسب روحه راه داخل للحرب ...ولكى ان تسألى بقية الأ عضاء ......هناك نقطة أخرى فى مجال الأ سماء .....لازم إ ختيار الأسماء ...
كما هداك لمسمى روحه .....حشيشة وطالبة معيشة ....رانا فى مزرعة ...هدا إسم نخليه فى المنتدى وقبلتوه ورحبتوا بيه...
كما هاك يطور المنتدى ويرتقى ...رجعوا لعقولكم
الأ لعاب راكم حكيتوا فيهاااا ........
نصيحة للأعضاء تعلموا ماتقبلوكش كلش ......مشى قاع لينكتب هو الصح .....وتشكر صاحبه على الموضوع ...
تعلموا تسألوا أنفسك مالهدف من الموضوع ومالدى أستفدت منه .....
هناك سؤال لرانياااااااااااااا.......فيما يخص البدعة اللتى أبتكرتهااااا لوحة شرف المنتدى
1....مراهيش أسبوعية ....هدى اول مخالفة
2........من هو الشخص اللدى يختار الأعضاء .....أضنك تختارينهم وحدك ...لا أحد يشاركك فى الأختيار ولا تقولى لى هناك نهاد
كيف تتأكدين من أن إ ختيارك هو الصحيح .............
3......بدعة ليست فى محلهاااا لأنه لديك 3 مشرفين ....4..5...أعضاء فعليين ...وستجدين نفسك تدورين فى دائرة مغلقة
5........اتمنى ألا يغضب أ حد من كلامى ولا يعتبره مساس بكرامته ....

يا اخ مختار انا راني معاك فيما يخص المنتديات و الاقسام لكن المشوفين يكفو و يوفو انا نظن

و فيما يخص الاسماء هادي ترجع للعضو و لا واحد يقدر يتدخل فيه و ما دام الاسم لا يحتوي على كلام بذيء و سيء فلا مشكل

اما بالنسبة للوحة شرف المنتدى انا و معظم الاعضاء ان لم يكن الكل يرى ان اختيارات الزعيمة في محلها و حتى و ان كان هناك فقط 4 مشرفين او 5 فمثلا هاد الاسبوع الكل لاحظ نشاط ديدي و يوسف و هادي
و ماهيش بدعة بل شيء جميل لتحفيز الاعضاء

و لكل واحد راي و و احد ما يزعف

و شكراا

السلام عليكم ورحمة الله


نرجع لمختار الكلام لي راك قلتوا اني معاك فيه انا مرات كي نجي ندير موضوع على جمال الجزائر متلا نلقى ارتياب بين نحطوا في منتدى السياحة وهذا يخص جمال بلاد ولا منتدى الجزائر الحبيبة
وتاني في منتدى البنوتات والاناقة ............الخ

وحبيت نقول لرانيا على هاد الموضوع بذات


بالنسبة للاسماء انا كنت مدايرة اسم باليابنة والانجليزية ويعني حجر الزمرد جاتني خاجه جديدة بصح كي سمعت وقالولي الاعضاء واش هاد الاسم وحسيتهم بلي معجبهم بدلتوا بكل روح رياضية وبدون زعل

يعني ما قلتش انا ندير واش نحب لانوا هنا يهمنا نسمعوا آراء بعضانا ونحترموا اي راي ونلبو رغبة اي عضو ما
الا كون يطلب شئ مستحيل قبوله هدي النقطة التانية

اما المواضيع اللي كما قلت انت مراه تعطينا حتى فائدة او على جال هذا ندار الموضوع

لوحة الشرف ما نحكيش فيها انا انت وجهة كلامك لرانيا وهي تجاوبك

وانا من عندي لم اغضب من كلامك مختار لان الموضوع تقول واش في بالك ونصحوا الاخطاء مع بعضنا البعض

بالنسبة للأقسام أنا معك مختار ولكن هناك قسم أتمنى أن لا يحذف أو يدمج وهو قسم القضية الفلسطينية
أما النصيحة لي نقدر نقدمها لروحي وللاعضاء هي : فلنكتب في قسم لم نتعود الكتابة فيه لربما سنجد ما لم نتوقعه هاه شباب واش رايكم ؟

ايه يا بيبا لانوا كاين اقسام نقدروا نقولوا ما ندخلولهاش خلاص

وان شاء الله خير والى يشوف اضافة يتفضل بيها

ايه عندك حق مكانش النقاش فالمواضيع
معدووووووووم النقاش

مديرتنا مع احترماتي عندو حق في بعض الاشياء

والله غير عندك الحق........اذا مكانش نقاش وتبادل الحوار في الموضوع كيفاش نستافدو من بعضنا..............ايه لازم علينا

واش راح نقولكم المنديات تي من المستحيل يكون فيها المشاركات كامل علاه....لانه ناخد مثلا بعين الاعتبار منتدى الصور والله يبارك يحتوي على مواضيع كثيرة ومتنوعة علا هادي يكون فيه المشاركات ونشاط كبيرين
ونشوف من الجهة المقايلة مثلا منتدى الشعر والخواطر راح نلقاو فيه مواضيع قليله علاه؟.... لانه تعرفوا كامل الشعر بانه شىء جامد وطويل وكاين منا كثير ليكرهو *مع احتراماتي ليحب الشعروالخواطر*وفي المقابل منتدى الصور فيه صور طرائف و غرائب يعني يضحكوا ويريحوا النفس
واتمنى انك فهمتيني واش نقصد ديدي
اي من المتحيل يكون النشاط في كامل المنديات والله يبارك كا ين منتديات بزاف زوريهم وشوفي
اتقبلوا مروروي

3ANDK ELHA9 YA YOUCEF W YA RANOUNA MAKHTA RAHOU 3ANDOU HA9 FIMA YKHOS LMONTADAYAT

MNAH HNA DIMA NHIROU WIN NHOTO LMAWADI3 SA3AT WAHD YJIB SOUWA TE3 TONOBILAT YHIR WIN YHOTO LAKAN FI MONTADA SOWAR WLA FI MONTADA SAYARAT W TANI FI LMONTADAYAT LOKHRIN

NETMNA TAKHDI RAYOU B3AYN LI3TIBAR

MERCII

سلام

المهم انا الفكرة اللي حابت نوصلها وصلت ودرك مناش حبين نبقاو في دائرة مغلقة حابين نحسنوا المنتدى

شكرا للجميع دون استثناء واقتراحاتكم قيد الدراسة سلام