السلام عليكم و رحمة الله و بركاته
بما انو الطبق يكون من اللحم ، نختار "
سوفلي باللحم الفروم "
المقادير:- 2 كيلات فرينة + كيلة دقيق
ملعقة أكل خميرة
2 مغارف سكر
ملح
حليب دافيء
الحشو: - صلصة الطماطم
رطل طمام ، بصلة، راس ثوم،القليل من الزيت، الملح، فلفل أكحل، كمون، نحطوهم على النار دون إضافة الماء
- لحم مرحي حوالي (حسب الرغبة) نحطوه في مقلاة على النار و نضيف له بصلة و القليل من الملح و الفلفل الأسود و قطرة من عصير الليمون مع التحريك حتى يتقلى
-زيتون منزوع النواة نغسلوه و نقطعوه
-الجبن المبشور
كما يمكن إضافة أي شيء آخر نحبوه
العجينة نخلط الفرينة و الملح و السكر و الخميرة و الحليب الدافيء (بالشوي) حتى نتحصل على عجينة ، نتركوها تختمر
وترتاح لمدة ساعتين
بعد اما تختمر نقسموها إلى كريات ونخلويها حوالي 5د ،و فوق سطح مرشوش بالفرينة نحلها بالحلال
و نحط في وسطها الحشو المكون من القليل من صلصة الطماطم ونزيدو فوقها اللحم المرحي
ثم الزيتون المقطع و في الخير رشة جبن مبشور
و ندهن الجوانب بالقليل من البيض
ثم
ندهن السوفلي بالبيض و نزين بحبة زيتون كما ممكن إضافة الجلجلان أو السانوج
و نوضعوهم في صحن الفرن مدهون و مرشوش بالفرينة
ثم تطهى في فرن درجة حرارة 200 درجة مئوية لمدة 25 دقيقة