اول حلقه مع maroua nounoussa (تفضلي على الكرسي)

كرسي الاعتراف

يجلس عليه

ونفتح اول حلقه

على منتدى شباب الجزائر

ونرحب ب maroua nounoussa وان شالله يكون الكرسي مريح

ستستقبل اسئلتكم

وسيبدء الحواروالنقاش والاجابه

الرجاء قراءة قوانين كرسي الاعتراف قبل البدء بالمشاركه




بالنيابه عن الكل نقدم باقة ورد :@%: :@%: :@%: لضيفتنا



و هدو باش متجوعيش











لكان مشبعتيش غير بيبيلي اوك هه

و يلااااااا يا جماعة نبداو بالاسئلة..هجوووم هه



و انا رايحة نكون اول وحدة تسال
اذكريلي بلد بعد بلدك تحبيه كثيرا؟

اطرف موقف مر عليك بحياتك وش كان؟

اصعب موقف وش كان؟

اجمل موقف وش كان؟

هل تدونين مذكراتك اليوميه؟

علاه تكرهيني؟؟؟؟؟؟؟؟؟؟؟؟
هههههههههه نضحك برك
مالقيتش واش نسأل ؟؟؟؟؟؟؟؟؟؟؟؟؟؟؟؟؟؟؟؟؟؟

ايه انا نشوف رانيا رحبت بيك يا مروة ونزيد نقولك نورتي الكرسي

اسئلة بزاف بصح نبدا بالاسئلة اللي تتعلق بالمتدى

1- قولينا علاه تدخلي للمنتدى ؟ التسلية التثقيف الخبرة الصداقة ........
2-شكون اعز عضو على قلبك ؟
3-عضو حابت تشويف او عضوة طبعا في الحقيقة؟
4-عضو معجبكش اسمو في المنتدى ؟
5-عضو حابتي تحكي معاه وماقدرتيش ؟
هيا كي تجوبي نزيدلك في مجال اخر




معلومة حابت نخرجلك قلبك هههههههه

وينك مروة ؟؟؟؟؟؟؟؟؟

اني جيييييييييييييييييييت

اولا و قبل كل شيئ نشكر كل الاعضاء و راني مرتاحة على الآخر معاكم
و حابة نقول حاجة كل عضو يسالني سؤال راح نسالهولو لما يجلس على كرسي الاعتراف
و حاجة تانية يا رانيا هداك الكرسي راهو عالم آخر

اول سؤال جاوبت عليه يألتهولي سليمة عبر الهاتف قالتلي اكتر عضو تحبيه

قلتلها و الله نحبكم كااااااااااااااااامل لكن نختار اختي و راح نبدا نجاوب على اسئلتكم.

///// اولا رانيا/////



بلد بعد بلدك تحبيه كثيرا؟

ايطاليا

اطرف موقف مر عليك بحياتك وش كان؟

واحد المرة و انا صغيرة قالي جارنا روحي اشريلي ماصة//تعرفوها// انا كنت منعرفهاش و مفهمتش واش قالي

قعدت نخمم يا ربي واش ندير و مبعد دخلت للحانوت جبتهالو بزربة قتلو مصريرة قالي عاوديلي قتلو انا قلت و منعاودش قالي مالا منبيعش رحت لجارنا مالا قتلو او محبش يبيعلي و دخلت لدارنا و مخرجتش نهار كااامل

و الله كل ما نتفكرها نموت من الضحك

ا صعب موقف وش كان؟

اصعب موقف كان لما سمعت انو عمتي ماتت الله يرحمها و يوسع عليها

اجمل موقف وش كان؟

اجمل موقف كان لما قالولي راكي جبتي الباك

هل تدونين مذكراتك اليوميه؟

لا ادونها لان معظم ايامي روتين

و شكرا رانيا

/////ثانيا نهاد/////


1- اغلى حاجة عندك؟ حاجة مش شخص

بورتابلي نقولو عينيا و الله مانقدر نستغنى عليه

2- حاجة صراتلك في الماضي و لحد الان منسيتيهاش؟

و الله مالقيت لا مليحة لا ماشي مليحة.... كي نلقى و الله نقولك

3- هدفــــك؟

تكوين اسرة.... متضحكوش بصح مزااااال

4- ماهي المواضيع التي تجذبك؟

المواضيع التى تطرح للمناقشة و تبادل الآراء و الخواطر

5- ما رأيك بالردود الروتينية كشكرا و يسلموو...الخ

ما عندها حتى معنى و كانها فقط لملأ الفراغ

6- ماهو المجال اللي تحسي روحك فيه؟

بليز و ضحيلي اكتر السؤال

7- حاجة درتيها و ندمتي عليها؟

و الله لحد الآن راضية على كل افعالي و الحمد لله

8- ما رأيك برابح سعدان...ضده و لا معه؟

هو مدرب محترد و مننساوش انو هو الي وصلنا لمراكز عالية

و انا مش ضدو لكن ضد خططه الدفاعية و لازم يغير

9- اكلتك المفضلة؟

البيتزا

10- اجمل هدية قدموهالك؟

برمة و كسكاس ياخي تعرفوهم من فخار صغار جابتهملي عمتي الله يرحمها من تونس و انا عندي 4 سنين و الله مازالو عندي لضرك

وشكرا نهاد و متنسايش توضحيلي هداك السؤال.

//// مع ديديييي////


1- نخل للمنتدى للتسلية التثقيف و طبعا الاصدقاء لاني والفتكم و منقدرش نستغني عنكم

2-و الله كااااااامل منقدرش نخير

3-كاااااااااامل وراني نخمم نتلاقى بيك كي ندخلو نتي و مهدي و يوسف و ميشا مناه قراب و طبعا كون يكتب ربي الاعضاء لخرين

4-اسمك هادا الشينوي يعجبني ديدي خير

5-حابة نحكي مع بيبا و نتعرف عليها هي و عاشقة الجزائر و algerienne حابة نحكي معاهم و منلقاهمش في الدردشة

و مخرجش قلبي موتيييييي ههههههههه

///// بيباااااا/////


1كاااااااااااااامل

2 يوسف تع الشلف و امونة

3احلى شخصيهـ قابلتها بالمنتدى هي ديدي و يوسف قسنطينة لان معظم مواضيعهم تخليك تضحكي بالسيف

4حكمتك أو فلسفتك بالحياة؟

حاجة و حدا الحياة فرصة علينا استغلالها بافضل الطرق

5كلمة شكر لمن تهديها؟---- لكم على هاد الكرسي


6كلمة عتاب لمن تهديها؟---- للي مازلو مسالونيش لاني متلهفة لاسئلة الجميع

7جملة تقوليها ويسمعك العالم باكمله؟ ماهي

فلسطين مسلمة و للمسلمين

8 مَنْ مِنَ هاذ الأعضاء تقوله هاذ الكلام...؟؟

-حرام عليك------ لكل من يترك هاد المنتدى

المنتدى ظلمه بلا بيك----- كل الغائبين وخاصة يوسف و فؤاد و سليمة

اسف----- ماكانش الحمد لله

حنوون ---- منتي تباني حنينة

ما نفهمكش---- مختار و لا مرة فهمتو والله

أحبك---- الكل الكل الكل

تعجبني مواضيعك---- امونة

تعجبني ردودك ----- و الله كااااامل ردودكم وائعة و نتمنى انها متكونش للمجاملة فقط

اذا عصبتي واش تديري ...؟؟ ثلاث اشياء لا غير -نعيط - نبكي- نكسر...كل مرة كيفاه

اطرف موقف مر عليك بحياتك وش كان؟

واحد المرة و انا صغيرة قالي جارنا روحي اشريلي ماصة//تعرفوها// انا كنت منعرفهاش و مفهمتش واش قالي

قعدت نخمم يا ربي واش ندير و مبعد دخلت للحانوت جبتهالو بزربة قتلو مصريرة قالي عاوديلي قتلو انا قلت و منعاودش قالي مالا منبيعش رحت لجارنا مالا قتلو او محبش يبيعلي و دخلت لدارنا و مخرجتش نهار كااامل

و الله كل ما نتفكرها نموت من الضحك

هادي رايعة هههههههههههههه

اني درك نزيدك

1- جامي طحتي في الطريق ؟
2- وكتاش ضحكوا عليك في القسم تاعك؟
3-تعرفي طبيبي ؟
4-ماهي التجربة اللي تتمناي تكررها؟
5-ما الشيء الذي يشعرك بأكبرقدر من الإحراج؟
6-شخص وعدكي بشي مهم جدا ثم اخلف ماذا تقولين له ؟ ومن هو ؟
7-حمام زاجل استقر على نافذتك يحمل رسالة من مجهول ممن تتمنين أن تكون؟
8- من هو توأم روحك؟
9- شخص لا ترفضين له طلبا؟
10-قطعة فحم وجدار نظيف ماذا سترسمين عليه،وماذا ستكتبين تحت الصورة؟

اني جيت ، مرحبا بيك وان شاء الله ترتاحي على الكرسي











1-ما هو مفهوم السعادة لديك ؟؟

-لمن تهب إبتسامتك دائما ..؟

3- مارأيك بالتالي :

-الرجل..

-المرأة ..

-المال ..

-الحب ..

-الصداقة ..

-الوفاء ..

-الإخلاص ..

-الصدق ..

-من أقرب الأعضاء إليك؟

باح الخير عليكم

نبداو مع ديدي حسب الشوفة راح تخرجلي قلبي صح

جامي طحتي في الطريق ؟

هداك النهار برك كي طلعت للجميعة زلقت مي مطحتش

وكتاش ضحكوا عليك في القسم تاعك؟

واحد النهار قعدت فوق كرسي مكسر طاح بيااااا ههههههه كي كنت نقرى في 2 متوسط

تعرفي طبيبي ؟

الطياب و لا طبيبك؟ لكان على الطياب يعني نعرف شوية

-ماهي التجربة اللي تتمناي تكررها؟

تجربة الثانوي رووووعة

ما الشيء الذي يشعرك بأكبرقدر من الإحراج؟

لما نحكي مع واحد و ميديرش عليا و لا نطلب منو حاجة و يردنى

6-شخص وعدكي بشي مهم جدا ثم اخلف ماذا تقولين له ؟ ومن هو ؟

نقولو حرام عليك بصح شكون معلابليش مزاال


شخص لا ترفضين له طلبا؟

ماما بابا

قطعة فحم وجدار نظيف ماذا سترسمين عليه،وماذا ستكتبين تحت الصورة؟

نرسم نجمة نموت نرسم النجوم معرف علاه و نكتب اسمي مروة

_________________

ايا شكرا يا مروة واسناي الاسئلة تاني وتاني

مرحباااامرحبااااا بيك امونة و راني مرتاحة على اللآخر

-ما هو مفهوم السعادة لديك ؟؟

بالنسبة ليا السعادة هي الرضا بما هو ليديك و القناعة به مية بالمية

-لمن تهب إبتسامتك دائما ..؟

لكل من يحبني

3- مارأيك بالتالي :

-الرجل.. مكمل لحياة المراة و سند لها

-المرأة .. مكمل لحياة الرجل و سند له

-المال .. من مكملات الحياة و يجب جعله وسيلة لا هدف

-الحب .. اروع شيئ في الحياة

-الصداقة .. الانسان دون صداقة كالشجرة بلا ثمار

-الوفاء .. كلمة صغيرة معناها اوسع من المحيط قليلون يفهمونها فعلا اتمنى انا اكون ممن يفهمونها

-الإخلاص .. اغلى شيء يمكن تقديمه لمن نحب لكن نحس اننا نقصر معهم

-الصدق .. لغة يتقنها القليل القليل

-من أقرب الأعضاء إليك؟

يعني كلهم نحكي معاهم لكن الاقرب الي بزززاف مكانش

شكرا امونة على الاسئلة الرائعة.

السلام عليكم

كل عضو حاست بلي تعرفيه لشتى شوي من سنة فاكثر اعطينا رايك فيه بصراحة كل عضو في جملة او اكثر ؟

صحاااا فطوووركم جماعة و صحا فطورك مروة بالنسبة لسؤالى
اللي مفهمتيهش

- ماهو المجال اللي تحسي روحك فيه؟


يعني المجال اللي تبغي تواصلي حياتك فيه؟
نشالله تكوني فهمتيني

هو قالها ماصة أميرة :انت مشهورة هاداك الوقت و بالاك مازال و ماكاين غير هي

يا ديدي هاد السؤال يبان صعيب لاني قادرة منطيحض فالصح لكن راحنقول حيب مانشوفكم

نتي---- رايحة فيها خلاص هههه راني غير نضحك تحبي تخلي الناس يضحكو

امونة---- تحب تنصح اصدقاءها و تحبلهم غير الخي نيالهم عليها

رانيا --- الكل في الكل تحب تتعامل مع الناس بزاف و تعرف كيفاه تتعامل مع كل الاجناس

نهاد ---- حسب مواضيعها نبان تحب التنظيم و مرتبة حنا نقولو رزينة

ميناكس اي ختي منقول عليها والو غير مهبولة ههه

يوسف يبانلي كي ديدي يحب التمهبيل و يحب الناس يبتسمو كي يقراو مواضيعو

مهدي ناس ملاح و يبان عاقل

يوسف الشلف حساس رومانسي و راقي

هادو هوما الاعضاء الي نعرقهم و حكيت معاهم و كل هادي الصفات فقط حسب رايي

و شكرا على السؤال ديدي

نهاد كاين بزاف مجالات حابة نواصل حياتي فيها منها التعليم و الصحافة او تكوين اسرة و جعلها مثالية

وانا نظن كاين رابط مشترك بيناتهم هو اني نحب التعامل مع الناس

و شكرااا على السؤال

maroua_nounoussa كتب:

يا ديدي هاد السؤال يبان صعيب لاني قادرة منطيحض فالصح لكن راحنقول حيب مانشوفكم

نتي---- رايحة فيها خلاص هههه راني غير نضحك تحبي تخلي الناس يضحكو

امونة---- تحب تنصح اصدقاءها و تحبلهم غير الخي نيالهم عليها

رانيا --- الكل في الكل تحب تتعامل مع الناس بزاف و تعرف كيفاه تتعامل مع كل الاجناس

نهاد ---- حسب مواضيعها نبان تحب التنظيم و مرتبة حنا نقولو رزينة

ميناكس اي ختي منقول عليها والو غير مهبولة ههه

يوسف يبانلي كي ديدي يحب التمهبيل و يحب الناس يبتسمو كي يقراو مواضيعو

مهدي ناس ملاح و يبان عاقل

يوسف الشلف حساس رومانسي و راقي

هادو هوما الاعضاء الي نعرقهم و حكيت معاهم و كل هادي الصفات فقط حسب رايي

و شكرا على السؤال ديدي

شكرا على الاجابات وللمزيد من الاسئلة

مروة رجعت من جديد

أولا شكرا على صراحتك وثقتك فينا


نتمنى تجاوبيني:

- كيفاه تفوتي نهارك كامل في رمضان ؟

- راكي تصلي التراويح ولا لا ؟

- الأكلة المفضلة عندك في رمضان ؟

- المسلسل اللي راكي تبعيه حاليا (المفضل عندك) ؟

- و واش راكي مع الكوزينة اليامات هذو كاش طياب ؟

- قوليلي كاش موقف مضحك صرالك في رمضان ؟ يعني ف مجال الطبخ ولا برا أي حاجة ؟


وراني راجعة متخافيش ههههههه ، وصح فطورك نونوسة

ايا جماعة بشوية على نونوسة معندناش 10 منها

تفضلي حبيبتي

اسمك المستعار ؟

-سبب اختيارك لهذاالاسم ؟

-الهوايات ؟

-افضل شهـر بالسنه والسبب ؟

-حلمك في الحياة؟.

-أجمل سنوات مرت عليك؟

-البرامج المفضلة؟

-شخصيتك ( عصبي ، رومانسي ، ....... )؟

-ماهو لونك المفضل ؟

-من هو مثلك الاعلى ؟

-ماهي حكمتك بالحياة ؟

-ماالذي يحزنك ؟

-ماالذي يغيظك ؟

-ماالذي يفرحك ؟

-افضل شخصيه في رأيك ؟

-فنانك ومطربك المفضله؟

-من هم الأعضاء اللي تتمنى تشوفهم؟

-من العضو اللي تحب يضيفك لقائمة الأصدقاء ؟

-رأيك بـ الصداقـه بيـن الجنسيـن؟

-عضو عاجبتك صورته الشخصيه وتوقيعه ؟

-عضو نشيط... ؟

-عضو مفقود... ؟

-عضو واثق من نفسه ... ؟

-عضو داخل مزاجك ... ؟

-عضو تتمنى تلقتي به ... ؟

-عضو مثقف ... ؟

-عضو نفسك تغير اسمه ... ؟

-عضو نفسك تقول له ( برافو عليك ) ... ؟

- عضو تحب تهديه بيت شعر ايش هو بيت الشعر ؟

-ماهو رأيك بالحب ؟.

- صــف نفســـك بكلمتيـــن فقـــط..!

-مــاهــو الشــئ الذي ندمــت علــي عمـلــــه؟!؟

-كـلمـــة تمنيـــــت ان تسـتطيـــع سحـبهــــا؟!؟


-جــريمــة تتمنـــي لـــو تستطيـــع ارتكابهــــا؟!؟

-حمـامة زاجـــل حاملـــة رســالة لـك,,,من من تتمنـى ان تكــون؟!؟

-دمـعـــه انـذرفــــت رغـمــاً عنـــك؟!؟

-مـوقـــف صــدمــك ولــن تنســــاه؟!؟

-شـخــص تتمنــي الإنتقــام منـــه؟!؟

-شــئ او عمــل لا تستطيــع مســامحته؟!؟

-شــئ او شخــص غيــّر مجــري حياتـــك؟!؟

-حلم لا تستطيـــع تحقيقه؟!؟

-كلمة تود سماعها كل يوم؟!؟

-طالع رحله بريه من تاخذ معك ؟؟

و راااااااجعة ان شاء الله..

-هل تفعليين ما تقوليه بالمنتدى؟

لحد الآن نعم و الحمد لله عمري ما كدبت عليكم

3- ماذا ستكتبين لنا لتعبري عن حياتك التي عشتها الى الان في كلمات قليله ؟

كانت حلوة مرة سلهة و صعبة و جازت رووووووعة

4- اذا اردتي ان تبكي الان , فعلى من تبكي؟

على الشعبة الي بعتوني ليها ...ماهيش عاجبتني

5-من ستختارين ليمسح دموعك ؟

اصدقائي

6-((مستحيل انساك)) لمن تقوليها ؟

لكم

7-(( اللي راح راح وماتفيد كلمة ياريت )) إذا أردتي ان توجهي هذه العباره لنفسك, فماذا
تقصدين بها ؟

معنديش علاه نقولها

8-هل تعترفين بشيء اسمه الصداقه بين الرجل والمرأة ؟

طبعا و لكن في حدود

9- ما هو اقتراحك الذي تتمنىن ان يحدث في هذا المنتدى ولم يحدث الى الان ؟

الى حد الآن لا شيء

10- حكمة تؤمنيين بها جدا؟؟

ما أجمل أن تبتسم حين يظن الآخرون أنك سوف تبكي.

11_ ماهو اجمل اسم لولد واجمل اسم لبنت من وجهة نظرك؟

ولد---- نجيم .... بنت----- هزار
12
_ هل انت من لديهم رغبة حب التملك واذا تملك الشيء اصابه الملل منه ؟

نعم بصح معلبليش الا راي حاجة مليحة و لا لالا

سلام مروة



علاش درتي هدا التوقيع ؟

fi darne enface l'jarna