جبتلكم وصفة بوراك تهبل مع الصور

مساء النور واش راكم "ان شاء الله كامل تكونو لباس"


جبتلكم اليوم وصفة بوراك مجربة فالبيت وحبيتكم تجربوها، الوصفة هذي طبعا مش من عندي ، وصفة هولندية جابتهالنا بنت عمي تسكن فالخارج ، المهم نخليكم مع البوراك


نحتاجو ل : بصل + جزر + جريوات (كوسة) + ثوم




ارحي الجزر والكوسة والثوم ف لاراب والبصلة قطعيها لأطراف صغيرة حتى تتحصلي على خليط كيما هذا :






و+ لحم دجاج خالي من العظام طبعا (الصدر فقط)


قطعيه لقطع (مربعات) صغيرة






وتحتاجي ل دويدة فنجان برك ، ومتنسايش ورق الديول


غلي الدويدة فالماء "طيبيها" وخليها تجف شوي من الماء

طريقة التحضير :


لوحي الخليط اللي تحصلتي عليه في المقلاة يتقلى ، على نار هادئة


و قلي اللحم





كي يتقلى الخليط زيديلو اللحم لوحيلهم شوية توابل وفالأخير لوحي الدويدة "كمية قليلة" ، وزيديلهم الزعفران




هذا الأخير اللي تحصلتي عليه هو حشوة البوراك






شكلي قطع البوراك



واقليهم


في النهاية







متنساوش تقولولي رأيكم

حتى نذوقوه ......باش نقوللك رايكم.......مالتصاوير .....قاع ماتخلعيناش بيهم

اممممممم باينة بنينة نجربها ان شاء الله و نردلك الخبر

مي فهميني واش هي الدويدة هه كلمة جامي سمعتها

شكرااااااا

ههههه

رانيا معلاباليش كيفاه تقولولها انتوما

هذي هي بصح اهنا طايبة

ها النساء مين ذاك خلعينا بكاش طيااااااب شبااااااب يا امينة

مرسي

شكرا لكما على المرور

مليح يا نينا حنا ثاني نديروها كيما انتوما