صحة قهيوتكم لحباب قهوة و لا شاي؟؟؟

تذكير بمساهمة فاتح الموضوع :

سلام عليكم يا اغلى ناس
واش رراكم اليوم؟
واش درتو للقهوة و لا حافية ههههه
انا درت ميلفاي صنع منزلي بصح كليت حاجة وحد اخرى اللي هي زميطة
كيفاش تسموها فمنطقتكم؟؟؟؟

amina كتب:: صداقتي بنهاد و رانيا تاج على راسي.. والأعضاء اللي كانو هنا معرفتكم كنز ... فرقتنا الظروف بصح الحمد لله كامل خلاو أثر طيب ⁦⁩

صح و الله معرفتكم كنز و انت نعزتك خاصة امونة و دايما تمنيت نتلاقاو هههههو الايام اللي قضيناها جامي تتنسى ان شاء الله يكونو كلهم بخير تعرفي جات فبالي سليمة

ان شاء الله نتلاقاو I love you

سليمة قطعت التواصل من كل بلاصة .. بلاك تكون كملت الدكتوراه تاعها ان شاء الله تحن فكاش يوم و طل ههههههه

على بالك رانيا اااايه ياحسراه عندي مدة ماكليتش الزميطة دبري راسك رسليلي حقي ...ونهاد الله يبارك عليك راكي شطووورة كامل هاد الابداعات ماشاء الله امالا صاايي خصنا نزوجوك راكي واجدة للزواج راكي ست بيت ماشاء الله

آلاء ⁦

⁩⁦

⁩ دخلت صدفة لقيت اسمك واش راكي ان شاء الله بخير توحشتك بزاااااف بزاف

الاءووووو اهلا و سهلا يا حلو نورتي المنتدى و الله مرحبا بيك قولينا واش احوالك واش راكي دايرة في حياتك

انا علاه مارحبتوش بيا كما هاك ,,,,,,,,,,كديروها وجوه ,,,,,معليش ,,,,ليام بيناتنا ,,,,,

نهاد كاش روسات جديدة تعلمتيها ولا راكي غير مع القديم ,,,,,ولا القراية راها دايتلك قاع الوقت ,,,,,,,,

هههه مراهش عندي الوقت حتى نحك راسي هههههه الويك اند راني نعيا فيه كتر ما نريح فيه 🥺 الحمد لله و السلام هههه
عندي طلبيات السوفلي و البيتزا كل جمعة تقريبا ولات كيما الطعام في الجمعة هههه مطالبة بها للاسف هههه

الله يكون في عونك ,,,,,,,,,,,,ولاتنسي للجسد عليك حق ,,,,,وسلامته من سلامتك فلا تضيعي حقه ,,, ,,,,,دمتي ودامتك عافيتك

امين يارب بارك الله فيك مختار على التشجيعات

انا من حييت شفت طياب نهاد درت تحدي على نفسي قررت نطيب خير منها واليوم غادي نوريكم واش طيبت اليوم وواش كان هو فطوري والعشوية انتاعي ,,,راني عارف بلي مراكمش غاديين تصدقوا علا خاطر انتوما غياريين ,,,,راني على نهاد والاء,,,,,المهم انا طيابي عجبني وبصحتي وكونترا عليكم

صحة قهيوتكم لحباب قهوة و لا شاي؟؟؟ - صفحة 2 12995410

صحة قهيوتكم لحباب قهوة و لا شاي؟؟؟ - صفحة 2 13010110

صحة قهيوتكم لحباب قهوة و لا شاي؟؟؟ - صفحة 2 13072410

صحة قهيوتكم لحباب قهوة و لا شاي؟؟؟ - صفحة 2 13030410

انا عن نفسي امنت بللي نتا طيبتهم

(ياربي سامحني

)

ها الغيارة لولا,,,,,,,,,ديجا راني عارف بلي غادية تتمسخري ,,,,,وكما قلت قبيلاتين كونترا على الغيارين لميعرفوش يطيبوا ,,,,

Hhhhhhhhhhhh
حتي انا ندير روحي امنت يا الاء ههههه معليش واش نديرو نساعفو

هههههههه,,,هالغيارة الزاوجة ,,,,,,,,,الغيرة واعرة والصدمة كانت قوية ,,,,,,,راني حاسن عونكم

ههههههههههه الصدمة الصدمة

لا ملفاي لا زميطة لا قهوة لا لاتاي ,,,,,راهي ناشفة ,,,,,,الفقر راكم جايبينهالنا ,,,,مشحاحين ,,,,,بسم الله الرحمن الرحيم ,,,

هههههههههه مختار رآها أزمة الزيت و الفرينة رانا نحاولو على الصوالح ههههه

حاولو على صوالح لخرين مشي على كروشكم ,,,,,,الكرش ماتصبرش ,,,,,وممعاهاش اللعب ,,,,انفضو الغبرة على هذوك الدراهم وبينوهم ,,,بركو غير ما تكنزو فيهم ,,,,,,

هههههههههه اواه نتا غي نتاع كرشك يبالى
تنطبق عليك المقولة نتاع على كرشو يخلي عرشو ههههه

قولي لي ,,,,,الزعيمة راها تتفرج في الجزائر في ستاد ولا تسيبورتي غير من التلفزيون ,,,,وين ما يورو وحدة نقعد نشبه فيها بصح مازال طاحت تصويرتها الي راها في راسي على هدوك الي راهم يصوروهم ,,,,,,اذا مادخلتش لاستاد غير قولي لها ,,,الوطنية بدات تروحلك ,,,,

واه مشات ههههههه رانيا متراطيش
بصح مصوروهاش مبانتش كامل ههههه

قوليلها تبدل البلاصة ,,,,,وتجي من تحت مشي من الفوق ,,,,,,المهم بصحتها ,,,,وانشاء الله نشوفها السبت ,,,,وانشاء الله نربحوا ,,,,

» @ماذا يحدث عندما تسقط قطرة حليب في فنجان قهوة ؟؟@