بعد غياب 10 سنوات ...اين هم أعضاء المنتدى العزيز؟

تذكير بمساهمة فاتح الموضوع :


السلام عليكم ورحمة الله وبركاته اصدقائي الاعزاء نتمنى تكونو كامل بخير
حبيت ندير هاد الموضوع نعرفو جديد بعضانا بعد ١٠ سنوات تقريبا كل عضو واش دار في حياتو و واش تغير في حياتو و ماهي العبرة اللي داها في هاد الفترة ... نتمنى نلقاكم كامل هنا
وراح نبدي بروحي:

أكملت دراستي الحمد لله و صرت استادة في مادة الفيزياء الحمدلله بتوفيق من الله طبعا لم أغادر ولايتي و مكان عملي الحمدلله قدام منزلي .... العبرة اللي ديتها في حياتي .. انو مهما تطورت التكنولوجيا في العالم تبقى أبسط الأشياء هي اللي تفرحنا، و كمتال جا الفايسبوك و و و .. لكن بمجرد دخلنا هنا فرحنا و حسينا بحنين للماضي ، يعني كل فترة تمر تكون احسن من اللي جاية فقط يجب استغلالها في الأشياء المفيدة . ... انتظر تجاوبكم بفارغ الصبر 🥰🥰🥰🥰🥰

نهاد غادي نصارحك بواحد الحقيقة مكانش لغادي يقولهالك ,,,,,الرجال اغبياء في الحب ,,,على العموم ,,مكان لا تقارعي منه باش يعطيك واش راكي باغية ولا يفاجأك بحاجة راكي دايرتها في راسك ولا تلقي منه رد فعل الي يخلي العاطفة انتاعك تزيد ويشعلها ,,,,اكبر نقطة ضعف عند الرجل هي المراة ,,,ولكن المصيبة ان اكبر همه هو افراغ شهوته ,,,ولهذا تربنه يجري وراء المشاكسات واصحاب اللباس الفاضح ليس لانه يحبها ولكن لانه يراها سهلة المنال فلا يخدعنك ميله لهم ,,,الرجل الحقيقي المحب هو الذي يرى ابعد من شهوته ,,,,الرجل الذي يسمح لحبيبته مالا يسمحه لاخته ,,,ليس رجل محب ,,,,نصيحة من عجوز اهداني اياها رحمة الله عليه ,,,,قال لي فيها ,,,,,,ياولدي لتخرج خيانة على ابوها تخرج خيانة عليك فلست اعز من والدها ,,,,المهم الزواج مكتوب مراهش اختيار ,,,
امينة تصاويري راه قاع في المقابر ,,,,,تالموا راهم بزاف تخلطت على الجنون معرفوش قاع من يطيحوا ,,,,ايا تفاهموا باش وحدة متدينيش ,,,وقالولهم غاديين نخلوه وحده ,,,,,,دروك راهم صحابي راني نلعب معاهم الدومينوا ,,,,,قالولي مانهلكوكش بصح عندك لاتتزوج ,,,ايا لراها تقرب مني نطردها بلساني عليها وليت عدواني مع النساء ,,,,,,صاي فهمتي ولا مازال ,,,,

ولينا حنا شريرات ياك ههههههههه حنا خواتاتك اليي يحبولك الخير المهم اسيدي غي متعرضتاش مسحقيناش غي كون هاني
و امينة عندها الحق هههههههه اتبرادي جري على روحك ههههه الدعوة راها تخوف

الزعيمة ,,,,,صامط هذا الاسم ,,,,,,وقيلة ماقريتيش التعليق الاخير ,,,,,,,,,نهاد راها معروضة راها بينة حنة يديها ,,,,,,امينة مازال ماشفت حنة يديها راها غير تهدر ,,,,,وانت من دروك مراكيش معروضة مهما كانت حنة يديك ولا رجليك ,,,,,,,,

هههههههه انا شفت حنة يديهم بزوج مكلاه تخسر ا مختار نهههههه

ههههههههههههههههههههه واش راح دير بحنة يدينا واش راح تستفيد

وضرك كيفاه نديرو معاك حتى بلحمر مات

خليها على الله ,,,لراه في المكتوب يكون ,,,,,,كل شئ مرهون بكلمة ,,,,,كن ,,,امينة ,,,,نهار لي غادي نتزوج راه غادي يصرالي كما هاك ,,,

كي يكتب ربي ماتقول لا ندم لا هم يحزنون
قالها خويا قبلك 🤪 (هذا خويا السامط تاع الدار) غير زواج ماتحكيلوش عليه عيات أما معاه بكل الطرق قالها مانتزوجش .. بعدها خويا واحد صغير عليه حاب يتزوج وخاف منو هههههه يحرقلو لاشان قالو روح طريقك مسرحة اذا تستناني أنا يطيحو سنيك .. تزوج وجاب ولاد وهو مازال ... أما ولات تعفسلو على الوتر الحساس تقولو لوكان نموت ومانشوفكش عريس والو رجعت سمطاتو وماتجبدلوش خلاص .. جا وحدو قالها هيا تخطبيلي ماصدقناش حتى عقدو دار عرس الله الله ههه فرحتو كانت كبيرة سبحان الله هذاك العبد السامط كيفاه رجع عندو 2 ولاد والحمد لله راهو مستقر في حياتو

ان شاء الله العاقبة ليك (الزوجة الصالحة ) و تتهنى في حياتك

راكي موالفة بالسامطين ,,,,,,املا الله يفرحه بعايلته هو واخوك وربي يهنيهم وربي انشاء الله يرزقك بالراجل الصالح الي يهنيك انت تاني والله يرضي عليكم الوالد ة,,,,,,

آمين يا رب الله يخليك

ههههههههههههههههههههههههه.......علابالك والله لا قتلتيني بالضحك ,,,,,,شوفي ,,,,,جمعي بين هذي المعادلة .....
1,,,,,,ربي انشاء الله يرزقك بالراجل الصالح الي يهنيك.........قولي انا
2,,,,,,,آمين يا رب الله يخليك,,,,,,,,قولك انت
3,,,,,,,,,,تصويرة البروفيل انتاعك ,,,,,,,,,,مهودة الشابو ,,,,,,,,,,سيرتوااااا في الجواب انتاعك ,,,,الجواب انتاعك مع الصورة انتاعك,,

ما فهمتتش 🧐🧐 فهمني مليح هههه

كشغل راكي قدام خوك ولا واحد من فاميليا وقالك الله يزوجك بالراجل الصالح ,,,ايا انت قلتي امين ,,,وحطيتي راسك من الحشمة ,,,,منين قتلك انا الله يرزقك بالراجل الصالح ,,,,,,انت جاوبتيني بقولك امين ,,,,كشفت كلمة امين شفت تصويرتك انتاع بروفيل بجنبها ,,,,وانت حاطة تصويرة انتاع وحدة لابسة الشابو ومغطية عينيها كشغل حشمانة ,,,,,,ولي لجواب انتاعك انتاع امين وشوفي لصويرة ,,,,,,مرانيش عارف لا فهمتي ولالالالا

فهمت هههههه