عودة اعضاء منتدى شباب الجزائر من جديد

تذكير بمساهمة فاتح الموضوع :

اولا السلام عليكم جميعا و مرحبا بيكم جميعا
اكيد كل واحد فيكم احساسو غريب و هو راجع يفتح المنتدى و يتصفحو بعد مرور سنوااات و اكيد كل واحد غيكم كان يطل على المنتدى من بعيد مرة على مرة متاكدة انا عن نفسي مكةنتش نطل عليه بانتظام و لكن بين كل فترة و فترة نجي نضرب طلة
اليوم قررت باش نرجع للمنتدى و ندمت اللي هجرتو مكانش لازم نفرط فيه لانو قد ما تعبت فيه قد ما كانت عدي ايام جميلة هنا و كونت صداقات من وراء الشاشة فقط مع ناس رائعين و مازالت مستمرة الحمد لله
توحشتتكككككم كلكم ليكم وحشة كبيرة و جامي نسيتكم
مهما الهتنا مشاغل الحياة نتمنى ترجعو طلوا علينا في هاد المنتدى لو مزال عندو خاطر ليكم
نحبكم جميعا و نتمنى تفجروا الموضوع بتعليقاتكم كما بكري ههههههههه Rolling Eyes

هيا ابدا 🤪 أنا فالصيف نطلق كل شحناتي و طاقتي السلبية حتى يجي الشتا نولي لحالتي الطبيعية ⁦⁦

⁩

موضوع: شكلي الجديد 29/8/2020, 22:57

ههههههههههههه عجبتني هادي امونة
مختار رانا ٣ بنات راك بحدك عس روحك ههههه

ههههههههههههههه

الله يدوم الفرحة والضحكة عليكم ,,,,,,,الله يخلي ايامكم كلها سعادة وهناء ,,,,,,والله غير هذا الي كنا نحوسوا عليها الواحد كي يدخل المنتدي يفاجي على روحه شوية يحكي على همومه ,,,,يضحك ’’يزعق ,,,يعاير ,,,,يدير قاع الي في خاطره ,,,,,,شكراااااا لرجوعكم ,,,دامت عليكم الافراح

امين يا رب يدومها علينا و عليك ان شاء الله ربي يفرحك انت تاني
و الله صح المنتدى ماشي كيما الفايسبوك تحس روحك راك فدارك و تحكي بكل حرية ههه رجعنا لعائلتنا

السلام عليكم ...كيف حالكم .توحشتكم بزااااف
بالفعل امر غريب جدا وشعووور تصفح المنتدى بعد سنوات اغرب
سبحان الله كيفاش الايام تجري جريان مو معقول شكون كان يقول بعد عشر سنوات نرجعوا نتلاقاو في بيتنا القديم للي الحنين اليه لم يفارقنا كلما تبادر على اذهاننا ترتسم الابتسامة على شفاهنا لانو ببساطة جمعتنا فيه اخوة وفرح ومرح واستفادة وثقافة وكل شي جميل ...ولكن للاسف مع العصرنة والتكنولوجيا التي اجتاحت حياتنا لم يبق له مكان وهجرناه ولاننسى ايضا مشاغل الحياة كل واحد فينا داته دنيا لجيه ...نتمنى تكونو بخير وعلى خير .

مرحبااااا بيك الاء ,,,,عودتك تسعدنا ,,,,واهلاااا بك في بيتك الثاني ولا الثالث ولا الرابع ,,,,,انت عندك شحال من بيت ,,,,,,مراناش عارفين واش من بيت رانا فيها ,,,,,,المهم راني نتاكد بلي البيت انتاع البنات مرانيش فيها ,,,,راني عارف عارف بلي راكي دايرتني في لا كاب ولا في كاش قنت هامل ,,,المهم غير مشقاش طردني وصاي ,,,,,مرة اخرى مرحبااااا بيك ,,,,بصح بيني وبينك ,,,,,البنات قاع ماتوحشوكش ,,,,وقالولي تهنينا منها ,,,مرانيش عارف واش راكي دايرتلهم ,,,,,المهم انا نهدر غير الصح ,,,,,ولا لا البنات انا نقولها في العين مشي كما كيفكم تهدرو في الضهر

مختار قول بسم الله بعدا دراكت بديت تمنشير احوجي
الاء انا عيطلتهاديييجا بركا مدبر السبايب🧐🧐🧐🤬🤬🤬

الوءة مرحبا بيك حبيبتي نورتي المنتدى ... توحشنا طلتك الحلوة نتمنى نرجعو كيما قبل
بصح واش نقلك انا نلم فيهم و مختار يهجر فيهم مصبت كي ندير معاه

هههههههههههههههههههههههههههههههههههههههههه,,,,,,ماتبغوش الي يقول الصح ,,,,,,المهم هذي الاء راها عارفة خرايب الدار ,,,,املا غير كوني هانية ,,,وراها عارفتني نقول غير الصح ,,,,,, Very Happy

مرحبا بيك الاء حبوبتي مرة أخرى في بيتك و نتمنى الكل يرجعو و نعرفو على الأقل اخبار بعضنا و نطمنو على بعضنا و مختار لا تزعل البنوتات لاعطيك بلوك فنص الجبهة ههههههههه ها استعقل شوية ها بن عمي مالك

علابالك زعيمة قيدتي حريتي في الكلام راهم كلماتي نخمم فيهم الف مرة باش نكتبها ,,,,,المهم ديري رايك ,,,,بصحتك ,,,ماعندي ماندير

Hhhhhhhhhhhhhhhh

نهاد ,,,,,,تعجبك كي نتبهدل ,,,,, ,,,,واش راني دايرلك ,,,,

السلام عليكم
بعد غياب دام حوالي 08 سنوات اليوم كتب ربي ورجعت للمنتدى
ان شاء الله تكونو بالف خير

YOUCEF cOnStAnTiNe كتب:: السلام عليكم
بعد غياب دام حوالي 08 سنوات اليوم كتب ربي ورجعت للمنتدى
ان شاء الله تكونو بالف خير

مرحبا بيك يوسف خويا نورت و فرحت برجوعك الحمد لله بخير الله يسلمك و انتو اخباركم ان شاء الله بخير؟ واش اخبار مهدي وصلو السلام و قولو ابواب المنتدى مزال مفتوحة الا تحب طل عليهم ههههه

مرحبااااا بيك خويا يوسف واهلا برجوعك ورجوع انصافووو بلغلها السلام بزاف توحشنا طلتكم وطلت باقي الاعضاء الغايبين

اهلا و سهلا و مرحبا يوسف والله فرحت كي جيتوو انشالله تكونو كامل بخير بالبركة عليكم البنوتة تتربى في عزكم ان شاء الله ، كيما قالت رانيا نتمنى مهدي حتى هو يلتحق ادا راه مليح و يسمحلو الوضع يجي سلم عليه بزاااف

سلام نتمنى راكم لاباس خاوتي
تفكرت ليامات يا حصراه كبرنا ليه ليه...

مساء الخير عليكم كامل نتمنى تكونو بخير تخلطت المشاعر بين فرحة لرجوع مرة اخرى للمنتدى اللي عدينا فيها اجمل اوقات وبين الحيرة وبين الدهشة .... صح خانتني الكلمات ومستحيل نقدروا نعبروا على واش رانا نحسو بعد مرور سنوااات
المهم ان شاء الله تكونو كااامل بخيير ويعطيكم الصحة كامل اللي سقسيتو عليا

واه يا يوسف شكون قال نرجعو نتلاقاو في المنتدى هادا من جديد و كل واحد واش راه داير فحياتوووو و وين راه ربي يوفق الجميع والله

انصاااافوووووو يا هلا يا هلا نورتي المنتدى حبيبتي
ايه و الله شعور لا يوصف ليااام كاش فاتو

Nihad كتب:: انصاااافوووووو يا هلا يا هلا نورتي المنتدى حبيبتي
ايه و الله شعور لا يوصف ليااام كاش فاتو

اهلا بيك حبيبتي نيهادو ربي يفرحك انت اللي لازم نشكروك ونشكرو رانية خلتو اعضاء يرجعوا يتلموا من جديد yechtah

يوسف مرحبا بيك وراني وحدي خو راهم حاقريني ,,,,,,,,الحمد الله لرجعت ,,,هذو لبنات راهم كبروا وتعلموا الهدرة وراهم يردو الصرف ,,,املا خويا غير ماتفوتنيش بالصح ولا بالكذب ,,وياجدك الكذب فيهم حلال ,,,,اذا قلت القمر طاح كل واه ,,,,وانا تاني كوني هاني من جهتي ,,ماتخليهمش يغيبوهانا ,,,املا ماتحشمنيش ,,,,,

» الى كل اعضاء و زوار منتدى شباب الجزائر الصفحة الجديدة
» منتدى شباب الجزائر
» خريطة منتدى شباب الجزائر
» إلى أعضاء منتدى شباب الجزائر
» النظارات لشباب منتدى شباب الجزائر