من صابني سلطان نحكم فالغاشي

من صابْني سلطانْ
نحكم فالغاشي
انخلّي الشّعب ابجيهْ
و نحكم فيك
غير انتي

انجرّيك،انجرّيكْ
فالصّحرا حتّان تعّطشي
او مانعطيكش
الما،حتّى اتقولي انحبكْ
اوبلاكي تغلطي

هاي اجّي من قلبكْ
انتي
الّلي زهرك اصحيحْ
أنا اللّي زهري راشي
أنا اللّي عطشانْ والما في
يدكْ
لمن صاب طريق اتردني للماضِي
اواش اللّي درتو في خاطرك نمحيهْ
انعاود
مآلّلول وانعاود وحدِي
ما نعرف لغرام،ما نتكوى بيهْ
انتي في هاداك،
وانا في هادِي
ولْجرح اللّي فْلقلب،ليّام ادّاويهْ
لمن صاب
ادوا إداوي اندامَة
انداوي قلبي،عَلْحب اللّي فاتْ
عندو ماقاسَ،في
اهواك يالْهايمَة

الغاني ربّي،و انتي المال اغواكْ
العهد اللّي
كان،درتيلو سومَة
يادرا اشحال بعتيهْ،يادرا اشكون اشراكْ


كلمات رائعة من الشعر الشعبي لكاتبها ياسين اوعابد