العضو مختار على كرسي الاعتراف..

تذكير بمساهمة فاتح الموضوع :

معليش نريح فيه شوية ......بصح كاينة حاجة ...غادى نتفاهموا عليهاااااااااااااااااا....انتما غاديين تسقسوا وانا نجاوب ....بصح تحملوا نتيجة الأ سئلة نتاعكم .....مشى كواحد ميعجبهش الجواب يزعف ..........اياااااااااا ......لعنده الكوراج يسقسى

أمينة .....الحزن ....والله يا امينة كتاباتك فى الشعر والخواطر هي اللتى جعلتنى احكم عليك بانك غير سعيدة فى حياتك ......تحبين الشعر اللدى يحكى عن ا لأهات والام واحزان وأشجان .....
أمينة قد تكون مرت عليك ايام حزينة وقاسية ......ولكنها طبعت قسوتهااا فى قلبك واصبحت نضرتك للحياة خالية من أي نوع من الأمل والحب وفجر جديد مشرق ربيعى .......
أتصورك هكدااااا وغن كنت أخطات فلى أجر واحد وإ ن أصبت فلى أجرين ......
هل من اسئلة ايهاااااااااااا الكسالى ..........................

100% صح


شكرا مختار ، بصح تبدلت نظرتي للحياة ، وان شاء الله يبعد علينا الأحزان والآهات

امين يارب العالمين ...............نبغولك غير الخير ........بصح خدوا حدركم ............

1.ماذا تعني لك الحياة
2.ماذا تعني لك الاخرة
3.مادا تعني لك الصداقة والاصدقاء
4.ماذا تعني لك الاحلام والامال
5. في حياتك اليومية..شخص واحد ..من هو اكثر شخص ترتاحله تحكيله وتشكيله
6.من ستختار ليمسح دموعك ..مثلا صديقك او امك او من
7.لو خيروك بين حبيبتك بين اعز صديق من تختار
8.هل يمكن ان تجرح انسان على حساب عزتك وكرامتك ..ولاتتنازل لتعتذر
9.هل تهتم لمشاعر الناس.....وتعطيهااهمية
10.لو جرحك احدهم بكلام قاسك..واش دير تهدرله ولا تقول ربي يهديه وتسكت
11.مارايك بالمثل القائل..لا تكن قاسيا حتى تكسر ولاتكن لينا حتى تعصر
12.انت تهوى النقد وعندما اقول النقد لا اقصد السلبي فقط حتى الاجابي فاين تجد نفسك

1.... ماهو اقتراحك الذي تتمنى ان يحدث في ا لمنتدى ولم يحدث
2.عادة او طبيعة فيك تفعلها دائما تتمنى ان تتركها
3.ما اجمل اسم ولد واسم بنت في رايك مكان له تقولي مختار
4..المرة اللي بكيت فيها وقتاش وعلاش

ماذا تعني لك الحياة.........محطة للعبور لدار الأخرة.........بمعنى لاشئ
.ماذا تعني لك الاخرة.........كل الشئ ........وخاصة الجنة
.مادا تعني لك الصداقة والاصدقاء.......شئ لا تقدر بثمن ....ولا تشترى ..واالحمد لله رزقنى الله بهم
.ماذا تعني لك الاحلام والامال.......شعور وإحساس جميل ....للتنفيس عن مشاكل الدنياااااااااا ...وهمومهاااا
في حياتك اليومية..شخص واحد ..من هو اكثر شخص ترتاحله تحكيله وتشكيله .....هناك صديق لى إسمه هشام
من ستختار ليمسح دموعك ..مثلا صديقك او امك او من.....من المستحيل ان تسقط دمعة لى ولى ....ومن المستحيل المستحيل ان أترك أحد ليمسح لى دمعة ...........
لو خيروك بين حبيبتك بين اعز صديق من تختار.....أستطيع ان اجد حبيبة ....ولكن من المستحيل ان اجد صديق عزيز ..............
هل يمكن ان تجرح انسان على حساب عزتك وكرامتك ..ولاتتنازل لتعتذر........لا أحب احد ان يرمينى فى عزتى وكرامتى .....واجرحه لة تطلب الأمر ........ولكنى اعتدر .......لأننى اضن اننى وصلت له الرسالة لكي لا يعيدهاااااااااااااااااااااااااااااا
هل تهتم لمشاعر الناس.....وتعطيهااهمية .................ليس على حساب الحق وألأسلام والحقيقة
لو جرحك احدهم بكلام قاسك..واش دير تهدرله ولا تقول ربي يهديه وتسكت .....على حساب مكانته ومقامه ...فمثلا لو كان شخص قريب أو كبير او من العائلة المقربة ......أسكت ولا أافعل شئ
ولكن غير دالك ............أجيبه على حسب كلامه
مارايك بالمثل القائل..لا تكن قاسيا حتى تكسر ولاتكن لينا حتى تعصر.....لم اسمع به ولكنه يعبر عن الوسطية فى سلوكيات المرأ..........
.انت تهوى النقد وعندما اقول النقد لا اقصد السلبي فقط حتى الاجابي فاين تجد نفسك.......فى بداية المشوار أتعلم منكم ..............
قد تعتبرونى إ نسان قاسى غير مبالى بمشاعر ألأخرين ..وأجرح مشاعركم ...و....و...و..ولكن والله هي قسوة أبوة ......عندما يضرب الأب أبنائه ويقسو عليه ليس معناه انه يكرههم او غير مبالى بمشاعرهم ولكنها قسوة تعبر عن خوف عليهم وتعليم وتوجيه ........والله اعلم بما فى أنفسنا...................
.... ماهو اقتراحك الذي تتمنى ان يحدث في ا لمنتدى ولم يحدث.....اشياء كثيرة .....
.عادة او طبيعة فيك تفعلها دائما تتمنى ان تتركها........اترك هدا جواب لنفسى
ما اجمل اسم ولد واسم بنت في رايك مكان له تقولي مختار........والله مارانى عارف ...المهم كل أسماء جميلة ........
المرة اللي بكيت فيها وقتاش وعلاش..........تباكيت ولم ابكى ....فى جنازة عمى ....فانا للأسف قليل الدموع ....أو بمعنى لا أملك منها ....شئ ......
شكرااااااا لك يا الاء كانت أسئلة جميلة واستمتعت بهاااااااااااا ......هل من مزيد ....

1.كي نقولك الجزائر.واش تقول
2.حاجة حبيتها تتصلح في بلادنا
3.لوكان عينوك رئيس للجزائر اول حاجة ديرها واول مشروع تقوم به واش هو
4.السياسة ..واش رايك فيها..تفهمها ولاخاطيك وخاطيها
5.لوكان عندك زر supprimer في هاد الدنيا واش تمحي
6.ماهي ولايتك وكيفاش توصفها
7.لوكان يقولولك غدوة تموت ..واش تكون ردة فعلك..واش دير
8.تخيل طبطب الباب حليت لقيت الرسول صلى الله عليه وسلم..واش دير واش تقوله...ردة فعلك...سؤال افتراضي لاغير
9.كيفاش يكون شعورك وقت الي يوصفوك بصفة شينة ماهيش فيك
10.هل تحرص على صلاة الجماعة ....اوتتهاون عن ادائها في المسجد
11.هل تصلي كل يوم الفجر في وقته
12.نصيحة تقولها للناس لمايصلوش واش تقول
13.نصيحة تقولها او كلمة توجهها نابعة من قلب مختار لكل من الاعضاء
رانيا.....
نهاد....
نينا....
ديدي...
يوسف قسنطينة....
يوسف الشلف..
امينة...
هاجر....
مهدي....
مروة....
الاء....

.كي نقولك الجزائر.واش تقول .....راهى عايشة فى فوضى .........
حاجة حبيتها تتصلح في بلادنا ........كل شئ لا زم يتصلح فيهااااااااااااا
لوكان عينوك رئيس للجزائر اول حاجة ديرها واول مشروع تقوم به واش هو......نحى مجلس النواب ومجلس الأمة ......ونخرج الجيش للمدن وغير لى مغلطتش .......نولى ديكتاتورى ....
السياسة ..واش رايك فيها..تفهمها ولاخاطيك وخاطيها.....نحبهاااااا بزاف .....بصح ليحب يفهمهااا لازم يكون قريب منها .....من السلطة .....
لوكان عندك زر supprimer في هاد الدنيا واش تمحي.....نمحى كل معصية لا يحبها الله
ماهي ولايتك وكيفاش توصفها.....سعيدة .....مدينة كانت جميلة ....
لوكان يقولولك غدوة تموت ..واش تكون ردة فعلك..واش دير......امنية أحبهاااااا جداااااااااااااااا....طبعاااا الأستغفار والتوبة ......وطلب السماح من كل أي احد
تخيل طبطب الباب حليت لقيت الرسول صلى الله عليه وسلم..واش دير واش تقوله...ردة فعلك...سؤال افتراضي لاغير.........نهرب منه ....ماعنديش الوجه ليقابل رسول الله ....
.كيفاش يكون شعورك وقت الي يوصفوك بصفة شينة ماهيش فيك......عادى ...شئ متوقع ورانى موالف بهاااااا..................
هل تحرص على صلاة الجماعة ....اوتتهاون عن ادائها في المسجد.....مرات على حسب الوقت ليكون عندى وعلى حساب الخدمة ............
هل تصلي كل يوم الفجر في وقته......ليس بشكل يومي ........
.نصيحة تقولها للناس لمايصلوش واش تقول....نقولهاااا للناس ليصلوا ....اخشعوا فى صلاتكم
رانيا.....نهاد....نينا....ديدي...يوسف قسنطينة....يوسف الشلف..امينة...هاجر....مهدي....مروة....الاء....
أوصيكم جميعااااا وبنفسى .....بتقوى الله ....والتمسك بسنة رسول الله ......والعزة بالأسلام ...لا يجب ان نخجل بكوننا مسلمين ....او اننا نصلى ...او نلبس الحجاب ...او نخاف الله ....
لا يجب ان ننضر للموضة وإلى الغرب على أنه هو الصح ونحن على خطأ
لا يجب ان نهزا بأنفسنا أمام شخص يملك المال ......
لا يجب ان نحقر انفسنااااا لأننااااااا لا نملك المال .......................
عشوا بشرف وبعزة ولا تعيشوا من اجل المال والكسب والمظاهر ...
عيشو حيا تكم لترضو بها الله وليس لترضو بها الأ نسان .....لأن الأنسان ميت والله حي
إسالوا أنفسكم أولا قبل فعل شئ أو قوله .....وقولو هل هدا العمل يستطيع فعله إمام مسجدنااااا
إن كان نعم فاعملوه وإن كان لا فتجنبوه .........
إسالوا أنفسكم هل أستطيع ان أتكلم مع رسول الله فى هدا ألأمر ....بدون خجل .....
خلق الأنسان على فطرة ألأسلام ......فأسألوا أنفسكم أولااااااااااااااااااااااااااااااااااااااااااااااااااااااااااااا
شكراااااا لك الاء.............وأنتضر المزيد منك ..............

خويا مختار من كل قلبي شكرا لك على الاجابة وخصوصا اجابتك على السؤال الاخير
التي ابهجت قلبي ..احسست بصدق كلماتك ..وروعة نصائحك
انا لا امدحك ولكن ....مدام كاين ناس ينصحو الناس ويحبو الخير..الدنيا مزالها بخير
الوقت اللي نشوفوالناس تشوف الباطل وتسكت عليه
وللا الناس تشوف صاحب الحق يظلم وتسكت ....
وللا ناس ...تشوف المنكر .صاري
ومايحاولوش يبدلوه حتى باضعف الايمان اللي هواللسان الوالقلب
تما نقولو الدنيا مراهيش بخير وماولاتش تعجب
بصح دايما نقولو لاحياة مع الياس
كيما نتا راك تنصحنا وتخاف علينا
انا تاني حبيت نعطيك اول نصيحة نقولهالك ...هي شوف الدنيا من الجانب المشرق
وماتشوفهاش من الجانب المظلم
حتى تعيش حياة سعيدة..الجانب المشرق هو..راحنا عايشين في كنف الاسلام مزال كاين صحاب الخير
مزال الجوامع يعمروا في صلاة الجماعة
راحنا عايشين في بلادنا في حرية مرحناش مقيضين
نديرو واش نحبو نمشو وين نحبو
شوف خاوتنا في غزة كيفاه راهو عايشين واحد يقولك كي يشوف مصيبة او همومالناس تهون عليه همومه
انا راني نقول هاد الكلام على خاطر حسيتك مليت من الدنيا كرهتها
قلتلي اكبر امنية انك تموت غدوة ..قول استغفر الله
الموت علينا حق ......وهاد الدنيا فانيا .
نتا ميت ميت درك وللا من بعد
ماشي نتا اللي تقرر وقتاش تموت ..حنا مرانا غير امانة وقت اللي مولى المانة يبغي يديها يديها
قول هاد الدعاء اللهم احييني ماعلمت الحياة خير لي في دينيو دنياي ومعاشي وعاقبة امري ..وتوفني ماعلمت ان الموت خير لي في ديني ودنياي ومعاشي وعاقبة امري
هاد الكلام موجه موجه ليك بصفة خاصة وللجميع بصفة عامة
ربما اكون لم احسن الكلام او التعبير ولكن ما ان امتاكدة منه و اني ستخونني الكلمات ولن تكفيني الصفحات
لاعبر عما بداخلي ..او اوصل نصائحي
المهم و ان نحمدو ربي ونشكروه على النعم التي انعم بها علينا التي لا تعد ولاتحصى
ونحمدو ربي على كل يوم يفوت علينا نكونو حيين
باستطاعتنا ان نفعل الخير فيه ..بكل ما اوتينا من قوة ونعبدو ربي فيه على خاطر حنا تخلقنا ماشي باش نعيشو حياتنا على هوانا وكيفنا
وانما السبب الرئيسي هوعبادة الله
اعتذر...عن الاطالة.واعتذر عن كتابة هاته الكلمات في غير مكانها المناسب
قلبي من كتب هاته الكلمات وليس اناملي...فعذرا منكم
وشكرا لك ..يامختار...ونتمانالك التوفيق في حياتك....اعمل لدنياك كانك تعيش ابدا واعمل لاخرتك كانك تموت غدا ...

شكراااااااااااا لك يا الاء على نصائحك ....ولكن لست بشخص متكئ على مخدة ينتظر الموت فى كل ساعة ..............بل بالعكس اعمل وأنشط .وأتحرك كثيرااااااااا واضحك وألعب وعايش بواحد السعادة كبيرة ....حياتى بسيطة جميلة رائعة .....اعيش كل لحظة فيهااااا .....و أصنع المناسبات لتلتقى فيهاااا العائلة لتمضية السهرات فى الضحك واللعب .....لست شخصااااا متشائمااااا ولكنى أكره الدنيااااااااااااااااااااااااااااااااااااااا...........لأن هناك من هو اجمل منهااااا بالاف المرات وهي الجنة ....والموت هو الطريق للوصول إليهاااااااااااااااااااااااااااااااااااا ...هل فهمتى ماأقصد يا ألاء .....فانا أحب الموت ليس فى جماله بل لأنه الوسيلة الوحيدة للأنتقال .....فهو باب بين الدنيا والجنة ....فلو فتح الباب ورأيت الجنة فهل ترظين العيش فى الدنياااااااااا............والله ستجرين جرياااااااااااااااااا ولا تبالى بأحد فى الدنياااا ولا تهابين دالك الباب ........بغية الوصول لدار الخلود ودار النعيم ....
المهم شكلراااااااااااااا لك يا الاء .........هل من أسئلة

رجعتلكم

كيف حالكم ان شاء الله بخير

الاسئلة الجديدة


تكون سعيداً عندما تسمع شخصاً يتحدث عن صفات أحد اصدقائك الحميدة ؟


أتسأل الأفراد الذين معك في الحجرة او الحافلة متلا قبل فتح أو غلق النافذة ؟؟


هل تقوم بنجدة أي صديق أو شخص حتى لو كان ذلك يضيع وقتك ؟؟؟


هل تتضايق حين يقاطعك أحد وأنت تتكلم عن نفسك ؟؟؟


على اي اساس تخير اصدقائك؟


انت شخص اجتماعي ؟؟؟؟

العضو اللي راك معجب بيه ؟؟

العضو اللي معجبكش ؟؟؟


وداعا ؟؟؟ ههههههههه
راح نرجع سلام

تكون سعيداً عندما تسمع شخصاً يتحدث عن صفات أحد اصدقائك الحميدة ؟......هدا قاع مشى سؤال
أ سمحيلى ......................سؤال أنتاع واحدة حابسة ......بمعنى سؤال غبي
أتسأل الأفراد الذين معك في الحجرة او الحافلة متلا قبل فتح أو غلق النافذة ؟؟.......هدا تانى ...وقيلة مشرابتيش دواك اليوم ..............
هل تقوم بنجدة أي صديق أو شخص حتى لو كان ذلك يضيع وقتك ؟؟؟.......إدا كان هدا الصديق هو أنت ......نزيد نوسع الحفرة .......ولا نعاون نخاين .....
هل تتضايق حين يقاطعك أحد وأنت تتكلم عن نفسك ؟؟؟ .......طبعااااااا أتضايق ....
على اي اساس تخير اصدقائك؟......على اساس سلامة قلبه ....
انت شخص اجتماعي ؟؟؟؟.....طبعااااااااا وأحب مشاركة الغير
العضو اللي راك معجب بيه ؟؟......من أي ناحية ......عقل ...ثقافة ...جمال ...دوق...علم...
المهم كل واحد وله مايميزه ..............
العضو اللي معجبكش ؟؟؟.......واحد مانعرفش سماهاااااا كانت مسمية روحهاااا بوحد الأسم انتاع شناوة مرانيش عارف واش راهى حاسبة روحهااااا ....مرانيش عارف لا شنوية ولا جزائرية ولا واش المهم كهي كسماها كعقليتهاااا كوجهااااا منعرفاهش بصح باين بلى كوجهك .....ا.ا غلطت .....كوجه رانيا المتكبرة لتسكن حدا هديك المصفارة انتاع بيبااااااااااااا صحبة نهاد المشحاحة لتعرف أمينة الحابسة جارة نيناااااااا الكحلوشة وليقطعوا فى الاء الواعرة على خاطر مروة الشريرة ..........................يالطيف منكم .....بسم الله الرحمن الرحيم ......
كاش اسئلة يالحابسين ....................بنات اخر زمان ..............ههههههههههههههههههههههههههههههههههههههههههههههههههههههههههههههههههههههه

ههههههههههه ربي يهديك يا مختار

راح دير الفتنة بين لبنااااات ، اللي يشوفك تنصح فالدين خااااااااااااااااااصة موضوع الحب ، ومن جهة اخرى التمنشير يا بن عمي


هيا عبر ولخص و .... تهلى هههه

السلام عليكم ورحمة الله وبركاته
كراك مختار
1.كي نقولك العولمة ....واش تقول...يعني مفهمومك العام عليها
2.مارايك في ظاهرة التسول اللي كثرة في بلادنا...اريد رايك بصراحة هل اصبحت مهنة.اوحقا لكثرة الفقر والحاجة
3.كي تتصدق كدير تعرف المحتاج ملي ماشي محتاج......واللا غيرتتصدق متحوسش تعرف هدا يستاهلها وللا ميستهلهش
على خاطر كيما تعرف الصدقات لاهلها ذكرهم ربي في القران
4.مارايك في سكوت العرب .بخصوص القضية الفلسطينية
5. .راني نهدر على القادة العرب
من وجهة نظرك واش خصهم يديرو باش يغيرووووفي الوضع الفلسطيني ولو بالقليل
6.لوكان يقوللك تمنى امنية واحدة درك تتحقق في حياة الدنيا ....
7. لوكان عندك الملاير ..دراهم بزاف واش دير بيهم .حقيقة
لوكان مثلا دير منتدى انت المدير واش راح تخير الاسم 8.

الحمد لله وانت ..........راكى غاية ..............
كي نقولك العولمة ....واش تقول...يعني مفهمومك العام عليها....شوفى قريت واحد المعلومة عن العولمة تشرحهااااا غاية .....ديانا البريطانية كانت تحب واحد مصرى وماتو فى فرنساااا وكانوا راكبين سيارة ألمانية وكان السائق باكستانى ....ولصورها كان من دولة أخرى ......و...و....و....
مارايك في ظاهرة التسول اللي كثرة في بلادنا......أصبحت حرفة مقننة ولهاااا قانونهااا ووسائلهاااااا ....
كي تتصدق كدير تعرف المحتاج ملي ماشي محتاج......انا على العموم نبغى نتصدق على الدرارى ولا نخلص الماكلة ....مثلا كى نكون فى مقهى ويجى واحد يطلب نخلص عليه قهوة بصح باش يديهم دراهم محال .................
مارايك في سكوت العرب .بخصوص القضية الفلسطينية.....والله مراهش سكوت ...وإنما مابيد حيلة
نحكيلك قصة عندى ولد عمتى يدرب فى شرشال المدرسة عسكرية ...عنده 12 عام ...هدى المرة جابوله واحدين فلسطنين باش يدربهم ....بقى يتكلم مع واحد وبقى يداسر فيه أملا فى عمره 21 عام قاله رانى نبنى ورانى فى الدور الثانى ودارهم من خدمته ....وانا وليد عمتى مسكين الكرية مالقاهاش .............فهمتى علاه راهم ساكتين على خاطر راهم عايشين خير مناااا .......هدى حقيقة .....وسكوت العرب ليس خوفاااااا من اليهود بل خوفا من أمريكااااااا
وحتى الشعب فيه غير تشراك الفم ماعنده مايدير ......قولى شكون يروح الفلسطين يروح يجاهد شوفى شحال يروحوا .......والله غير تشراك الفم ..........
من وجهة نظرك واش خصهم يديرو باش يغيرووووفي الوضع الفلسطيني ولو بالقليل ....المشكلة مراهيش فى فلسطين العرب كامل راهم مستعمرين مكانش دولة قادرة باش تواجه .....على خاطر معندناش باش نواجهوا ....لا سلاح.....لا علم ....لا إقتصاد.....لا ثقافة .....لا والوا ....وحتى البترول لكان مايشروهش علينااااااا .....أحنا نموتو مشى هما .......
إن الله لايغير بقوم حتى يغيروا بأنفسهم ..............................
لوكان يقوللك تمنى امنية واحدة درك تتحقق في حياة الدنيا ....نكون فى علم أينشتاين
لوكان عندك الملاير ..دراهم بزاف واش دير بيهم .حقيقة.......الجزائر مراهيش مكان ليخليك دير دراهم كبار من الحلال .....المهم لكان عندى ندير مؤسسة علمية مختصة عن البحث عن الأدمغة العبقرية .....تشجيع المخترعين وتحقيق إ نجازاتهم ..............
لوكان مثلا دير منتدى انت المدير واش راح تخير الاسم 8........نسميه منتدى العباقرة ....ربما يجلب بعض الناس العباقرة ...........

اولا شكرا على الاجابات ثانيا احترم اسئلة غيرك مهما كانت حابة هههه انا حابيت نوعلك في الاسئلة باه نطرقوا لكل النقاط وكل الجوانب وهذي الاسئلة لي احتقرتها تبين التفاصيل الدقيقة اللي اغلبيتنا مانديروش عليها بصح مهمة اوكي وزيد شوية مع شوية يديروا بزاف ولكان اني غالطة قولي يا اخي الكريم

ثالثا كنت كاتبة اسمي بالشنوية لتغيير فحسب باه نكسر الروتيين ولكان تحب الروتين قولي وزيد انت تعرف واش كنت كاتبة بالشنوية اني ماش نكتب برك حروف وخلاص اي عندوا معنى

رابعا انا نعتز كي يقولوا شحص فيك قص باه نصلحوا ومانبقاش حابسة فشكرا لك هههه

خامسا اريد ان اسالك علاه في رايك بنات المنتدى برك الحابسين ولا فيهم مشكل في رايك شباب المنتدى مافيهمش نواقص؟؟؟؟


سادس شكرا لك اخي العزيز تقبل خالص تحياتي

مساء الخير على الجميع

راني نشوف في نشاط كبير في الكرسي و حتى الاسئلة و الاجوية عجبوني بزاااف

للاسف انا منجمتش نشارككم من الاول كنت مشغولة شوية بصح معليش اني جيت..

مختاااااار...شحال كان في عمرك يوم صمت رمضان كامل؟؟؟

شحال طولك و شحال تلبس في سباطك؟؟

منين كنت تقرى كنت دايما تلبس الطابليي؟؟ ووين كنت تجمع في الاخير و لا في الاول؟؟كنت مشاغب و لا عاقل؟؟كنت تلميد مجتهد و لا خااايب؟؟

و شحااال كانت علاماتك؟؟ و هل دوبليت و لا جامي؟؟

و ادا اتيحت لك الفرصة مرة تانية باش تدرس في الجامعة هل تدرس وواش تخير كاختصاص؟؟

لو يقترح عليك منصب شغل؟؟ واش تخير بمعنى واش تحب تخدم؟؟

و ادا اقترحوا عليك تشتغل كنااااس في الخارج ب2000 يورو هل تقبل؟؟

لوكان تلتقي بميغرية فيها كلشي قبيح و شينة بصح عنها الدراهم و تديك معاها للخارج و كلشي عليها الفيلا و اللوتو و كلشي....؟؟

و لو في يوم من الايام على الصباح تكون خارج من الدار و تلقى واحد مرمي على الباب و مقتووول واش تكون ردة فعلك وواش دير و كيفاش تتصرف؟؟

اكتفي بهده الاسئلة رغم انه لدي الكثير لكن حتى تجاوب على هادو نزيدك ان شاء الله..

1........شكراااا ديدى على جوابك اللدى كان فى المستوى وكان لبقااااااااااااااااااااااااااااااااااااا.....
2..........الزعيمة.............................
مختاااااار...شحال كان في عمرك يوم صمت رمضان كامل؟؟؟............والله مارانى حاصى ..المهم صمته صغير .........
شحال طولك و شحال تلبس في سباطك؟؟.................1.70............نلبس 40.....
منين كنت تقرى كنت دايما تلبس الطابليي؟؟ ووين كنت تجمع في الاخير و لا في الاول؟؟كنت مشاغب و لا عاقل؟؟كنت تلميد مجتهد و لا خااايب؟؟......كنت دايمااا نلبس الطابلية ...والله كنت نجمع فى ألأخير ....
كنت مشاغب بصح من النوع إلى يقرأ ونشط ومشارك ..............
و شحااال كانت علاماتك؟؟ و هل دوبليت و لا جامي؟؟....فى الأساسى كنت 1.....6 ومن 7...9...كان المعدل أنتاعى فوق14......وفى الثانوى كان 9.....10....ودوبليت فى الباك مرة واحدة وربحته فى العام الثانى ...............
و ادا اتيحت لك الفرصة مرة تانية باش تدرس في الجامعة هل تدرس وواش تخير كاختصاص؟؟.....
محال لا نزيد ندرس ..........
و يقترح عليك منصب شغل؟؟ واش تخير بمعنى واش تحب تخدم؟؟.....نكون قريب من السلطة ....
و ادا اقترحوا عليك تشتغل كنااااس في الخارج ب2000 يورو هل تقبل؟؟.........الخارج قاع مانحبهش ولوكان يعرضوا علياااااا الملايير ................نحب بلادى ....غير إداكانت المكة ولا المدينة ...
لوكان تلتقي بميغرية فيها كلشي قبيح و شينة بصح عنها الدراهم و تديك معاها للخارج و كلشي عليها الفيلا و اللوتو و كلشي....؟؟.......الله يرحمبوك مرانيش سلعة ننشرى بالدراهم ومرانيش إنسان ليبيع روحه أنا أصلا نكره الميغريات ...ونكره العيش فى الخارج ....ونكره ليحب الدل ..و ليبيع عزته على خاطر الدراهم .............
و لو في يوم من الايام على الصباح تكون خارج من الدار و تلقى واحد مرمي على الباب و مقتووول واش تكون ردة فعلك وواش دير و كيفاش تتصرف؟؟.......نعيط لا بوليس ونقول الله يرحمه ....واش أندير ومرة واحدة أحنا طاحت من باطيمات وشته ميتة قدامى .....راكى عارفة نحبوا نتفرجوا ....وفضوليون ......................
زيدي كاش أسئلة وغير ماتحشميش ...............................

اوووك شكرا ليك على اجوبتك مختار..

حياكم الله
اولا وشو اخباركم يالمعودين والمعودات ترى الكم وحشه وربي
اقول مختارروووو
وشو هالجاه والاسئله كلها خبلت راسي يالمعود تقولشي امير او سلطان وانت يا حليلك لا عاجبك العجب ولا الصيام برجب وكل اجوبتك عم تحش في الخلق حش افاااا عليك انا قلت اسيبك كم شهر اجي الاقيك عقلت وربيت دقن ترى ماسويت اشئ منهم
واحلى اشئ منك انو مختارووو لا يؤتمن على مدري وشسمه ههههههههههه
والله الاعتراف بالحق فضيله
حياك الله يا مختارووو وتعيش وتنسال وتعيش وتجاوب احسن من كده

والله يامنولة ............فرحتينى ....وسعدت جداااا جدااااا جدااااا ....لردك وبعودتك ...لا ادرى لمادا غبت عنا كل هده المدة .....ولكن اتمناها تكون غيبة خير ومليئة بالفرح والنشاط والسعادة .................................بصح سمعت اخبار عنك لا أدرى هل هي صحيحة او لا....

تسلم مختارووو وحياك الله وين ما كنت
وشو هالاخبار اهني كمان في اخبار قول قول اطربني الله يجزاك كل خيرررر

سمعت أنك إنخطبت لواحد كله عسل .....وماشت الأمور على كل الخير وجاء يوم الزفاف وأنت نازلة بفستانك ألأبيض على السلم ...إنزلقت ونزلتى تتكورى لغاية الأسفل .....وتمزق الفستان وأنكسر حداء سندريلااااااا .....و راحت كوافيرة شعرك إلى طول الليل وانت تساوى فيهاااااا و بان شعرك وكأنه صوف خروف عمره ما قصه .....وجاء عريسك وخفف عنك ومسح دموعك ...وعاد ليك الضحكة بكلام عسل وحلو ...وعادت ألأمور سكر ...وأخد بيدك ومشى بيك لغاية كعكة العرس ولهي بستة طوابق وانت تتمشى تنكسر الفردة الثانية لحداء سندريلااااااا ....وتسقطى على الكعكة بوجهك كله .....و بشعرك أيضاااااااا .......بس دى المرة خلاك زوجك وتركك فى وسط الكعكة ومشى .....دا إلى سمعته .........................دا الكلام صح ولا غلط

شكراااا لك مختار على اجوبتك على كل الاسئلة و انت كنت ضيف خفيف على الكرسي...

للتدكير فقط اليوم راح يكون آخر يوم للعضو مختار على الكرسي..

فلي مزال عندو اسئلة ليه يستعجللل..

بما انووو اخر يوم غادي نكثرو الاسئلة.......متفاهمين
1.كلمة احبك يعني نبغيك......قولتها لشي واحد وشكون هو
2.عندك pc fix وللا ميكرو بورتابل........
3.بورتابلك واش نوعه
4...باش نخرجو من الروتين والاسئلة العادية...... نتا ساكن في سعيدة واشهيا اسم منطقة اللي ساكن فيها......البلاصة....سؤال برك
5.كيف تصف حياتك بكلمة
6.ستيل لباسك شبابي يعني ....دجينز ...وللا كلاسيك
7.تقرا الكتب واش نوعها علمية.ادبية....روايات...قصص.
8.واش هوما القنوات اللي كتتفرجلهم بزاف........سميهم
9.عادة ترقد بكري ولاا كتسهر
10.انت واثق من نفسك جدا......تبان للناس ليحكمو على الشخص من اول مرة متكبر.......راني على حياتك اليومية صراتلك واللا
11.واش رايك في المثل القائل اذا زاد الامر عن حده انقلب الى ضده
12.الناس في وقتنا اللي رانا عايشين فيه ولاو يحقرو بالعين........واش رايك
13.صف الاعضاء هادوو.كل واحد راك مكون عليه فكرة...
اولا الزعيمة رانيا........
نهاد...
الاء ...
امينة........
ديدي........
نينااااا......
منولة......
مروة......
يوسف.قسنطينة......
يوسف الرومانسي.....
مهدي.......