((مفـــ،،آآجأة ...كرســـــ،،ـــ]ي الاعــــ،،ــترآآآفــــــ؟؟!))

اهلــــــــــــين رانيا على الكرسي نتمنى تقضي وقت راااااااايع

منطولش عليك و منكترش عليك

ممكن تعريف صغير لرانيا الانسانة ؟

هل احببت من قبل ؟

يقال: و ما الحب الا للحبيب الاول ....... ما رأيك

هل جرحت من قبل من قبل اعز الناس ؟ ممكن نحكيلنا ؟

و شكرا بصح مزاااال حنونة

هيا رنوش جاوبي باه نسقسيك انا

يا هلا بيك يوسف نورت الموضوع و فرحت بتواجدك لاول مرة و مشاركتك بكرسي الاعتراف..

كم مرة صبغتي شعرك ؟؟ لا عمري مصبغت شعري.

تقدرين تعيشين بدون مكياج ؟؟ ((بصراحه)) طبعا انا اصلا مهوش حاجة مهمة في حياتي ..



تساعدين أمك بشغل البيت والا تخليها لحالها تشتغل ؟؟ طبعاااا عيب نخليها لوحدها كي نكون في الدار انا اللي نقوم بالشغل..


هل تتمنين أنك تصيرين أم ؟؟ طبعا و نظن هادي امنية كل البنات.

كم ساعة بتنامي باليوم؟؟ 8 ساعات

شو مجلتك المفضله؟؟مجلة سيدتي

كم ميزانيتك للملابس بالشهر؟؟ على حساب بصح نحب الملابس بزااااف.

هل تبكين بكثرة ولا تحسين ان بكائك طبيعي ؟؟ لا هه بعيد الشر بكائي طبيعي و الحمد لله.

هل تحافظين على وزنك بالنسبة لطولك وتهتمين بغذائك والا ماشي حالك؟؟ طبعا و ادا مهتميتش انا ماما مستحيل تتركني في حالي هه

شو البلد اللي خاطرك تروحيها ؟؟تركيا

كيف تقضين أوقات فراغك؟؟اوقات فراغي على حسب مزاجي ادا كان مليح راني في النت و لا نقرا كاش كتاب و لا ندير حاجة نحبها اما ادا كان مزاجي معكر فنرقد باش منحكي مع حتى واحد و ميسقسونيش مالكي.

استمتعت باسئلتك و كانوا خفاف و ظراف مرسي عليك خويا

درك نجاوبوا على سؤالك نهوود

اكيد و بدون تردد نتصل بالموسوعة العلمية الاستاد الصاط ربي يطول في عمرو.

اهلين مروش حبيبتي هادي غيبة توحشناك و مليح كي خلطتي عليا في الكرسي..

نجاوبك على اسئلتك..

مكن تعريف صغير لرانيا الانسانة ؟رانيا انسانة بابها سهل فتحه و داخلها صعب اقتحامه .

هل احببت من قبل ؟ لا

يقال: و ما الحب الا للحبيب الاول ....... ما رأيك مزال مجربتش كي نجرب نقولك هه

هل جرحت من قبل من قبل اعز الناس ؟ ممكن نحكيلنا ؟ صح جرحت بصح اعدريني حبيبتي مروة منجمش نحكيلكم

و شكرا بصح مزاااال حنون

شكرا ليك مروش على اسئلتك استمتعت بيها و مرورك كان من النسمة على قلبي..

مساء الخير رانيا ، ان شاء الله تكوني لباس

- وقت لقراية على قداه تنوضي من الرقاد ؟

- توصلي للجامعة فالوقت ؟

- سيرتو السؤال هذا : تحضري ديما المحاضرات و ال td ولا كاين اللي تخليهم ؟

- سمعت من نهااد بلي راكي تسكني فالإقامة الجامعية ، كيفاه تفوتي الوقت ف la chambre

وعاجبك الحال فيها ولا لا؟؟؟

- واش تحبي تتفرجي ف tv يعني برامج ولا مسلسلات اللي تبعيهم حاليا ؟


-رانيا تشفاي مرة كي قلتلك الكوسوفي مات ، قريتو فالجريدة هههههه نهااار شفتو ليامات هذو خلعت كنت حاطاتو ميت ، الجرايد راهم يكذبو وانا كملتها علييك // راكي تشوفي المسلسل تاعو جديد ؟؟


هيا جاوبيني على هذو وإذا بقيتي اليومين هذو هنا راني نزيدلك ههه

والسؤال اللي معجبكش فوتيه

سلام

مساء الورد امونة راني لباس و الحمد لله...ان شاء الله الكل يكونو بخير..

وقت لقراية على قداه تنوضي من الرقاد ؟الى عندي على 8:30 نوض 7:00 افففف شحال واعرة.

- توصلي للجامعة فالوقت ؟ ههه و الله نظن الكل في الجامعة دايما روتار ..انا بصراحة فوت حياتي غير نجري و راني عاد نجري ..دايما روتار.

- سيرتو السؤال هذا : تحضري ديما المحاضرات و ال td ولا كاين اللي تخليهم ؟ طبعا نحضرهم دايما سيرتو احنا دروا راكي عارفة تراطي كور و الله تندمي باسكو الكتبة بزاااف..عادة نحضر دايما td و المحاضرات الا ادا كان عندي ظرف طارئ.

- سمعت من نهااد بلي راكي تسكني فالإقامة الجامعية ، كيفاه تفوتي الوقت ف la chambre

وعاجبك الحال فيها ولا لا؟؟؟ و الله انا وقتي ديما شارجي على خاطر يا نكمل 5 و لا 5:30 الور ميباقاليش بزاااف وقت..بصح نفوت وقت شباب باسكو دايرة لاشومبر مع صحبتي الانتيم و منضيقوش توجور عندنا لومبيونس..و+ لاسيتي جديدة و فيها الخدمات ملاح و الحمد لله.

- واش تحبي تتفرجي ف tv يعني برامج ولا مسلسلات اللي تبعيهم حاليا ؟ اممم كل مرة و كيفاه بصح حاليا متابعة العشق الممنوع و الشهرة.. و ناس نسمة و خطرات ممنوع على الرجال..و طبعا صدى الملاعب..و كاين اللي نتفرجهم خطرة و لا زوج و منزيدش.


-رانيا تشفاي مرة كي قلتلك الكوسوفي مات ، قريتو فالجريدة هههههه نهااار شفتو ليامات هذو خلعت كنت حاطاتو ميت ، الجرايد راهم يكذبو وانا كملتها علييك // راكي تشوفي المسلسل تاعو جديد ؟؟

و الله يا امينة حزنت بزاااف لهاداك الخبر ههههه و زيد انا كملتها قاااع الناس اللي نعرفهم قلتلهم بلي مات و شحال تحصرو عليه هههههه احنا ولينا كما الصحافة الصفراء..ايا امينة المرة الجاية تاكدي من الخبر ..

و المسلسل الجديد نتاعو شفت منو حلقة واحدة يبان شباب كما هو...هه

مرسي امونة على الاسئلة الحلوة يا قمر

سلام رانيا واش حوالك؟

هاكي بعض الاسئلة

1- كون تجي صديقتك وتقولك انا مصدومة اي جاتني امراة وقاتلي انت بنتي و هي لازم تخير بين اللي رباتها وامها الحقيقية وتقولك انصحيني واش تقوليلها؟

2-اذا طلب الاعضاء تغيير اسم المنتدى كفاه ترديه؟

3- احكي حكاية امي حكيتها من قبل لاي احد؟

4- لو طلب شخص يدك لزواج بشرط ان لا تعملي بل تبقي في المنزل وكما نقولوا ما يخصك والو معاه ما هو ردك؟

5- ماهي هوايتك اللي تمارسيها في حياتك؟

6- لو تكوني يوم ما رئيسة ماهو اول شيء تغيريه في الجزائر؟


وان شاء الله تستمتعي معايا

السلام رانيا واش راكي .مليحة
1.اكثر انسان على وجه الارض تثق فيه رانيا من بعد ماماك ونهاد
2.هل تعتقدين ان الانسان مسير ام مخير
3.هل كان دراستك في التخصص اللي راكي تقراي فيه اختياري عن رغبتك وللا مجبرة يعني ماشي اختيارك
4.مارايك بالمثل اللي كان نقولوه
الا تفاهمت العجوز والكنة ابليس يدخل للجنة....هههه حبيت نعرف رايك
5.كيفاش تقيمي حياتك حد الان
6.رانيا تعرفي طيبي اذا واه .واش تحبي طيبي واش اكثر حاجة تعرفي طيبيها
7.واش رايك في الصداقة ..الخيانة .....الحب......الياس....
اذا جاوني اسئلة اخرين راني نرجع ......متتقلقيش ..سي يو

راني حاب نجاوب بالنيابة عن الزعيمة على اسئلة السي المختار
لم يكن اللباس او المظهر في يوم ما,رمزا يدل على التقوى او عدمها,لان الله تعالى ينظر إلى قلوب العباد و ليس إلى صورهم.فهل كل من أطال لحيته أو لبست نقابا هما أتقى خلق الله؟؟؟،طبعا لا.فكم من اناس نراهم، هيئتهم مختلفة و لا تبدو عليهم مظاهر التقوى،ولكن عندما نتقرب اليهم و نعاشرهم,نجد فيهم الصلاح و حسن المعاملة،ونجد البداءة و العداوة من آخرين خدعنا لباسهم و هيئتهم،إذن مسألة ربط الصلاح من خلال اللباس,هي نتيجة لإعتقاد و معادلة خااطئة في المجتمع . .

اما بالنسبة لاسئلتي لاختي العزيزة رانيا

راجل اليوم واش ينقصه

ماهو نوع الرجال الذين تكرهين التعامل معهم

لوكان تجبري شكارا فيها 70 مليار واسمو دير بيهم

نتي مع هاد القول البنت بلا ماكياج كي الصباط بلا سيراج ’’’’’’’’’’’’’ههههه متزعفوش البنات هادي مجرد اسئلة لا غير.

وينك رانيا هيا جاوبي باه نزيدوك

مساء الخير عليكم جماعة و الاسئلة راها تراكمت عليا معليش مبقاليش بزاف..

نبدا نجاوب ديدي..

- كون تجي صديقتك وتقولك انا مصدومة اي جاتني امراة وقاتلي انت بنتي و هي لازم تخير بين اللي رباتها وامها الحقيقية وتقولك انصحيني واش تقوليلها؟

اولا هي حرة دير واش تحب بصح ادا طلبت مني ننصحها..اكيد تعيش مع امها الحقيقية و تقعد دايما في تواصل مع اللي رباتها و تزورها باستمرار لانو بصراحة صعب باش تتاقلم مع الوضع الجديد.

2-اذا طلب الاعضاء تغيير اسم المنتدى كفاه ترديه؟

منتدى شباب المغرب العربي
3- احكي حكاية امي حكيتها من قبل لاي احد؟////

4- لو طلب شخص يدك لزواج بشرط ان لا تعملي بل تبقي في المنزل وكما نقولوا ما يخصك والو معاه ما هو ردك؟

شوفي على حساب الشخص هداك تاني كي داير ادا كان يستاهل و يقدر الشيء هدا بلاك واه.
5- ماهي هوايتك اللي تمارسيها في حياتك؟

كاين بزاااف مثلا الرسم على القماش الرياضة ..
6- لو تكوني يوم ما رئيسة ماهو اول شيء تغيريه في الجزائر؟

نبني مصانع بزااااف باش يتوفرو مناصب الشغل للشباب..

و شكرا ليك على اسئلتك

مرحبا بيك اختي نينا و باسئلتك..

السفر مآ يعني لك ِ ؟ بالنسبة ليا هو متعة و ترفيه عن النفس..

الحيآة الوآن, فمآ هو اللون الذي تفضلي تلوين حيآتك به ؟ الوردي


../هل آنتِ من متذوقينْ آالشعر(آين كآن نوعه) آذآ كآن نعم.. شآعرك آلمفضًل ..!..مشي بزاااف لكن اعشف قصائد نزار قباني..

هل أنت ِ من النوع الذي يحتفظ بأشيآء لهآ ذكرى, أخص هنآ الأشيآء البسيطه ؟..نعم طبعا مهما كان الشيء بسيط نحتفظ بيه لانو يعنيلي بزاااف و يدكرني بالشخص هداك..

عضو ترك بحروفه بصمه بذاكرتك ؟ يوووسف وين ما يروح ووين ما يجي تبقى حروفو مرسومة على جدران المنتدى و نظن الكل يشاطرني الراي..

رتبي هالصفات من اكثرها تواجد بشخصيتكٍ الى الاقل .,,؟؟
الصبر - خفة الدم - العصبية - التسامح - - الغرور - الهدوء - المزاجية - طيبة القلب - التواضع ؟؟!!!

خفة الدم
العصبية
التواضع
الصبر
طيبة القلب
الغرور
التسامح
المزاجية
الهدوء

هادو عيطت لاختي و هي اللي رتبتهم انا منقدرش نقولك واش الصفات اللي في لكن نقولك صحيحة و جاوبتك بكل صراحة.

هل تتخذي قراراتك بمفردك ام تستشيري من حولك؟
غالبا استشير اقرب الناس ليا..

لمن تقولي هذه العبارات ؟

يعجبني صراحتك :نهووود
يعجبني هدؤك :بيبا
فقدناكم:
يعجبني خفت دمكم :يوسف قسنطينة
يعجبني افكارك:الاء

من انت في عالمك الخاص ؟

انا زعيمة نفسي.

قال أحد الفلاسفة...
السعادة ليست في الواقع والحقيقة ولكنها في خيالنا
فإذا نزعنا من مسراتنا أحلامنا لم ندع شيئا ً منها...
فهل السعادة وهم ٌ نبحث عنه...؟

االسعادة تاتي من الاشياء الملموسة و ليس من الاوهام و الاحلام هدا اللي راه يحكي هو فيلسوف و الفلسفة و الواقع مشي كيف كيف..

تخيلي حلمتي بحاجة شابة و كي فقتي تلقاي قدامك الكثير من المشاكل....فهل تكوني سعيدة اكيد لاااااا.

شكرا لك نينا على اسئلتك منورة اختي..

يا هلا بيك الاءووو

نجاوبك

.اكثر انسان على وجه الارض تثق فيه رانيا من بعد ماماك ونهاد طبعا كاين خويا و بابا و مكانش غيرهم..

2.هل تعتقدين ان الانسان مسير ام مخير..كل مرة و كيفاه مرة يكون مسير و مرة مخير..

3.هل كان دراستك في التخصص اللي راكي تقراي فيه اختياري عن رغبتك وللا مجبرة يعني ماشي اختيارك
لاااا اختياري 100 بال100 حتى واحد مجبرني بالعكس كانت عندي الحرية التامة ..لكن انا عن نفسي كنت حابة ندير حاجة اخرى ..و ان شاء الله نديرها مستقبلا علاش لا..

4.مارايك بالمثل اللي كان نقولوه
الا تفاهمت العجوز والكنة ابليس يدخل للجنة....هههه حبيت نعرف رايك

هههه لا هادي مكانش منها كل وحدة و كيفاه بصح نظن كاين نساء اللي يعرفو يتعاملو مع العجوز و الله تولي تحبها كثر من بنتها..و كاين اللي الله غالب عليها مسكينة .من النهار الاول المشاكل يتلاقاوها..
5.كيفاش تقيمي حياتك حد الان
مليحة و الحمد لله ماشية تمام التمام ..

6.رانيا تعرفي طيبي اذا واه .واش تحبي طيبي واش اكثر حاجة تعرفي طيبيها

اكيد نعرف...بصح انا ميالة شويا للاطباق الحديثة ..يعني نعرف التقليدية بصح نميل للحديثة اكثر..و كاين بزاااف منجمش نحددلك..
7.واش رايك في الصداقة ..الخيانة .....الحب......الياس....

الصداقة...رابطة رائعة بصح قليل وين تلقاي الصديق في وقتنا الحالي..الناس متتامنش.

الخيانة...ابشع حاجة في الدنيا و بعدها مستحيل ترجع العلاقة كما من قبل..

الحب..شيء رائع و مزالو كاين للناس اللي تستاهل..

الياس...يجي بعد عدة تجارب فاشلة للانسان في حياتو..بصح الواحد ملازمش يياس و يستسلم مهما حدث..

مرحباااا بيك خويا العزيز اسيرووو و الله هادي غيبة علينا في المنتدى كانت مفاجاة سارة كي دخلت و لقيتك..

لكن من فضلك انا قفلت على هداك الموضوع و منحبش نزيد نحكي فيه..كل واحد يلتهى بروحو برك..عموما شكرا ليك و على بالي بلي عزيزة عليك على بيها تدخلت..لكن انت تعرفني مليح نظن انك فهمت قصدي..

نروح نجاوبك..

راجل اليوم واش ينقصه

ماهو نوع الرجال الذين تكرهين التعامل معهم؟..الرجل المنافق..هدا اللي منقدرش نتفاهم و لا نتعامل معاه.

لوكان تجبري شكارا فيها 70 مليار واسمو دير بيهم؟
نروح نديكلاري ...واش في ميزك ندير بيهم حاب تباصيني ههههه و لا نتقاسمهم معاك هه

نتي مع هاد القول البنت بلا ماكياج كي الصباط بلا سيراج ’’’’’’’’’’’’’ههههه

ممكن هاد المقولة تنطبق على البعض اللي مينجموش يعيشوا بلا ماكياج..بصح انا مشي منهم بعيد الشر..

نتمنى ميكونوش هادو اخر اسئلة ليك و تكون ليك رجعة خلينا نشوفوك و مرسي على اسئلتك نورت..

رانيا تشرفت باستضافتك على كرسي الاعرتاف

قضينا وقت جد ممتع معكي


شكرا لكل الاعضاء على التفاعل مع الموضوع


شكرا لكم جميعا و شكرا لك رانيا على الاجابات الصريحة



عام سعيد لكل الاعضاء


و للتنويه فقط ســـوف يتوقف الكرسي لمدة كاستراحة فقط و من بعدها سوف نواصل استضافة الاعضاء

شكرا للجميع و عام سعيد!

hhhhhh la prochaine rahi deltek saji rohek