((مفـــ،،آآجأة ...كرســـــ،،ـــ]ي الاعــــ،،ــترآآآفــــــ؟؟!))

ياااااااااااااااي و الله يا نهودي صايرة تعملي اشياء من ورا ظهري ...بصح و الله غير مفاجئة خلعتيني...و انا نقول مصباح و انتي فلميكرو و مخيليتينيش نجي معاك مشي عوايدك..و نتيا كنتي تخططي..

بصح و الله موضوعك حلو و منظم و الفراز راهو داير حالة و الشوكولا امممم...و عجبتني اكثر الشروط اللي حطيتيها في الاخير ...

و عموما المفاجاة كانت حلوة ...شكرااااا لك نهووود و نتمنى لروحي القليل من الاسئلة انا جماعة و الله منسال بزاااف هههههه

هاكاك ودرتي لي في راسك
موضوع منظم شكرا
اهلا رانيا بيك معانا

سلام

يعطيك الصحة يا نهاد على الموضوع والاختيار الموفق


واهلا وسهلا بيك يا رانيا في كرسي الاعتراف


هيا رنوا تحاربي ههههههه








وغير سجي روحك انا نطلب من الاعضاء الهجوم وخلاص

شكرا نهاد مرة اخرى

نهاد يعطيك الصحة .ديرتي مفاجاة لرانيا
برافووووو عليك موضوع منظم.....
ايا يا الزعيمة مرحبا بيك على الكرسي.نورت......وجدي روحك ....
ياجماعة متخلعوهااش بالاسئلة.نتاعكو.ههههههه

مفاجأة هايلة

وجدي روحك رانيا ، رح نبدا نطلق الصورايخ ههه

يالحابسين قالتلكم عندهااااا السمانة ....ساقسوا ولا اسكتى وماتبقوش ...شكرااا ...صحييت ...مفاجاة ...السمانة راهى كملت غير فى الهدرة الزايدة أنتاعكم .......
1.....من اشار عليك بتحقيق هدا المنتدى ......
2........الهدف من تكوين هدا المنتدى .............
3..........إلى أين تريدين الوصول بهدا المنتدى ....طموحاتك......
4....لو طلب منك بأن تضحى بعضو من الأعضاء من يكون .............
5...........هل سبق وان طردت عضو من المنتدى ..........
6...............اي عضو تفتقدينه ...............
7.........من هو العضو الللدى تتمنين طرده ..............
8........عضو يزعجك بردوده .............
9........عضو تحبين ردوده............
10......عضو تتمنين أن يبقى دائمااااااااا فى منتداك ...............
11........عضو مواضعه مفيدة .........
12.....تتمنين تغيير بعض الأشياء فى المنتدى...ماهي..............
وللحديث بقية

مساء الخيرااات على الجميع...يوسف ديدي الاء امونة..مشكووورين احبائي على الترحيب الجميل...و منتظرة اسئلتكم..

و مختااار اتنفس و من بعد اطرح الاسئلة خااايف غي يروح عليك الوقت ..

المهم نجاوبك:

1-راسي هو اللي قالي..كنت منارفية لدرجة متتصورهاش في 5 دقائق انشات منتدى..زعفت من حاجة و هي اللي خلاتني نديرو..بصح عمري مكنت حاطة في بالي باش ندير منتدى..و اليوم الحمد لله فرحانة بيه و بالاعضاء اللي فيه.

2- هدفي الوحيد كان هو انو نرجع نلم شمل اسرة منتدى بلادي لانو افتقدتهم لدرجة كبيرة.

3-طموحاتي من خلال هدا المنتدى انو يتجمع فيه اكبر قدر ممكن من الشباب الجزائري و العربي و نكون يد وحدة و نتشارك الافكار و المواضيع المفيدة و خاااصة نبينوا صورة مليحة عن بلادنا الجزائر.

4- لا اكيد لا منضحي حتى بواحد الا ادا كان هو جابها لروحو بمعنى دار حاجة مشي مليحة في المنتدى..هداك الوقت يتحمل نتيجة التصرف نتاعو..

5-طبعااا اكثر من 20 عضو و يستاهلوا سببولي مشاكل بالمنتدى و قربت نفقد منتداي بسببهم..

6-و الله كاين عضوة دايما في بالي طيبة لدرجة كبيرة و كلامها حلو و تهبل نظن الكل عرفتوها اسبوااار ناجية اللي توحشتها بزاااف..

7-لا احد لانو ببساطة حتى واحد مزاعجني و لو صرات نطردو بلا منتردد..

8-لا احد الكل ملاح و و حتى لوكان كاين اللي مشي ملاح لا يزعجونني شخصيا..

9-شاعرنا الرومانسي يوووسف

10-نهوود اختي حبيبتي اللي دايما واقفة معايا و تساندني.

11-كاين بزاااف اعضاء المنتدى كلهم شاطرين و كل واحد و فاش يبدع..لكن ادا بصفة عامة كاين الاااء مواضيعها مفيدة و تعمل مجهووود مشكورة عليه.

12-صح اكيد نحب نزيد و نعدل اشياء بزاااف في المنتدى شكلا و مضمونا ..لكن منقصش..

مثلا هناك عدة اقسام في بالي طلبوا مني باش نزيدها..

انتظر البقية..

مرحبا بيك رانيا نورتي كرسي الاعتراف
نهاد هادي مفاجاة شابة بزااااف
انتظري اسئلتي قريبا

اهلا بيك رانيا مرة اخرى....تفضلي اسئلتي مع انى نعرف تقريبا اجوبتها ههههه:

1- كي تتنرفزي اول شخص او اي مكان تروحيله؟

2- - أكثر شخص ترتاحين له وتبثين له همومك؟

3- اكتر شخص في المنتدى تحبي تقابليه؟

4-تحي تعيشي في الريف و لا في المدينة...قولي علاش؟؟

5- انسان كي تشوفيه لابيتي تنقطعلك لووول....يعني يسببلك الاكتئاب هه؟

6- امنية تمينيتيها و لحد الان متحققتش؟؟

7- امينة تمنيتيها و تحققت؟؟
8- اكتر شيئ يفرحك؟؟

9- اكتر مفاجاة فرحاتك؟؟

ادكري تلات اشخاص مهمين في حياتك 3 برك هههه

10- كم مرة طحتي من السرير لما كنتى نايمة؟؟

11- ما رايك بـــ:

نهاد
ديدي
امينة
الاء
بيبا
سارة
يوسف الشلف
// قسنطينة
مهدي
مختار
.....ويلا نسيت انا زيديهم نتي هه

- وصفي روحك في جملة صغيرة

ايا خلاص من بعد نزيدلك
بالتوفيق رنووونتي

يلااا رايحة نجاوبك نهاد...

1- كي تتنرفزي اول شخص او اي مكان تروحيله؟

انا عادة متنرفزش يزاااف بصح كي تصرالي نحب نقعد وحدي خاااصة في الللحضات الاولى
2- - أكثر شخص ترتاحين له وتبثين له همومك؟

ماما اكيد..
3- اكتر شخص في المنتدى تحبي تقابليه؟
امينة لانو نحس فيها مواصفات صديقة وفية و ممكن تولي من اقرب الناس ليا.

4-تحي تعيشي في الريف و لا في المدينة...قولي علاش؟؟

في المدينة طبعااا الكل يقولك الريف الطبيعة الخلابة و كلشي لكن في الحقيقة الريف نحب نقعد عطلة فيها برك اما باش نعيش فيها صعبة جدااااا على خاطر مستلزمات الحياة مشي الكل متوفرين و صعب..

5- انسان كي تشوفيه لابيتي تنقطعلك لووول....يعني يسببلك الاكتئاب هه؟
انت هههه لا حتى واحد مينجم يقطعلي لابيتي على خاطر اصلا قليلة هههه.
سؤال غريب هه

6- امنية تمينيتيها و لحد الان متحققتش؟؟

كانت امينة و طاااارت كنت نحب نولي صحفية لكن للاسف رحت وين عمري متخيلت نروح..

7- امينة تمنيتيها و تحققت؟؟

كاين بزاااف و الحمد لله..
8- اكتر شيئ يفرحك؟؟

المفاجآت السارة و انتي تعرفي واش هي..هه
9- اكتر مفاجاة فرحاتك؟؟
يوم ربحت الباك توالت المفاجآت تلك الفترة و الله كانت ايام لا تنتسى..

ادكري تلات اشخاص مهمين في حياتك 3 برك هههه

لاااا درك ديريلي مشاكل ههه
10- كم مرة طحتي من السرير لما كنتى نايمة؟؟

هوهوووو بزاااف كل مرة نلقى روحي في الارض هههه
11- ما رايك بـــ:

نهاد...اختي بنت ابي و امي.مجنونة و عاقلة في نفس الوقت.
ديدي..دمها خفيف كاعسل
امينة حنونة و طيبة جدااا
الاء منعرفهاش بزاااف مي تبان مليحة و عقلها كبير.
بيبا ...صديقتي من ايام الثانوية و كان عندنا حلم مشترك نكونو صحفيتان متمكنتان
سارة..جارتنا العزيزة عاقلة بزاااف.
يوسف الشلف الكل يعرفو على انو رومانسي جداا و زيادة يدخل في القلب و ناس ملاح.
// قسنطينة تعجبني افكارو و هو شاب معاصر ..و نشيط
مهدي عندنا بزاااف مشفناهش مي مام هو ناس ملاح و طيب.
مختار..انسان ممكن الواحد ميفهموش من اللحظة الاولى..لكن بعد ما يعرفو مليح راح يتعود.

شكرا على الاسئلة في انتظار بقية الاعضاء و اسئلتهم..

السلام عليكم واش اخباركم ان شاء الله بخير


ايا نبداو يا رانيا

1-اعطينا لمحة عن حياتك؟

2-من هي رانياوصف معنوي وشكلي ؟

3- اذكري افضل 5ولايات جزائرية على قلبك؟

4- - 5 دول المفضل في العالم عندك؟

5- انت راضية على نفسك؟

6- ماهي الصفات اللي تحبيها والصفات اللي تكرهيها ؟

7- ماهو تعريفك للحجاب كانسانة مسلمة؟

8- انت توافقي اللي يقول الدنيا بلا مال ماش دنيا؟

9- مارايك في الجزائر بصفة عامة ؟

10-ماهي اخر مرة بكيتي فيها؟

11-موقف محرج حصلك ؟

12- اجمل اوقات حياتك ماهي؟

ايا بزاف للمرة القادمة

رانووووووو كيف احوالك راني جيت
على سلامتي ككككك
نبداو الاسئلة.بسم الله
1.اكلتك المفضلة
2.لونك المفضل
3.كي تزعفي تحبي تبكي وحدك وللا تحبي تتكلمي وتزقي
4.كيفاش توصفيلي رانيا في 3كلمات
5.نوع الافلام اللي تحبيهم .الرومانسية وللا افلام الرعب
6.شحال من ساعة تقعدي على جهاز الكمبيوتر
7.دايرة حجاب وللا لا لا
8.تبعي الاخبار والمستتجدات في العالم العربي واخبار العالمواللا مكتحبيش الاخبار
9.نتي الكبيرة في خاوتك
10كي تبكي رانيا شكون تحب يمسحلها دموعها
11صفة فيك متحبيهاش
12.مايميزك عن غيرك.يعني حاجة فيك تحسيها تميزك عن غيرك

وللحديث بقية.......ان شاء الله يعجبوك برك

كيف حوالكم نشالله بخير
أما الأن نبداو رانية بسم الله

* شخص تكني له كل الاحترام ؟

* شخص غير حياتك بعد ان عرفتيه ؟

* شخص تسمعي عنه وتتمني ان تلتقيه ؟

* شخص تتمني ان لايفارقكِ ابداً ؟

* شخص تقتدي به ؟

* رساله سلام حار وشوق كبير لمن تبعثيها ؟

* رساله حب صادقه تبعثيها الى ؟

* رساله اعتذارتبعثيها الى ؟

حكمتك في الحياة ؟

* هدفك في الحياه ؟؟

*حلم نفسك يتحقق ؟؟

* حلم لكن مستحيل انه يتحقق ؟؟

* تقول الفنانه القديره بسكال مشعلاني ( اكبر غلطه في حياتي )
ما هي اكبر غلطه في حياتك ؟؟؟

* موقف محرج حصلك في حياتك و في الموقع ؟؟؟

* احسن سنه كانت بالنسبه لك وعلاش ؟؟؟

* ايه الاهم الكرامه ولا الحب وليش ؟؟

* الخيانه بانسبه ليكي عباره عن ماذا ؟؟

يا لا رانية خلاصت أسئلتي مرة أخرى نشالله

/ ما هو أروع كتاب قرأته و علقت أفكاره ببالك؟

2/ ما هي الحكمة التي تعتبرينها دستورا تتبعينه في الحياة ؟

3/ ما هي الصفة التي تتمنين أن تتسمي بها وليست فيك؟

4/ هل ندمت على شيئ ما في حياتك؟

5/ هل أنت راضية عن نفسك ؟

6/ ما هي أقسى فترة عشتها في حياتك؟

7/ ومتى سالت دموعك اخر مرة ؟

8/ من هي أعز صديقة لك؟

9/ ما هو أسعد يوم في حياتك؟

10/ ما هو أتعس يوم في حياتك؟

11/ هل قسوت يوما على من تحبين ؟

12/ من تأتمنينه على سرك؟

13/ كيف سجلتي في المنتدى وماهو السبب؟

14/ من هو او هي اقرب عضو(ة) بالنسبة لك بالمنتدى؟

بسم الله



1/ هل يمكن اعتبار من يطعن في الظهر أخا أو أختا؟؟؟

2/متى تكون المسامحة مسموحة و متى تكون ممنوعة؟؟

3/متى يجب ان يلقن الشخص درسا لشخص آخر؟؟

4/ هل لازال هناك امل في كلمة صداقة ؟؟

وهل لها شروط؟؟

5/ وهل من حق الصديق ان يكذب على صديقه؟؟

6/ وماموقفك اذا تسبب لك صديق اعتبرته مثل اخ لك في الم او حزن هل تنهي صداقتك معه ؟؟


وقبل منكمل الاسئلة تفضل




نكمل الاسئلة

7/ في مراحل دراستك هل كنت تلميذا مشاغبا أم هادئا؟

8/ هل كنت محبوبا من طرف أساتذتك؟

9/ ما هي المادة المحببة إليك؟

10/ و ما هي المادة الممقوتة عندك؟

11/ ما هو الموقف الّذي حصل لك و لم تنساه؟

12/ إذا عاد بك الزمن إلى الوراء فأية مرحلة دراسية تفضل أن تعود إليها؟


13/ هل تذكر أول يوم دخلت فيه إلى المدرسة إن كان نعم و هذا أكيد لأنه يوم مشهود للجميع فصفه لنا ؟ و من إصطحبك؟



أراك تعبت ومحتاج الى استراحة

وبما انك تحب الطبيعة

تفضل هنا

اضغط هنا لترى الصورة بحجمها الطبيعى

نكمل الاسئلة

14/ صديقك حدد معك موعدا و تركك تنتظر لساعات و لم يحظر فقابلته في الغد كيف يكون تصرفك؟

15/ هل تنسى الأذية؟

16/ سأصبر إلى أن يمل الصبر مني متى تطبق هذه المقولة؟

17/ هل قسوت يوما على من تحب؟

18/ لو أصبحت مليونيرا ما هو أكبر حلم ستحققه؟

19/ من تأتمنه على سرك؟

20/ أمامك ورقة بيضاء و قلم و يطلب منك أن تكتب جملة تبادرت إلى ذهنك فماذا ستكتب عليها؟


21/ كل واحد منا يعرف يقينا بأن الأم هي المدرسة
صف لنا شعورك لأمك ب 9 كلمات فقط

22/ تطمع للارتقاء لمرتبة معينة : ماهي و لماذا ؟

23/ هل أنت من هواة السهر؟

24/ و هل أيام العطل تستيقظ مبكرا؟

25/ قدم نصيحة لمن أدمنوا السهر؟

26/ يقال الابن سر ابيه فهل كنت ابن ابيك بكل ما تحمله الكلمة من معنى و ما هو اهم شيء علمك اياااه؟؟

27/ما رايك في عقلية الشعب الجزائري و ماذا يميزهاا عن بقية العقلياات العربية؟؟

28/ لو طلبت منك نصيحة كأخ تقدمها لاختك الا وهي أنا باستثناء البديهيات
من محافظة على الدين و التمسك بالاخلاق و الحياء و الحشمة و الدرااسة فماذا ستقول لي


نظن اليوم كفاية علابالي كسرتلك راسك بصح راني ضايفتك


ما هو رأيك بي كعضو بمنتداك ...من شتى النواحي

وفي الاخير نتمنالك سهرة ممتعة

مشكووورين جماعة على الاسئلة بصح غير بشوية كما تفاهمنا واحد يسال و انا نجوب..

1-اعطينا لمحة عن حياتك؟

رانيا 20 سنة طالبة جامعية سنة ثالثة قانون الاعمال..و الدراسة آخدة معظم وقتي تقريبا.

2-من هي رانياوصف معنوي وشكلي ؟

معويا منجمش انا نحكم على روحي و لكن نظن اني مليحة مع كل ناس و معنديش مشاكل ..

اما شكليا طولي 1.65 ووزني 52 كيلو لون شعري اسود طويل بشرتي بيضاء و لون عيوني بني فاتح..

3- اذكري افضل 5ولايات جزائرية على قلبك؟
1 تلمسان
2 وهران
3 معسكر
4 قسنطينة
5العاصمة



4- - 5 دول المفضل في العالم عندك؟
1 الجزائر بلادي العزيزة.
2 فلسطين
3 تركيا
4 لبنان
5ماليزيا

5- انت راضية على نفسك؟

نوعا ما يعني الحمد لله راضية على تصرفاتي.
6- ماهي الصفات اللي تحبيها والصفات اللي تكرهيها ؟

الصفات اللي نحبها:الصدق الوفاء الشهامة .

اللي نكرهها: الكدب النفااااق و البخل.
7- ماهو تعريفك للحجاب كانسانة مسلمة؟

الحجاب مهوش فقط في لبس الخمار..الحجاب يدخلو فيه بزاف حوايج و ليه شروط معينة.
8- انت توافقي اللي يقول الدنيا بلا مال ماش دنيا؟

طبعا و لكن المال مهوش كل شي في الدنيا المال هو وسيلة و ليس غاية ربي عطاهونا باش الانسان يوفي الاحياجات نتاعو بيه و لكن في الحدود المعقولة .
9- مارايك في الجزائر بصفة عامة ؟

الجزائر هي دولة رائعة و غنية بالكثير من الاشياء المجهولة السياحة مثلا احلى دولة سياحية و لكن للاسف الشديد لا يعرفون قيمتها و ممستغيلنش جمال الطبيعة المتنوعة فيها.
10-ماهي اخر مرة بكيتي فيها؟

و الله من يومين بلاك على مسلسل و الله دمعتي ساهلة باش تنزل على الناس لكن عليا صعبة جدا.
11-موقف محرج حصلك ؟

ههههههههههه موقف محرج و مضحك في نفس الوقت كنا انا و نهاد في وسط المدينة نتمشاو ايى حتى خرجت فينا وحدة مهبولة ..احنا معرفناهاش في الاول بلي مهبولة حسبناها نورمال و كانت رافدة معاها خزرانة#عكاز# ايا كي قربت مننا قعدت تجري و حبت تضربنا بالخزرانة نهاد قطعت الطريق هربت عليا و خلاتني و انا هديك اول مرة نتاعي نلبس فيها التالوون ايا و تخيلوا واش صرا فيا و المنظر المدهل نتاعي و الناس الكل تضحك و الله انحرجت جدااا و خاااصة زادت نهاد خلاتني وحدي نتخبط ههههههه

12- اجمل اوقات حياتك ماهي؟

اهوووو كاين بزاف اوقات جميلة فوتها في حياتي ملي كنت طفلة صغيرة كنت مدللة جدا و الكل يحبني لحد ما كبرت و احلى مرحلة كانت التارمينال فوتووو فور بزااافو لحد الان علاقتي طيبة بكل الاساتدة و المراقبين و مزالت نحبهم و يحبوني.

و مرسي صافي على الاسئلة اسمتعت و انا نجاوبك.

مرحبا بيك و باسئلتك الاءووو و نبدا نجاوب على بركة الله\\

.اكلتك المفضلة

لازانيا بالبيشاميل .
2.لونك المفضل
احمر.
3.كي تزعفي تحبي تبكي وحدك وللا تحبي تتكلمي وتزقي

نحب نتكلم و نفرغ واش في قلبي و منسكتش على حقي ابدا و كي نكمل المعركة عاد نبكي هههه

4.كيفاش توصفيلي رانيا في 3 كلمات

طموحة ، نشطة ، حنونة
5.نوع الافلام اللي تحبيهم .الرومانسية وللا افلام الرعب

الرومانسية افلام الرعب معنديش قاع علاقة بيهم.
6.شحال من ساعة تقعدي على جهاز الكمبيوتر

يلا طولت قاع نقعد 3 ساعات...فيسع نمل.
7.دايرة حجاب وللا لا لا
لا
8.تبعي الاخبار والمستتجدات في العالم العربي واخبار العالمواللا مكتحبيش الاخبار

طبعا نتابع الاخبار و المستجدات لكن طبعا مشي دايما.
9.نتي الكبيرة في خاوتك

لا الوسطى
10كي تبكي رانيا شكون تحب يمسحلها دموعها

ماما حبيبتي
11صفة فيك متحبيهاش

ااحيانا نحس روحي انانية نحب بمعنى نحب روحي بزاااف.
12.مايميزك عن غيرك.يعني حاجة فيك تحسيها تميزك عن غيرك

انا اصلا نحب دايما نكون وحدي منحب حتى واحد يكون يشبهني لا في تصرفاتي و لا في اي حاجة اخرى.

و مشكووورة الاء على اسئلتك المسلية.

اهلا و سهلا بيك سراح نورتي باسئلتك.

* شخص تكني له كل الاحترام ؟ اساتدتي

* شخص غير حياتك بعد ان عرفتيه ؟لا احد يستطيع تغيير حياتي انا اللي نسيرها مشي الغاشي.

* شخص تسمعي عنه وتتمني ان تلتقيه ؟ //

* شخص تتمني ان لايفارقكِ ابداً ؟امي طبعا

* شخص تقتدي به ؟امي.

* رساله سلام حار وشوق كبير لمن تبعثيها ؟لياسمينة صديقتي.اللي توحشتها بزاف.

* رساله حب صادقه تبعثيها الى ؟الى كل الناس اللي تحبني.

* رساله اعتذارتبعثيها الى ؟الى كل واحد ظلمتو او جرحتو بلا ما نحس.

حكمتك في الحياة ؟ عش ليومك كانك تعيش ابدا اعمل لآخرتك كانك تموت غدا.

* هدفك في الحياه ؟؟ لدي اهداف كثيرة اريد ان تكون لي مكانة مهمة في المجتمع و اريد ان ادخل عالم القاانون من ابوابه الواسعة و امراة ناجحة في حياتها الشخصية.

*حلم نفسك يتحقق ؟؟//

* حلم لكن مستحيل انه يتحقق ؟؟//

* تقول الفنانه القديره بسكال مشعلاني ( اكبر غلطه في حياتي )
ما هي اكبر غلطه في حياتك ؟؟؟


بصراحة كل واحد في هاد الدنيا مهو معصووم عن الخطا او الغلط.كاين اغلاط لكن مشي لدرجة اكبر غلطة في حياتي.
* موقف محرج حصلك في حياتك و في الموقع ؟؟؟///

* احسن سنه كانت بالنسبه لك وعلاش ؟؟؟التارمينال و جاوبت عليها من قبل.

* ايه الاهم الكرامه ولا الحب وليش ؟؟هما الزوج مكملين لبعظاهم لكن الكرامة اهم.

* الخيانه بانسبه ليكي عباره عن ماذا ؟؟

هي الجريمة اللي لا تغتفر و خاااصة عندي..لانو بصراحة تفقد الثقة بعد الخيانة.

كان بودي تكون اسئلة من عندك و لو راقبتها و عدلتها كان احسن مشي كوبيي كولي..و كاين اسئلة مكررة

عموما رايحة نجاوبك على القسم الاول من الاسئلة لانها كثيرة و انا معنديش بزاااف وقت.

/ ما هو أروع كتاب قرأته و علقت أفكاره ببالك؟ ريح الجنوب كتاب جزائري رائع.

2/ ما هي الحكمة التي تعتبرينها دستورا تتبعينه في الحياة ؟///

3/ ما هي الصفة التي تتمنين أن تتسمي بها وليست فيك؟ نحب لغيري كما نحب لنفسي.

4/ هل ندمت على شيئ ما في حياتك؟لا

5/ هل أنت راضية عن نفسك ؟///

6/ ما هي أقسى فترة عشتها في حياتك؟ فترة المراهقة.

7/ ومتى سالت دموعك اخر مرة ؟///

8/ من هي أعز صديقة لك؟ايمان

9/ ما هو أسعد يوم في حياتك؟كاين ايام بزاف سعيدة في حياتي.

10/ ما هو أتعس يوم في حياتك؟يوم سمعت بلي نتائجي مكانتش مليحة العام اللي فات.

11/ هل قسوت يوما على من تحبين ؟///

12/ من تأتمنينه على سرك؟ لا احد غير امي و اختي.

13/ كيف سجلتي في المنتدى وماهو السبب؟ المنتدى منتداي يا خويا راجع اسئلتك.

14/ من هو او هي اقرب عضو(ة) بالنسبة لك بالمنتدى؟ طبعا الكل يعرف نهاد اختي و هي اقرب وحدة ليا.

شكرا لك و نتمنى مشاركاتك متقتصرش فقط هنا على الاسئلة لانو صارلك مدة غايب.

BiBa L'algerie كتب:

السلام عليكم واش راكي رانيا
ان شاء الله مرتاحة حبيبتي



1 بمذا تحلم رانيا عندما تضع رأسها على الوسادة ليلا
2 ما هي طموحاتك ؟ وهل تعتقدين بأنه من الممكن تحقيقها
3 اذكرينا موقف طريف صرالك او اكثر
4 استاد ماكنتيش تحبيه ؟
5 تحبي تختبري النجومية ؟ واذا كان جوابك نعم فأي مجال تحتاري
يالا الا خطرتي اسئلة جديدة راني نرجع
سلاااااااااااااااام

و عليكم السلام و رحمة الله تعالى و بركاته

يا هلا بيبا و الله مرتااحة على الاخر..

نجاوبك:

1 و الله يا ختي نحلم ببزاف حوايج مرات نقعد نضحك تبالي مكانش اللي عندو احلام تشبه احلامي..بصح الاكيد انو نحلم تكون حياتي ناجحة على كل الجوانب و اللي يهمني في الوقت الراهن ننجح في قرايتي و نكمل ماستر..قرايتي هي الاهم.

2 طموحاتي كبيرة جدااا و انا دايما نطمح الى الاحسن يعني الان راني نطمح نكمل ماستر و من بعد ان شاء الله يكون عندي منصب مهم..و الله يا بيبا اختي هاد اليومين كنت نحضر جلسات و الله كي شفت المراة القاضية و المراة المحامية و المراة في مراكز جد مهمة و الله غرت و حسيت برغبة كبيرة باش نولي كيفهم و نحقق اللي حققوه.

3 ههه موقف طريف دكرت واحد من قبل صرالي مع نهاد..و كاين بزاااف مثلا الموقف نتاع المرة اللي فاتت مع حنان نهار اللي خرجنا و كنا نفطرو و كبت عليا الجوو**العصير** ههههههه و ليكسبوزي راح..داك النهار صراو ديجا بزاااف مواقف طريفة هه عقلتي..

4 تعرفي في الليسي كانت علاقتي مع الاساتدة رائعة كانوا اصدقائي..بصح في المتوسط مكونتش نحب وحدين كما هداك نتاع الرياضيا ت نسيت اسمو**** اللي طردنا وحد المرة ههههه.

5 النجومية شيء جميل بصح يا صحبتي واعرة و يليق ضحي ببزاف حوايج ..انا بصراحة لست مستعدة ابدااا باش نعيش هاد التجربة .

شكرااا بيبا على الاسئلة المميزة انتظر المزيد منها..

اما بالنسبة ليك مختار فهادي علاقة بيني بين ربي لا علاقة لا لك و لا لغيرك و ليس من حقك التدخل في خصوصياتي هادي حاجة تخصني انا و فقط.

اولا و قبل كل شيئ اردت ان يكون الموضوع منظم و ميكونش فيه حديث جانبي ...

اخ مختار كرسي الاعتراف هذا هو عبارة عن طرح اسئلة للشخص و هو يجاوب نقطة الى السطر.

انت راك تتناقش يا خويا....هاد الموضوع ليس للنقاش كما قلت

آآسفة و لكن سوف يحدف ردك لانه خارج الموضوع و شكرا !

ربما تقول واش دخلها هادي مي انا هي صاحبة الموضوع و لا اريد ان يكون موضوعي ساحة لكلام غير الكلام الدي طلبته الا و هو طرح الاسئلة فقـــــــــــــــــط !!

HADI C LA 1ER TE3I NCH Y3AJBOUK LOL

كم مرة صبغتي شعرك ؟؟

تقدرين تعيشين بدون مكياج ؟؟ ((بصراحه))



تساعدين أمك بشغل البيت والا تخليها لحالها تشتغل ؟؟


هل تتمنين أنك تصيرين أم ؟؟

كم ساعة بتنامي باليوم؟؟

شو مجلتك المفضله؟؟

كم ميزانيتك للملابس بالشهر؟؟

هل تبكين بكثرة ولا تحسين ان بكائك طبيعي ؟؟

هل تحافظين على وزنك بالنسبة لطولك وتهتمين بغذائك والا ماشي حالك؟؟

شو البلد اللي خاطرك تروحيها ؟؟

كيف تقضين أوقات فراغك؟؟

و مام انا عندي سؤال

ادا كنتى في برنامج من سيربح المليون و طلبو منك باش تتصل بشخص ما للمساعدة بمن تتصلين؟؟