عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى شباب الجزائر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في الانضمام الي اسرة المنتدي سنتشرف بتسجيلك شكرا ادارة المنتدي
منتدى شباب الجزائر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
عدد المساهمات : 1113 نقاط : 1964 العمر : 47 تاريخ التسجيل : 01/09/2011
موضوع: احكي لنا طرفة حدثت لك ,,, 5/3/2021, 21:16
هذه المساحة مخصصة لمن اراد ان يحكي لنا عن طرفة حصلت له ,,,,,,,مهما كانت ,,,او حدثت له قصة لم ينساها لحد الان وعلقت في مخيلته ,,, اولا سابدا بنفسي ,,,,,,,,في مسيرتي الجامعية وباتلضبط في السنة الثالثة كنت ادرس مادة البيداغوجي,,,وهي مادة غير مهمة لنا وانا كعادتي اكثر الكلام في هذه الحصة سواء مع الاستاذة او مع اصدقائي وفي نهاية احدى الحصص وفي اثناء خروجنا طلبت مني الاستاذة مسح السبورة ,,,اندهشت لهذا الامر وبالطبع رفضت وقلت لها لن امسح فاعادت الكرة الا تمسح فقلت لها لالالا ,,وعندما الباب قلت لها هل غضبتي فقالت لي ولما اغضب ,,,,وطبعا في نهاية العام كنت من القلة القليلة التي رسبت في هذه المادة وكنت احتاج فقط الى نقطة لكي اغلق العام وانجح ,,,,,مررت الى الامتحانات الاستدراكية وخلال الفترة الصباحية قررت هذه الاستاذة ان يجري امتحانها مساءاااا وفي نفس اليوم فذهبت انا واحدى الزميلات للتحدث معها لتاخير امتحانها خاصة ان امتحانها عبارة عن حفظ وفقط ,,,فتوسطت الاستاذة بيني وبين زميلتي ونحن نتمشى معها ونحدثها لكي تؤخر امتحانها وفجأة توقفت وطلبت مني ان احضر لها وردة من عند البستاني الذي كان يعدل تلك الورود ,,,,وفتوقفت وسكت و واصابني التجمد ,,, فعرفت اني مخير بين الوردة وبين اغلاق العام ,,,,,,,,,,,,,,لما رات الاستاذة سكوني و صمتي قالت لي الا تريد ان تحضر لي الوردة فقلت لها ,,,هل تريدين الا واحدة فقالت نعم ,,,فذهبت واحضرت لها الوردة ولم ازد كلمة اخرى معها وانصرفت بدون ان اعرف ماتقررته وفي المساء وجدت الامتحان مؤجل وبالطبع تحصلت على 14 ,,,,و اغلقت العام بقصة لن انساها طوال حياتي ,,,,,,,,,,,,,
Nihad و amina يعجبهم هذا الموضوع
amina مراقبة عامة
عدد المساهمات : 3462 نقاط : 3926 العمر : 33 تاريخ التسجيل : 22/07/2009
موضوع: رد: احكي لنا طرفة حدثت لك ,,, 6/3/2021, 20:34
عجب المهم العام طلع ههههه
نحكيلك اكثر وحدة متفكرتها بتفاصيلها الصغيرة وخلات أثر فيا .
مرة فالربيع أنا وزوج صحباتي تفاهمنا على خرجة عندنا بزاف ماخرجناش كيف كيف .. نهار هذاك تحس خرجنا الغمة تاع اليامات اللي ماكناش مع بعض كان جو ربيعي هايل .. وصلت لعشية جوايه 4 قلنا خلاص نروحو ، تعبنا و شرينا حوايج مع الثقل ماقدرناش نزيدو . المشكل كنا في بلاصة مستحيل تحبسلنا فيها تاكسي هذاك الوقت اللي يفوتو ماهمش فرغانين ، و وين نروحو باه نحكمو تاكسي بعيدة شوي .. وكانت سيركيلاسيون مع تشوفها من برا تحكمك الغمة .. ستنينا شوية من بعد عرفنا بلي مافيهاش .. الحل bus تاع الجامعة كنا حذاها يوصلنا وين حابين .. كي وصلنا مع طلعت عاودت درت ماكانش بلاصة نريحو هو كان فارغ لبلايص معمرين (والله كان تعب كبير مع سيركيلاسون علابالي مطولين ومستحيل نقدر نتحمل) قلت للبنات نستناو اللي بعدو هذا راح يمشي .. وكي طلعت استغربت من حاجة أول حاجة ضربتني لوجهي قبل ما نتوله كاين وين نقعد ولا لا .. عجوزة كبيرة فالعمر (لبستها تاع لعجايز تاعنا اللي عايشين فالجبل وعندهم الأرض والغنم ) حرت على خاطر المنظر هذاك منقرض ف centre ville حتى نخرجو للدوار باه نتلاقاوهم ..
الوقت اللي وقفنا فيه مافاتش 5 دقايق ،، ال bus راح يخرج لعجوزة هذيك يجي في بالها تنزل وزربت فالمشية تاعها والكارثة الشوفور ماشافهاش .. قفل الباب القدام .. هي لاحت رجلها اليمنى مع زادت اليسرى يقفل الباب الخلفي حنا في ثلاثة طلقنا واش في يدينا ماعلاباليش كيفاه تعب راح بدينا نعيطو .. حبس حل الباب ماسمعناش .. تخيل واش يصرا قفل على قشها وطيح تتعكل مسكينة حكمناها .. وبين الbus و تروتوار مسافة قليلة بزاف، والمشكل تروتوار عالي على الأرض تحسها دخلت حفرة وقشها معلق فالباب .. عيينا نخرجوها طلقتها وبديت نخبط فالبيس ونضرب وهو لا خبر .. واللي قاعدين ثم يحسبو فيا حابة نطلع الشوفور يقولي روحي للبيس اللي بعدي ... ضربنا خبطنا والو .. ويدور الروض باه يخرج من بلاصتو .. قدم شوية برك لحقتها الروضة لوكان خرج كان يعفسها ،، يمحيها ثم .. لأول مرة في حياتي نحمد ربي كاينة سيركيلاسون كانت الحالة مقفولة .. فاللحظة هذيك حسيت الدنيا حبست مافهمناش واش نديرو والناس فايتين يشوفو فينا نعيطو ونبكيو ماقالوش نعاونو عيينا نجبدو فيها قشها بزاف ( مع أنو موقف يبكي الحجر والله تخلطت الحالة شوي نبكيو شوي نضحكو هذيك لعجوزة لابسة بزاف قنادر .. قلت لصحبتي احكمي جسمها اطلقي قشها قاتلي وينهي عييت نلقاها وبقات تحوس على رجليها باه نتأكدو بلي ماتجرحتش )
من بعد عاودت نضت أنا وصحبتي وحدة قلتلها نكسرو الكارو .. بدينا نخبطو فيه ثم شاف معايا شوفور سمعني قتلو حبس راك راح تقتلها .. ثم شافوها 2 طلبة كي تولهو لتحت لقاوها بداو يخبطو وراهو ليه .. ثم شاف مع rétroviseur لقانا كيفاه مدايرين وشافها عاود رجع bus لبلاصتو الحمد لله ثم قدرنا نعدلوها مسكينة تخبشت من ذرعيها .. نزل حاكم راسو ومن الفشلة قعد فالارض قالنا لوكان قتلتها كيفاه ندير لروحي .. قلنالو حل الباب نخرجوها بقى يشوف عيا يتحرك ثم راح واحد حل الباب ... واخيرا تحل الباب جاو 2 رجال عاونونا خرجوها طلعناها .. عدلنالها قشها شفناها بلاصة بلاصة خاصة راسها تأكدنا بلي منعت الحمد لله .. قلنالها الحاجة الحمد لله راكي بخير والدموع يسيحو ماصدقناش حسبنا مانقدروش نعاونوها .. لعجوزة هذيك شغل كانت مشوكية شافت فينا زمان ومن بعد فطنت عدلت قشها والفولار تاعها مسحت نفضت روحها وشافت فينا حنا في ثلاثة من الفوق لتحت تخيل واش تقولنا !!!! " أنتوما عميتو من الصباح تجبدوني؟؟؟!!!" خزرت فينا خبطت l'écharpe تاعها وراحت في وجوهنا
ثمة طحنا فالأرض من الضحك ماقدرناش نبانو مهابل لعباد يتفرجو فينا .. ضحك في حياتي ماضحكتو لليوم كي نتفكرها نحسها البارح صرات
Nihad و mokhtar20 يعجبهم هذا الموضوع
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
موضوع: رد: احكي لنا طرفة حدثت لك ,,, 6/3/2021, 20:41
المهم الحمد الله على سلامتها ,,,,وكانت النهاية سعيدة ,,,,,
Nihad و amina يعجبهم هذا الموضوع
Nihad Admin
عدد المساهمات : 1998 نقاط : 2250 العمر : 30 تاريخ التسجيل : 20/07/2009
موضوع: رد: احكي لنا طرفة حدثت لك ,,, 6/3/2021, 22:52
ههههههه مختار قصتك غريبة مي المهم بلعت و سلكت ههههه امينة ضحكتني والله هههههههه هادا اللي يقولك تمشي تسلك تحصل ههه المهم خرجت سلامات انا صراحة عييت تتفكر جات في بالي غير هادي دروك كي تتفكر راني نرجع... هادي صرات في الاقامة كنت في الشمبرة انا و صحبتي فقط و البلوك تاعنا bloc صراحة كان فيه غير بنات الفاميليا و تاع قراية و بحكم الاقامة تاعنا تاع الشعب العلمية فقط يعني كانت شايعة فيها غير اللي يقراو قليل فاين تصيب الهمج المهم احدي الليالي هههه كنت غير انا صحبتي مكانتش معاي المهم عندي جاراتي قدامي كان عندي كونترول و كنت نريفيزي و الشياط طالع مع راسي علاش ماشي الغرفة اللي فوقي نيشان ينوض يديرو عيد ميلاد و الغنا و ليباف يسمعو و الحس في السقف تحسب راهم معاي و انا بطبعي مقلقة و منصبرش عييت عييت نصبر روحي و و مشيت عند جارتي قاتلي تا انا عندي كونترول و راني مديرونجيا منهم قتلها نطلعولهم قاتلي يلاااه ، ايا حنا طالعين مع الدرج و صاحبتي بدأت تتردد هههه قتلها صااي وصلنا نديرو الكوراج( مدايرين والو بصح خايفين هههه) ايا ساعة و حنا شكون طبطب و شكون تهدر حتى قررنا هي طبطب و انا نهدر هههه زعما تشجعت و انا خاطيني مشاكل كيفي كيفها بصح جات في القراية مقديناش نسكتو ايا هيا طبلت في الباب و تخبااااات موراي و هي قصيرة و اناا طويلة مولاتش تبان هههههه ايا و تحل وحدة الباب واااااش نقولكم رافدة حبة بطاطا و خدمي ( سكين) و حواجبها متراصيين واش نحكيلكم درت شفت فصاحبتي حسيتها قريب تغاشت ايا درت الكوراج ههههه قتلها اختي عندنا كونترول و راكم درنجيتونا و انا بيني بين روحي يا ويلي يلا جماعتها الداخل خرجت هههههه ايا قاتلي صاحا سمحولنا .... تم تم هودنا نجربو اوووه و شحال ضحكنا داك النهار نزيدلكم حاجة موراها ب شي يامات دارو حفلة ايا جاو خبرونا من قبل زعما ههههه صحبتي قاتلي محسابنيش رانا نخوفو حتى حنا هههنه الاقامة عندي حكايات كي تتفكر نزيدلكم هههه شكرا مختار موضوع جميل
amina و mokhtar20 يعجبهم هذا الموضوع
mokhtar20 عضو فعال
عدد المساهمات : 1113 نقاط : 1964 العمر : 47 تاريخ التسجيل : 01/09/2011
موضوع: رد: احكي لنا طرفة حدثت لك ,,, 7/3/2021, 17:18
ههههههه,,,,امينة ,,,,,ماديريش على نهاد بلي هي عاقلة ,,,,,,,ياجدك وحدة طول وعرض وبالخدمي خافت منها ,,,,,,,,,,,,عندكي لا ديرونجيها راها تجيك لدار ,,,,وانا صاي من دروك نلغالك غير لا لة ,,,,,,,,,,,,,,,,,,,مرانا طايقين على الزقا ,,,,,,
Nihad و amina يعجبهم هذا الموضوع
Nihad Admin
عدد المساهمات : 1998 نقاط : 2250 العمر : 30 تاريخ التسجيل : 20/07/2009
موضوع: رد: احكي لنا طرفة حدثت لك ,,, 7/3/2021, 18:41
ههههههههههه و الله ما نبان معاها و لحد الان معرفتش كيفاش خوفناها ولا بلاك شفيناها غضناها قرايات ههههههه
amina و mokhtar20 يعجبهم هذا الموضوع
amina مراقبة عامة
عدد المساهمات : 3462 نقاط : 3926 العمر : 33 تاريخ التسجيل : 22/07/2009
موضوع: رد: احكي لنا طرفة حدثت لك ,,, 8/3/2021, 16:31