منتدى شباب الجزائر
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدي
سنتشرف بتسجيلك
شكرا
ادارة المنتدي



 
الرئيسيةالتسجيلدخول
بحـث
 
 

نتائج البحث
 
Rechercher بحث متقدم
المواضيع الأخيرة
» صور للأعضاء المنتدى
الثلاثاء أغسطس 30, 2016 12:51 pm من طرف mokhtar200

» هل من مجيب............
الثلاثاء أغسطس 23, 2016 1:14 pm من طرف mokhtar20

» عندما قالوا بأنك فاشل,,, بماذا أجبت؟؟؟
الثلاثاء أغسطس 23, 2016 1:08 pm من طرف mokhtar20

» جنووووووووووووووون
الثلاثاء أغسطس 23, 2016 12:59 pm من طرف mokhtar20

» لا تحزن عندما لايرد على موضوعك أحد
الثلاثاء أغسطس 23, 2016 12:54 pm من طرف mokhtar20

» لا تحزن يا قلبي ..‎
الأحد أغسطس 21, 2016 1:23 pm من طرف mokhtar20

» أمآمك خيآرين ... أختآر وآحد منهم
الأحد أغسطس 21, 2016 1:19 pm من طرف mokhtar20

» كيف يكون المنتدى بعد10سنين الكل يشارك.
الأحد أغسطس 21, 2016 1:16 pm من طرف mokhtar20

» هل شعرت يوماً ما بالملل عند دخولك المنتدى
الأحد أغسطس 21, 2016 1:12 pm من طرف mokhtar20

ازرار التصفُّح
 البوابة
 الصفحة الرئيسية
 قائمة الاعضاء
 البيانات الشخصية
 س .و .ج
 ابحـث
منتدى
التبادل الاعلاني
احداث منتدى مجاني
أفضل 10 أعضاء في هذا المنتدى
amina
 
®~¤¤الزعيمة¤¤~®
 
didi
 
youcef
 
YOUCEF cOnStAnTiNe
 
Nihad
 
maroua_nounoussa
 
salima
 
الاء
 
the gangster
 
سحابة الكلمات الدلالية
الثالثة رنونة كريم الرياضيات شعبة غزالي تمارين الجزائر مواضيع واقتصاد رياضيات المدرسي ثانوي صايفي الأعضاء للسنة الكتاب السنة زفاف زوجة دروس ملخص مذكرات اقتصاد سنة زياني

شاطر | 
 

 حالة الشاب الزوالي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
algerienne
عضو فعال
عضو فعال


انثى عدد المساهمات : 369
نقاط : 462
العمر : 25
تاريخ التسجيل : 04/03/2010

مُساهمةموضوع: حالة الشاب الزوالي   الجمعة ديسمبر 30, 2011 6:31 pm



جاني مرض صعيـــب و طحت في الفراش ايّامـات
ما نفعني قول الطبيـب و لا نوّضوني ذوك الـدّواوا ت
اللّي يحوّس يفهم يخيــب و مـا فهموا فيّــا العلامـات
الوجه مصفار و شحيــب و لا تونسـيون سيس سات(7.6)
جا بابا وثرن مجـــرّب وقاللّي يا وليدي عندي إحسـاس
هذي حاجة ضربت في القلب و عندك رسمـي الستــراس
قل لي شكون اللّي راك تحب و اعطيني إكزاكــت لا دراس
نروحوا انشاللّه تخطـــب و تولّي كـي بكري لا بــاس

قتلو يا الشيخ والله غير هي و هـاذ الشّـي اللّي متعبنـي
شفت نهـار واحــد البنيّة حبّها طغــى عليّا و غلبنــي
مـا علاباليش واش بيّــا خيــالها ديمــا متبّعـــني
واقيـــلا يلزمني رقيـة الشيخ البشـــير يرقيـــني
مـرّات نقـول نخطــبها و خطــرات نقــول خلّيـني
و الشي الأساسي في القضية ما نعرف إذا الشعـور تبـادلني
هـذي هــي الوضعـية و هذا هو التّخمــام اللّي مرّضني

قالّو يـا وليدي شوفــها مليح و شوف انت قبل روحــك
إذا عزمــت روح اسألها قول لها هل نقـدر نجي لأهـلك
الفــاميليا نتاعي نجيـبها باش انشــالله نخطــــبك
والحاجة غير ربّي يكتبـها و كي تستخير ربّي شي ما يضرّك

السّيــد تم تم صحا تقــول مــا كان عيّـان
وجهـو نوّر مالفرحــة بعد الكــدرة ولّى زهــوان
و كأنو ما ادّى ذيك الطّيحة و ما كان مهمـوم و ديخان
قاللّو يا بابا يعطيك الصحّة و كيفك ما يوجد في هذا الزّمان

راح لـــيها كلّــمها و هو شــوّية حــاشم
يا بنت النــاس قـال لها راني حــاب ليك نتقــدّم
على سنّة ســيّدنا طه و قتاش نجــي لداركــم
و المفــاجأة , هي أنها كــانت بيــه تاني تحلــم
من شوقها قاتلو اليوم ولآخلّيها حتّى مع دارنا نتــــكلّم
وكــي قالت لبــاباها قاللها ماعلــيش مرحبا بيهم

جــاو للدّار و قالــوا جيناكم بالحسـب و النسب
رانــا منكم نامــلوا وليدنا في بنتـــكم راغب
نتمنّــاو انشالله تقبلوا و تعطيولو مـا طـــلب

ســألوا واش الخدمة طبيب مهندس ولآ طيّار
و الدّراهم يــادرى كشما و السّكنى كيفاه الدّار
بنتنا لازم تعيش مكرّمة و احنا عايلة من الكبــار

لازم تعيش في V ـيلا تطل عالبحر النسيم تشمّو
و الطوموبيل مرسيداس كحلة و المفتاح هي اللّي تحكمو
البارور ،الحزام، و السنسلة 18 كارا باش نتفاهمو
و حاذرولنا على يدّين الطفلة و البيت كثّروا من خدّاموا
الكنيس و المسيح و الشغل لالا و وليدكم ما يمشّي عليها حكامو
في اسبانيا تجوّز العطلة مصر و تونس بلايص قدّامو
هذي هي شروطنا كاملة و عندكم الوقت باش تخمّموا

قاللّو وليدنا طالب داريار آني و كي يتخرّج يخرج محامي
و عندنا تراب ذرك يبدا يبني لكن دوماج ما عندوش البارمي
تلقاو فيه الإنسان الحقاني بدينو متمسّك محتمي
نطق هو قال في عيني نحطها بنتك يا عمّي

تنهد باباها بالزّفرة و قال يا فلان روح مازالك صغير
الزواج للّناس الرجــال اللّي تعرف فالدنيا تسير
الآن ماشي الأخلاق المال اللي تخليك وش تحب ادّير
رانا رافضين و بنتنا محال بعد العز تروح للحصير

الولد تحطم يبسو رجليه و الطفلة ثارت في وجه باباها
قاتلو حرام عليك إيه و فكّراتو في فقرو ,وغنا يمّاها
قاتلو غير هذا اللي ندّيه و حاجة اخرى ما نرضاها
قالها إذا صمّمتي و راسك ركبتيه الأبوّة نتاعي منّك ننزعها

قعدت تندب حظها تبكيه و تشكي للرّحمان حالها
و صاحب دعوتها سألت عليه لقاتو هبل كوارطو دفعها
يتحسّر على الوضع اللّي صل ليه سمح في روحو الدنيا كرهها

قال لهاذ الدرجة ولآت المادة تأثر على حياة العباد
لوكان عرفت الدنيا هكذا نعيا عالدّراهم ما نشوف رقاد
كيفاه المرفّه إذا قال أدّا و أنا ما قدرت ندّي سعاد


الرجوع الى أعلى الصفحة اذهب الى الأسفل
Mehdouch
عضو فعال
عضو فعال


ذكر عدد المساهمات : 724
نقاط : 1279
العمر : 29
تاريخ التسجيل : 09/08/2011

مُساهمةموضوع: رد: حالة الشاب الزوالي   الثلاثاء يناير 03, 2012 12:22 am

الله عليك يا اجليريان
هذا هي حوال الدنيا ليوم ليعندة يعيش ولمعندوش كلاه بوبي
مي اموان هاذ الطفلة ماتهماش المادة كان تعرفيها قوليلي ههههههه
عام سعيييييييييييييييييييييييد
الرجوع الى أعلى الصفحة اذهب الى الأسفل
algerienne
عضو فعال
عضو فعال


انثى عدد المساهمات : 369
نقاط : 462
العمر : 25
تاريخ التسجيل : 04/03/2010

مُساهمةموضوع: رد: حالة الشاب الزوالي   الثلاثاء يناير 03, 2012 6:03 pm

ههههههههههههههه خسااااااااااااااااارة ما نعرفهاش

مرسي خويا
الرجوع الى أعلى الصفحة اذهب الى الأسفل
 
حالة الشاب الزوالي
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى شباب الجزائر :: ملتقى شباب الجزائر :: منتدى افتح قلبك-
انتقل الى: