راهو غلبني رمضان......؟؟؟؟

سلام عليكم


و صحا رمضانكم
غلبنى رمضان كلمة تاعنا حنا الدزايريين برك لخطر نص الكبير يغلبهم رمضان معلاباليش مسكيين رمضان علاش يلصقو فيه كلش بصح لقيت مبدعيين فى هاد مجال غلبات تاع رمضان


منهم


واحد ينوض على 12 كى يغسل وجهو و يفطن يفيق بلى رانا فى رمضان مكاش الفطور و مازال الحال على مغرب غلبو رمضان يولى للفراشو و يرقد حتى يادن المغرب و ينوض يفطر شاطر جاب نهارو :


وحد اخر mprogami روحو بلى غدوة رمضان رقاد حتى للعشية بصح جى ماماه و لا مرتو نوض تقضى ينوض بعد حرب اهلية و يروح غالق عنيه اونكا يروح النوم منهم و يبقى فاطن فى النهار يصبر للجوع و العطش



و هادا عارف سيدنا رمضان و مالفو ناض نورمال للخدمة بصح كى كان مولى للدار لقا غير الحوايج الى يشهو و الى حب ياكلهم مور الفطور زلابية بقلاوة مقروط قنيدلات تلقاه يوزن بكيلوات تقول عرض عرش للفطور


واحد نهارو نورمال مالقرى تشومير ينوض للخدمتو تكيال الرايح و الجاى و تشلال العينيين بصح كى جى لعشيا تلقاه يسحب باش يوصل للدار مع العلم بلى كان متكى على سور تاع دارهم مسكيين عيا راه خدام


تروح للمارشى تلقا دنيا مقلوبة زوج يضاربو على والو و مور للفطور تلقاهم كتر من للحباب


واحد كى ولى من خدمة لقا بلى نهار مازال طويل يدخل للكوزينة يشوف الفطور يلقى مرتو مازلها توجد يبدا يعيط قبل خمس سوايع وين راه الفطور


فى رمضان كى تلحق العشية واحد ما يعرف واحد كل مهموم و يخمم على فطور وين وصل


تانى واحد ياكل واحد لوكان يهدر معاه



اييه حنا دزايريين يغلبنا رمضان .....هكدا

ونتواما مدام دخاتو للموضوع معناها غلبكم رمضاااان
سلام وصح فطوركم

ههههههه صح غلبني رمضان اليوم السخاااانة بزاف

شكرااالك موضوع صح يبرز معاناة كل واحد دزيري في رمضان ههههه

ههههههه هذي هي الحاالة ، بصح الأكثر الرجل هو اللي يتأثر بزاف

والشيء اللي راني نقرا فيه فالشروق ربي يستر ، منهم واحد قاتلو مرتو اشريلي "خل"، ضربها قريب قتلها ضرك راهم فالعدالة

والله هذا كامل نقص الإيمان ، ربي يتقبل منا ان شاء الله ويجعلنا من أهل الجنة (امين)


وبالنسبة ليا انا مغلبنيش ، وجامي غلبني إلا إذا كنت مريضة


شكرا algerienne

ههههه
شكرا ليك نهاد وأمينة

هذه السلبيات اللي راهي تميز يوميات الجزائري في رمضان
ساعات تكون طريفة بصح كاين وين توصل للموت والقتل والسبب والكلمة المشهورة غلبني رمضان
ربي يهدينا

ههههههه و الله صح هادي هي الحقيقة

هدا هو رمضان عند ليجان نتاوعنا

ربي يهديهم ان شاء الله

مشكووورة عائشة على الموضوع المميز