آسف آسف آسف

السلام عليكم
ان شاء الله تكونوا كامل ملاح وفي تمام الصحة يا ربي

اليوم دخلت باش نحكي مانيش عارف اذا كان يوسف حكالكم ولا لا بصح خلوني نفرغ قلبي

والله العظيم مريت هاد العام بمرحلة خلاتني نبدل النظرة نتاعي للحياة

ما لقيتش منين نبدالكم على كل حال اسمحولي مسبقا راني غير نكتب وخلاص بلا ما نركز لاخاطرش هادي احداث و مرت عليا
نبداها من المرض نتاع الام نتاعي الله يشافيها ألي حكيتلكم عليه نظن راكم عاقلين عليه ، في الاشهر الاخيرة زاد عليها المرض و ما خلينا حتى طبيب والطبيب الاخير قالنا لازم تشوفولها راقي يرقيلها ايا من هاداك النهارلا وحنا مع الرقية الشرعية وين يقولونا كاين رراقي مليح نروحو عندو، وكانت صح ولات كي ترقي بعد 30 يوم يرجع ليها هاداك المرض ما عرفناش علاش ، على كل حال مازلنا لحد الآن هاكداك
والمشكل في نفس الفترة زاد الاب نتاعي دار حادث مرور بالسيارة لوكان تشوفو السيارة تقولو ألي كان يسوق ميت، قعد هنا يداوي وبعد ايام قالونا لازم يطلع لفرنسا ،راح لفرنسا وقعد يداوي فما.

الله يرحم الوالدين قولولي كيفاش ديروا لوكان :

والديك في زوج مرضا في الفراش
انت الكبير في الدار
خاوتك صغار يقراو
ماكانش الي يصرف على الدار
وانت في مرحلة دراسة عليا ما عندكش الوقت

الله يجعل من ربي يبعدكم على هاد المواقف ان شاء الله

على كل حال الوالدة مازالت على هاديك الحالة
و الخبر الي يفرح الوالد رجع وما عندوش بزاف كي نحا الفاسمة من راسو وراه يمشي عادي
والدراسة راهي ماشية الحمد لله

فقط ادعيولنا دعوة الخير والشيفاء للوالدة

وانا عندي قصة اخرى ن اديولي بالحفظ يوم 18 من هاد الشهر